འདི་ནི་བོད་ལྗོངས་བོད་ལུགས་གསོ་རིག་སློབ་ཆེན་གྱིས་པེ་ཅིང་ཨའོ་ཝུའེ་སེ་དང་མཉམ་དུ་ཧྲེན་ཀྲེན་དུ་སྤྱི་ཚོགས་ལག་ལེན་བྱེད་སྒོ་སྤེལ་བཞིན་པ།

2013ལོ་ནས་བཟུང་། པེ་ཅིང་ཏེ་ཝེ་ཅ་ཡེ་མཆོག་རམས་པའི་ཚན་རིག་ཐེབས་རྩ་ལྷན་ཚོགས་ཨའོ་ཝུའེ་སེ་ཚན་རྩལ་འཕེལ་རྒྱས་ཀུང་སི（གཤམ་དུ“པེ་ཅིང་ཨའོ་ཝུའེ་སེ”ཞེས་བསྡུ་རྒྱུ）ཡིས་བོད་ལྗོངས་བོད་ལུགས་གསོ་རིག་སློབ་ཆེན་དང་མཉམ་ལས་བྱས་ཏེ་སློབ་གྲྭའི་ཕུལ་བྱུང་དགེ་སློབ་ལ་གཅེས་སེམས་སློབ་སྐྱོར་རོགས་དངུལ་སྤྲོད་སྲོལ་བཙུགས་པ་དང་འབྲེལ། སྤྱི་ཚོགས་ལག་ལེན་བྱེད་སྒོ་སྤེལ་ཞིང་། བྱེད་སྒོ་སྤེལ་བ་ནས་བཟུང་། དགེ་སློབ་300ལྷག་ཙམ་པེ་ཅིང་དང་། ཏ་ལེན། ཅིན་ཀང་ཧྲན། ཧྲའོ་ཧྲན། ཁྲེང་ཏུའུ། ཧའེ་ནན། ཧྲེན་ཀྲེན་སོགས་ས་ཁུལ་དུ་སློབ་སྦྱོང་དང་ལྟ་སྐོར་ལ་བསྐྱོད་ནས་ཉིན་རེ་བཞིན་འཕོ་འགྱུར་འགྲོ་བའི་མེས་རྒྱལ་གྱི་རྣམ་པ་གསར་པ་དང་ཀྲུང་ཧྭའི་ཕུལ་བྱུང་སྲོལ་རྒྱུན་རིག་གནས་ཀྱི་ངོ་མཚར་ཉམས་ལེན་བྱས་ཁར། ལག་ལེན་ཁྲོད་རྒྱ་ཆེའི་དགེ་སློབ་ཚོའི“མོས་སེམས་ལྔ”རྒྱུན་མཐུད་ཆེ་རུ་བཏང་བ་དང་ཀྲུང་ཧྭ་མི་རིགས་གཅིག་མཐུན་འདུས་གྲུབ་ཀྱི་འདུ་ཤེས་ཟབ་ཏུ་བཏང་ཡོད།

ད་ཆ། “ཀྲུང་ཧྭ་མི་རིགས་ཁྱིམ་ཚང་གཅིག ཀྲུང་གོའི་ཕུགས་འདུན་མཉམ་དུ་གཏོད”པའི་སྤྱིའི་དམིགས་ཚད་ལ་གཞིགས་ཏེ་མི་རིགས་མཐུན་སྒྲིལ་ལ་ཤུགས་སྣོན་རྒྱག་རྒྱུ་དེ་པེ་ཅིང་ཨའོ་ཝུའེ་སེ་དང་བོད་ལྗོངས་བོད་ལུགས་གསོ་རིག་སློབ་ཆེན་གྱི་དགེ་སློབ་ཚོའི་བརྩེ་སེམས་སྤེལ་རེས་ཀྱི་འབྲེལ་ཟམ་དང་འབྲེལ་ཐག་ལྟ་བུར་གྱུར་ཡོད་ལ། བོད་ལྗོངས་བོད་ལུགས་གསོ་རིག་སློབ་ཆེན་གྱི་སྤྱི་ཚོགས་ལག་ལེན་བྱེད་སྒོའི“སྤུས་ལེགས་རྣམ་གྲངས”ཀྱི་བརྗོད་དོན་གཙོ་བོར་ཡང་གྱུར་ནས་2021ལོ་དང་2022ལོ་གཉིས་བསྟུད་མར“རྒྱལ་ཡོངས་ཀྱི་ཕུལ་བྱུང་སྤྱི་ཚོགས་ལག་ལེན་མཉམ་སྡེབ”ལ་བདམས་པ་རེད།

གསར་བརྗེའི་གཞི་རྒྱུ་རྒྱུན་འཛིན་གྱིས། རྒྱལ་གཅེས་བརྩེ་སེམས་འཕེལ་བར་བྱེད།

2021ལོའི་དབྱར་ཁར་བོད་ལྗོངས་བོད་ལུགས་གསོ་རིག་སློབ་ཆེན་གྱི་དགེ་སློབ་21པེ་ཅིང་དུ་བསྐྱོད་ནས་བརྗིད་ཆགས་ཡིད་དུ་འོང་བའི་གནམ་བདེ་སྒོ་མོའི་ཐང་ཆེན་ལ་ལྟ་སྐོར་དང་རྔམ་བརྗིད་ལྡན་པའི་རྒྱལ་དར་སྒྲེང་བའི་མཛད་སྒོར་ཞུགས་པ་དང་། གནའ་བོའི་ཕོ་བྲང་རྟེན་མཛོད་ཁང་དང་། ཡོན་མིང་ལྡུམ་ར། ལྕགས་རི་རིང་པོ་བཅས་ལ་ལྟ་སྐོར་བྱས་ཏེ་ལོ་རྒྱུས་ཉམས་ལེན་དང་ཀྲུང་ཧྭའི་རིག་གནས་ཀྱི་ངོ་མཚར་ཉམས་སུ་མྱངས་ནས་ཁྱིམ་གཅེས་རྒྱལ་གཅེས་ཀྱི་བརྩེ་སེམས་འཕེལ་བར་བྱས་པ། ཀྲུང་གོ་མི་དམངས་རི་འགོག་དྲན་གསོ་ཁང་དང་ཤང་ཧྲན་གསར་བརྗེའི་དྲན་གསོ་ཁང་དུ་བསྐྱོད་དེ་གསར་བརྗེའི་མངོན་གཤེགས་དཔའ་བོར་རྗེས་དྲན་ཞུ་བ་དང་གསར་བརྗེའི་སྙིང་སྟོབས་རྒྱུན་འཛིན་བྱས་ནས་གསར་བརྗེའི་ལོ་རྒྱུས་ལ་སློབ་སྦྱོང་བྱེད་པའི་ཁྲོད་དད་མོས་འཕེལ་བ་དང་། བློ་སྒོ་འབྱེད་པ། སྟོབས་ཤུགས་བསྡུ་ལེན་བཅས་བྱས་པ་རེད།

བོད་སྨན་ཚན་ཁག་སློབ་མའི་ཁོའོ་ཡི་དགེ་རྒན་ཟླ་བ་ཡོན་ཏན་གྱིས“སྤྱི་ཚོགས་ལག་ལེན་བྱས་པ་བརྒྱུད་དགེ་སློབ་ཚོའི་མིག་རྒྱང་རིང་དུ་ཕྱིན་ཡོད། བོད་ལུགས་གསོ་རིག་གི་དགེ་རྒན་ཞིག་གི་ངོས་ནས་བརྗོད་ན། ཐོག་མའི་བསམ་འདུན་དང་འགན་འཁྲི་བློ་ལ་བརྟན་པོར་བཅངས་ཏེ་ཀྲུང་ཧྭ་མི་རིགས་ཀྱི་ཕུལ་བྱུང་སྲོལ་རྒྱུན་རིག་གནས་དར་སྤེལ་གཏོང་བ་དང་། ཏང་ལ་མི་སྣ་གསོ་སྐྱོང་དང་རྒྱལ་ཁབ་ལ་ཤེས་ལྡན་མི་སྣ་གསོ་སྐྱོང་བྱེད་པའི་ཆབ་སྲིད་ཀྱི་མཐོ་ཚད་ཐོག་ནས་སློབ་ཁྲིད་མི་སྐྱོང་བྱེད་པའི་བརྒྱུད་རིམ་ཁྲོད་སློབ་མར་རིག་གནས་སློབ་ཚན་ཡག་པོ་སྦྱོང་བའི་ཁྲིད་སྟོན་བྱེད་དགོས་པ་མ་ཟད། མི་རིགས་མཐུན་སྒྲིལ་ཡར་ཐོན་འཚོ་བའི་ནང་སིམ་པའི་སློབ་གསོ་དེ་བས་བརྒྱབ་ནས་སློབ་མ་ཚོའི“མོས་སེམས་ལྔ”ཆེ་རུ་གཏོང་བ་དང་རྒྱལ་གཅེས་བརྩེ་སེམས་འཕེལ་བར་བྱས་ཏེ་ལག་ལེན་ཁྲོད་སློབ་མ་ཚོའི་ཀྲུང་ཧྭ་མི་རིགས་གཅིག་མཐུན་འདུས་གྲུབ་ཀྱི་འདུ་ཤེས་ཟབ་ཏུ་གཏོང་དགོས”ཞེས་བརྗོད།

འདི་ནི་བོད་ལྗོངས་བོད་ལུགས་གསོ་རིག་སློབ་ཆེན（དེ་སྔའི་བོད་ལྗོངས་བོད་ལུགས་གསོ་རིག་སློབ་གླིང）གྱིས་པེ་ཅིང་ཨའོ་ཝུའེ་སེ་དང་མཉམ་དུ་ཧྲང་ཧའེ་རུ་སྤྱི་ཚོགས་ལག་ལེན་བྱེད་སྒོ་སྤེལ་བཞིན་པ།

འཕེལ་རྒྱས་འགྱུར་ལྡོག་ཉམས་སུ་མྱོང་། ངར་སེམས་ཆེན་པོས་མདུན་དུ་སྐྱོད།

གཞོན་རབས་ཀྱིས“འདུ་ཤེས་བཞི”ཟབ་ཏུ་གཏོང་བ་དང་། “གདེང་ཚོད་བཞི”བརྟན་དུ་གཏོང་བ། “སྲུང་སྐྱོང་གཉིས”ཐུབ་པར་བྱས་ཏེ་འབད་འཐབ་ཀྱི་ལང་ཚོར་བརྟེན་ནས་དུས་རབས་གསར་པར་ཕུགས་འདུན་དོན་གཉེར་བྱེད་པའི་མཛེས་སྡུག་ལྡན་པའི་ལེའུ་རྩོམ་རྒྱུར་སྐུལ་མ་གཏོང་ཆེད། 2022ལོའི་དབྱར་གསེང་རིང་། བོད་ལྗོངས་བོད་ལུགས་གསོ་རིག་སློབ་ཆེན་གུང་གཞོན་སྡེ་ཚོགས་ཨུ་ལྷན་གྱིས་པེ་ཅིང་ཨའོ་ཝུའེ་སེ་དང་མཉམ་དུ་ཧའེ་ནན་གྱི་འཕེལ་རྒྱས་གྲུབ་འབྲས་ལ་ལག་ལེན་རྟོག་ཞིབ་དང་སློབ་སྦྱོང་བྱེད་པའི་བྱེད་སྒོ་སྤེལ་བ་རེད།

དགེ་སློབ་རྣམས་ཧའེ་ནན་སྐྱེ་ཁམས་མཉེན་ཆས་གླིང་དུ་བསྐྱོད་ནས་རང་མོས་ཚོང་དོན་གྲུ་ཁའི་འཕེལ་རྒྱས་ཀྱི་གྲུབ་འབྲས་དང་། གྲངས་འཛིན་རིག་གནས་ལུས་རྩལ། གྲངས་འཛིན་བདེ་ཐང་། གྲངས་འཛིན་དངུལ་རྩ་སོགས་ཀྱི་ཐོན་ལས་སྤུས་ཚད་མཐོ་བའི་འཕེལ་རྒྱས་འགྲོ་ཚུལ་ཉམས་ལེན་དང་། ཝུན་ཁྲང་འཇིག་རྟེན་འཕུར་སྐྱོད་ཚན་རིག་ཁྱབ་གདལ་ལྟེ་གནས་ལ་ལྟ་སྐོར་བྱས་ནས་འཇིག་རྟེན་འཕུར་སྐྱོད་གྲོང་ཁྱེར་གྱི་ངོ་མཚར་ཉམས་ལེན། མུའུ་རུའེ་ཧྲན་གསར་བརྗེའི་གནས་གཞིའི་དྲན་གསོའི་གླིང་ལ་འཚམས་འདྲི་བྱས་ནས་གསར་བརྗེའི་ཁྲག་རྒྱུན་རྒྱུན་འཛིན་དང་མདུན་སྐྱོད་ཀྱི་སྟོབས་ཤུགས་གཅིག་སྒྲིལ་བཅས་བྱས་ཡོད།

སློབ་མ་ཚེ་རིང་སྒྲོལ་དཀར་གྱིས“ལམ་བར་དུ་མེས་རྒྱལ་གྱི་རི་ཀླུང་མཛེས་སྡུག་བརྗིད་ཆགས་ཡིན་པ་ཚོར་སྣང་ཟབ་མོ་བྱུང་ལ། ཧའེ་ནན་དཔལ་འབྱོར་དམིགས་བསལ་ཁུལ་ཉིན་རེ་ལས་མ་འདས་པར་འཕེལ་རྒྱས་འགྲོ་ཚུལ་ཡང་ཚོར་བྱུང་། སློབ་ཆེན་སློབ་མ་ཞིག་གི་ངོས་ནས་རང་ཉིད་དུས་བསྟུན་འཕེལ་རྒྱས་ཡོང་ཐབས་བྱས་ཏེ་དེ་བས་སྒོ་དབྱེ་ཁོང་ཡངས་ཀྱི་བསམ་པའི་ཐོག་ནས་ཤེས་བྱ་གསར་པ་སྦྱོང་དགོས་ཀྱི་འདུག དཔེ་དེབ་ཐོག་ནས་ཤེས་བྱ་སྦྱོང་བ་ཙམ་མ་ཡིན་པར་རང་ཉིད་ལག་ལེན་དངོས་ནང་ཞུགས་ཏེ་སྤྱི་ཚོགས་ལག་ལེན་ཁྲོད་ནས་ཚན་རིག་ཤེས་བྱ་ཡག་པོ་སྦྱོང་བ་དང་འཇོན་ཐང་ཆེ་རུ་བཏང་ནས་ལང་ཚོར་རྒྱང་སྐྱོད་ཀྱི་སྒུལ་ཤུགས་གཅིག་སྡུད་དང་ལང་ཚོར་རྩོལ་འཐབ་ཀྱི་ནུས་ཤུགས་གསོག་འཇོག་བྱེད་ཀྱི་ཡིན”ཞེས་བརྗོད།

འདི་ནི་བོད་ལྗོངས་བོད་ལུགས་གསོ་རིག་སློབ་ཆེན་གྱི་ལུས་རྩལ་འགྲན་ཚོགས་ཀྱི་འགོ་ཚུགས་མཛད་སྒོར་སློབ་གྲྭ་ཆེ་མོ་བས་མི་རིགས་ཀྱི་ཞབས་བྲོ་འཁྲབ་བཞིན་པ།

སེམས་མཐུན་སྒོར་མོ་མཉམ་དུ་བྲིན། འབྱུང་འགྱུར་ཕྱོགས་སུ་མཉམ་དུ་སྐྱོད།

20ལོའི་ནད་གཡོག་འཛིན་གྲྭའི་སློབ་མ་རིན་ཆེན་ཉི་མས“ད་ཐེངས་དབྱར་གསེང་རིང་གི་རྒྱལ་གཅེས་རིང་ལུགས་ཀྱི་སློབ་གསོ་ལག་ལེན་བྱེད་སྒོར་སི་ཁྲོན་ཞིང་ཆེན་རྒྱལ་གཅེས་རིང་ལུགས་སློབ་གསོའི་རྟེན་གཞི་སན་སུའུ་མཆོད་ཁང་ལ་ཕྱིན་པ་ཡིན། མཛེས་ལྗོངས་ཁུལ་ཁག་ཏུ་བསྐྱོད་དེ་ལོ་རྒྱུས་ཀྱི་དངོས་རྫས་དང་། རྩ་ཆེའི་ཡིག་རིས། ཚད་ལྡན་ཡིག་ཆའི་དཔྱད་གཞི་བཅས་ལ་ནན་ཏན་ངང་བལྟས་པ་དང་། སྣེ་ཤན་པའི་གསལ་བཤད་ཉན་པ། ‘ཁྱིམ་གཅིག་གི་ཕ་བུ་གསུམ’གྱི་སྲིད་སྐྱོང་བསམ་བློ་དང་སྤྱོད་ལམ་དམ་གཙང་གི་གཤིས་རྒྱུད་དང་དེ་བཞིན་དཔེ་ཆ་བཀླགས་ནས་ཚུལ་མཐུན་ལས་ཀ་བྱེད་པ་དང་། སྲི་ཞུ་ལེགས་པ་དང་བྱམས་སེམས་ཆེ་བ། མི་འོས་ཐོབ་ནོར་མི་ལེན་པ། སྲིད་སྐྱོང་སྤྱོད་གཙང་བཅས་ཀྱི་ཁྱིམ་ཚང་སློབ་གསོ་ཡག་པོ་ཉམས་ལེན་བྱས་པ་ཡིན། ད་ཐེངས་ཀྱི་ལག་ལེན་བྱེད་སྒོ་བརྒྱུད་ཀྲུང་ཧྭའི་རིག་གནས་རྒྱ་ཆེ་ལ་གཏིང་ཟབ་པ་མྱོང་ཚོར་བྱུང་ལ། མི་རིགས་རང་བཀུར་གྱི་བསམ་པ་དང་། རང་བློ་རང་འཁེལ་གྱི་བསམ་པ། སྤོབས་སེམས་བཅས་སྔར་བས་ཆེ་རུ་ཡང་ཕྱིན་སོང”ཞེས་བརྗོད།

20ལོའི་བོད་ལུགས་གསོ་རིག་འཛིན་གྲྭ་དང་པོའི་སློབ་མ་བསྟན་འཛིན་དབང་མོས་གསར་འགོད་པར“ལོ་ངོ་སྟོང་ཕྲག་མང་པོའི་རིང་མི་རབས་ནས་མི་རབས་བར་རྒྱུན་འཛིན་བྱས་པ་བརྒྱུད། མེའོ་རིགས་ཀྱི་གསོ་རིག་ལ་མི་དང་རང་བྱུང་ཁམས་དབར་མཉམ་གནས་ཀྱི་བློ་གྲོས་དང་ནད་གཞིར་ཁ་གཏད་གཅོག་པའི་ཐུན་མོང་མ་ཡིན་པའི་ཐབས་ལམ་གཅིག་ཆགས་ཡོད། ཧའེ་ནན་གྱིས་སྲིད་ཇུས་རབ་དང་རིམ་པ་བཏོན་ནས་ལི་སྨན་ཞིབ་འཇུག་གསར་སྤེལ་ལ་རྒྱབ་སྐྱོར་བྱས་པ་དང་། ཐབས་ལམ་མང་པོ་སྤྱད་ནས་ལི་སྨན་གྱི་ཤེས་ལྡན་མི་སྣ་གསོ་སྐྱོང་བྱས་པས་ལི་རིགས་ཀྱི་གསོ་རིག་སྲུང་སྐྱོང་དང་སྔོག་འདོན་བྱེད་པའི་ཐད་ཀྱི་བྱ་ཐབས་བཟང་པོ་མང་དག་ཅིག་ལ་ང་ཚོས་སློབ་སྦྱོང་དང་དཔྱད་གཞིར་འཛིན་འོས་པ་ཞིག་འདུག ཉེ་བའི་ལོ་ཤས་རིང་། རྒྱལ་ཁབ་ཀྱིས་ཀྲུང་ལུགས་གསོ་རིག་གི་བྱ་གཞག་འཕེལ་རྒྱས་ཤུགས་ཆེན་གཏོང་བ་དང་མི་རིགས་གསོ་རིག་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བཞིན་ཡོད་པས། དུས་རབས་གསར་པའི་སློབ་གྲྭ་ཆེ་མོ་བ་ཞིག་གི་ངོས་ནས་ཡང་དག་པའི་ཀྲུང་ཧྭ་མི་རིགས་ཀྱི་ལོ་རྒྱུས་ལྟ་བ་འཛུགས་པ་དང་། ཕུགས་བསམ་དད་སེམས་བརྟན་པོར་འཛུགས་པ་དང་བརྟན་དུ་གཏོང་བ། ཀྲུང་ཧྭའི་ཕུལ་བྱུང་སྲོལ་རྒྱུན་རིག་གནས་དར་སྤེལ་ཤུགས་ཆེན་གཏོང་བ་བཅས་བྱས་ཏེ། ཀྲུང་ཧྭ་མི་རིགས་གཅིག་མཐུན་འདུས་གྲུབ་ཀྱི་འདུ་ཤེས་ཟབ་ཏུ་གཏོང་བའི་ཐད་མདུན་གྲལ་དུ་སྐྱོད་པ་དང་མིག་དཔེ་སྟོན་ནས་ངོ་མཚར་གྱི་མི་ཚེ་གཏོད་པ་དང་སྤྱི་ཚོགས་ལ་ལེགས་སྐྱེས་འབུལ་བའི་ཁྲོད་གནོང་འགྱོད་མེད་པ་བྱེད་ཀྱི་ཡིན”ཞེས་བརྗོད།

2013ལོ་ནས་བཟུང་། བོད་ལྗོངས་བོད་ལུགས་གསོ་རིག་སློབ་ཆེན་དང་པེ་ཅིང་ཨའོ་ཝུའེ་སེ་དབར་ཁ་གཏད་རོགས་སྐྱོར་གྱི་གྲོས་མཐུན་བཞག་ནས་སློབ་ཁྲིད་མི་སྐྱོང་སོགས་ཐད་ཀྱི་ཐབས་ལམ་རྒྱུན་ཆད་མེད་པར་རྒྱ་ཆེར་གཏོང་བ་དང་། སློབ་གྲྭ་གཉེར་བ་དང་ཁེ་ལས་གཉེར་བའི་ཐོག་མའི་བསམ་འདུན་དང་འགན་འཁྲི་ལག་ལེན་བསྟར་བ། “ཨའོ་ཝུའེ་སེ་དང་བོད་ལུགས་གསོ་རིག་སློབ་ཆེན”གྱི་སྤྱི་ཚོགས་འགན་འཁྲི་བརྒྱུད་སྤྲོད་བྱེད་པ། རྒྱལ་གཅེས་རིང་ལུགས་དང་མི་རིགས་མཐུན་སྒྲིལ་གྱི་མི་སེམས་འགུལ་བའི་གཏམ་རྒྱུད་བརྗོད་པ་བཅས་བྱས་པས་མི་རིགས་མཐུན་སྒྲིལ་གྱི་མེ་ཏོག་ཡུན་རིང་མ་ཉམས་རྣམ་པར་བཞད་ཡོད།