བོད་རང་སྐྱོང་ལྗོངས་དགེ་སྒྲུབ་སྤྱི་ཁྱབ་ལྷན་ཚོགས་ཀྱིས་གསལ་བསྒྲགས་སྤེལ་བ།

ཉེ་ཆར། བོད་རང་སྐྱོང་ལྗོངས་དགེ་སྒྲུབ་སྤྱི་ཁྱབ་ལྷན་ཚོགས་ཀྱི་རྩིས་ཐོར་གྲངས་འབོར་ཉུང་བའི་ཞལ་འདེབས་དངུལ་འབྱོར་བ་དེའི་ཡོང་ཁུངས་གསལ་པོ་མེད་ཅིང་། ཞལ་འདེབས་རྒྱག་ཐེངས་མང་བས། དེ་ནི་ཁྲིམས་འགལ་བས་དགེ་སྒྲུབ་སྤྱི་ཁྱབ་ལྷན་ཚོགས་ཀྱི་མིང་ཐོག་ནས“བྲིན་རྫུ་བྱས་ནས་བར་གླ་གསོག་པ”དང“ཞལ་འདེབས་བརྒྱབ་ན་ཁེ་སྤོགས་སློག་པ”སོགས་ཀྱི་བྱ་ཐབས་སྤྱད་དེ་དྲིལ་བསྒྲགས་རྫུན་མ་བྱས་ཏེ་བྱ་དགའ་སྤྲོད་པ་སོགས་ཀྱི་བྱེད་ཐབས་བརྒྱུད་སྤྱི་དམངས་ཀྱིས་སྐད་འཕྲིན་ཚོགས་པའམ་ཡང་ན་APPགཞན་དག་ནས་སྔོན་ལ་ང་ཚོའི་ལྷན་ཚོགས་ཀྱི་རྩིས་ཐོར་གྲངས་འབོར་ཉུང་བའི་དངུལ་ཞལ་འདེབས་རྒྱག་པའི་བསླུ་ཁྲིད་བྱས་རྗེས། སྤྱི་ཕན་བྱེད་སྒོའི་མིང་ཐོག་ནས་དྲིལ་བསྒྲགས་རྫུན་མ་དང་ཁ་བསླུས་རྒྱག་པའི་བྱེད་སྤྱོད་སྤེལ་བའི་དོགས་གཞི་ཡོད། བྱེད་སྤྱོད་འདིས་ངེད་ལས་ཁུངས་ཀྱི་མཚན་སྙན་དང་སྤྱི་ཚོགས་ཀྱིས་ཡིད་ཆེས་བྱེད་ཚད་ལ་གནོད་འཚེ་ཆེན་པོ་བཟོས་པ་མ་ཟད། སྤྱི་ཚོགས་ལའང་ཤུགས་རྐྱེན་ངན་པ་བཟོས་ཡོད།

བོད་རང་སྐྱོང་ལྗོངས་དགེ་སྒྲུབ་སྤྱི་ཁྱབ་ལྷན་ཚོགས་ཀྱིས་གསལ་བསྒྲགས་དྲང་ནན་སྤེལ་བ་གཤམ་གསལ།

དགེ་སྒྲུབ་ཀྱི་ཞལ་འདེབས་ནི་རིན་པ་མེད་པར་ཕུལ་བ་ཞིག་ཡིན་པས། “སྐྱིན་ཚབ་མི་དགོས་པའི”ཁྱད་ཆོས་ཀྱིས་ཞལ་འདེབས་བརྒྱབ་རྗེས་སྐྱེད་ཀ་མེད་པ་གཏན་འཁེལ་བྱས་ཡོད། སྤྱི་ཕན་ལ་ཁ་གཡར་ནས་བྲིན་རྫུ་བྱས་ཏེ་ཁེ་སྤོགས་བསློགས་པ་དང་ཞལ་འདེབས་བརྒྱབ་ན་དངུལ་སྨར་བསློགས་པ་སོགས་ནི་ཁ་བསླུས་བརྒྱབ་པ་ཞིག་རེད། བོད་རང་སྐྱོང་ལྗོངས་དགེ་སྒྲུབ་སྤྱི་ཁྱབ་ལྷན་ཚོགས་ཀྱིས་ཚན་པ་དང་མི་སྒེར་གང་རུང་ཞིག་སྒྲིག་འཛུགས་སམ་ཡང་ན་དེར་དབང་ཆ་སྤྲད་ནས་རྣམ་པ་གང་རུང་གི“བྲིན་རྫུ་བྱས་ནས་བར་གླ་གསོག་པ”དང་། “ཞལ་འདེབས་བརྒྱབ་ན་ཁེ་སྤོགས་སློག་པ”“ལས་འགན་ལེགས་སྒྲུབ་བྱས་ན་དངུལ་སྨར་སློག་པ”སོགས་ཀྱི་བྱེད་སྒོ་སྤེལ་མྱོང་མེད། བོད་རང་སྐྱོང་ལྗོངས་དགེ་སྒྲུབ་སྤྱི་ཁྱབ་ལྷན་ཚོགས་ཀྱི་མིང་ཐོག་ནས་ཁེ་དབང་ལ་བཙན་གནོད་བྱེད་པའི་ཁྲིམས་འགལ་བྱེད་སྤྱོད་སྤེལ་ཚེ། ང་ཚོས་དེར་བཅའ་ཁྲིམས་ཀྱི་འགན་འཁྲི་བདའ་འདེད་གཏོང་ངེས་ཡིན།

བོད་རང་སྐྱོང་ལྗོངས་དགེ་སྒྲུབ་སྤྱི་ཁྱབ་ལྷན་ཚོགས་ཀྱིས་སྤྱི་དམངས་ལ་དྲན་སྐུལ་ཞུ་དོན། དོགས་ཟོན་ཆེར་བསྐྱེད་ཀྱིས་དགེ་སྒྲུབ་ལ་ཁ་གཡར་ནས་སྤེལ་བའི་ཁྲིམས་འགལ་བྱེད་སྤྱོད་ལ་གཏན་ནས་ཞུགས་མི་རུང་། གལ་ཏེ་གོང་གསལ་གྱི་གནས་ཚུལ་འདི་རིགས་འཕྲད་ཚེ། དུས་ཐོག་ཏུ་སྤྱི་བདེ་ལས་ཁུངས་སམ་ཡང་ན་དམངས་སྲིད་སྡེ་ཚན་ལ་སྙན་སེང་ཞུ་དགོས་པ་དང་། གྱོང་གུན་བཟོས་པར་འབྲེལ་ཡོད་དཔང་རྟགས་བསྡུ་རུབ་དང་ཉར་ཚགས་ཡག་པོ་བྱེད་དགོས་པ་མ་ཟད། སྤྱི་བདེ་ལས་ཁུངས་ལ་གྱོད་དོན་སྙན་སེང་ཡང་ཞུ་དགོས།

གཅེས་སེམས་མི་སྣས་ངེད་ཚོགས་པའི་གཞུང་ཕྱོགས་དྲ་ཚུགས(http://xzcs.shiyiyun.xin/)དང་གཞུང་ཕྱོགས་ཀྱི་སྐད་འཕྲིན་སྤྱི་རྟགས(དགེ་སྒྲུབ་བོད་ལྗོངས་དང་བོད་རང་སྐྱོང་ལྗོངས་དགེ་སྒྲུབ་སྤྱི་ཁྱབ་ལྷན་ཚོགས)ནས་ཡོངས་བསྒྲགས་བྱས་པའི་ཞལ་འདེབས་འབུལ་ཐབས་ལ་བརྟེན་ནས་ཞལ་འདེབས་རྒྱག་དགོས་པ་ལས(འབྲེལ་གཏུག་ཁ་པར་ཨང་གྲངས། 0891-6653006) མགོ་སྐོར་འོག་མ་ཚུད་པར་བྱེད་དགོས།

ཆེད་དུ་གསལ་བསྒྲགས་འདི་སྤེལ།  

བོད་རང་སྐྱོང་ལྗོངས་དགེ་སྒྲུབ་སྤྱི་ཁྱབ་ལྷན་ཚོགས་ནས།

2023ལོའི་ཟླ་7ཚེས19ཉིན།