ཉེ་ཆར། བོད་ལྗོངས་མེ་ཟོན་རོགས་སྐྱོབ་སྤྱི་ཁྱབ་རུ་ཁག(གཤམ་དུ་སྤྱི་ཁྱབ་རུ་ཁག་ཅེས་བསྡུ་རྒྱུ)གིས་རང་སྐྱོང་ལྗོངས་ཏང་ཨུད་དྲིལ་བསྒྲགས་པུའུ་དང་། བོད་ལྗོངས་རླུང་འཕྲིན་བརྙན་འཕྲིན་ལས་ཁུངས། རང་སྐྱོང་ལྗོངས་བཟོ་འཕྲིན་ཐིང་བཅས་དང་མཉམ་དུ་བརྗོད་དོན་གཙོ་བོའི་སློབ་གསོའི་ཆེད་དོན་ཏང་གི་ཉིན་མོའི་བྱེད་སྒོ་སྤེལ་བ་དང་། “ས་གནས་ས་ཐོག་ཏུ་ལྟ་སྐོར་དང་སྤེལ་རེས་བགྲོ་གླེང”ཟུང་འབྲེལ་གྱི་བྱ་ཐབས་སྤྱད་དེ་སྲིད་ཇུས་ལ་མཉམ་དུ་གྲོས་བསྡུར་དང་། ཉམས་མྱོང་སྤེལ་རེས། རིགས་པའི་གཞུང་ལུགས་ལ་སློབ་སྦྱོང་། དཀའ་གནད་གཅིག་ལ་མཉམ་དུ་ཁ་གཏད་གཅོག་པ་བཅས་བྱེད་སྒོའི་བརྒྱུད་རིམ་ཧྲིལ་པོར་ཁྱབ་པ་བྱས་ནས་བརྗོད་དོན་གཙོ་བོའི་སློབ་གསོའི་བྱེད་སྒོ་གཏིང་ཟབ་དང་ཏན་ཏིག་སྤེལ་བར་སྐུལ་འདེད་བཏང་བ་རེད།

ཆད་སྐྱོན་དང་མི་འདང་སར་མཉམ་དུ་ཞིབ་བཤེར་དང་ཏང་འཛུགས་སྐྱོང་དང་ལས་སྒོ་མཉམ་འདྲེས་ཀྱིས་ཕན་འབྲས་དོན་གཉེར་བྱེད་པ། བྱེད་སྒོ་སྤེལ་རིང་ཕྱོགས་ཁག་གི་ཏང་ཡོན་འཐུས་མིས་རང་ངོས་ཀྱི་རིག་ཚན་གྱི་ཁྱད་ཆོས་དང་དགེ་མཚན་དང་ཟུང་འབྲེལ་གྱིས་རང་སོ་སོའི་ཀྲི་པུའུ་ཡི་བརྗོད་དོན་གཙོ་བོའི་སློབ་གསོ་སྤེལ་ཚུལ་དང་བཀྲག་མདངས་འཚེར་ས་ངོ་སྤྲོད་བྱས་པ་དང་། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་སློབ་སྦྱོང་བྱས་པའི་མྱོང་ཚོར་མཉམ་སྤྱོད་བྱས་པ་རེད། དེ་དང་ཆབས་ཅིག་བོད་ལྗོངས་མེ་ཟོན་རོགས་སྐྱོབ་དཔུང་ཁག་གི་ལས་དོན་དངོས་དང་ཟུང་འབྲེལ་གྱིས་སློབ་གསོ་སྒྲིག་འཛུགས་དང་། གསར་འགྱུར་དྲིལ་བསྒྲགས། ཆ་འཕྲིན་ཅན་འཛུགས་སྐྱོང་སོགས་ཀྱི་ལས་དོན་ལ་དམིགས་ནས་སྤེལ་རེས་དང་གྲོས་བསྡུར་བྱས་པ་རེད།

གསར་གཏོད་ཀྱི་བྱེད་ཐབས་ཐད་ཕན་ཚུན་སློབ་སྦྱོང་བྱས་ཏེ་འཁྲབ་ལེན་སྦྱོང་གསུམ་ཟུང་འབྲེལ་གྱིས་མཉམ་ལས་ལ་སྐུལ་འདེད་གཏོང་བ། ད་ཐེངས་ཀྱི་ཏང་གི་ཉིན་མོའི་བྱེད་སྒོས“རིགས་པའི་གཞུང་ལུགས་ཀྱི་སྒྲ་དབྱངས”ཐོག་ནས་དགོངས་པ་སློབ་སྦྱོང་བྱེད་པ་དང་། “རོལ་དབྱངས་སྙན་མོའི”ཐོག་ནས་ཏང་གཤིས་ལ་ཤུགས་སྣོན་རྒྱག་རྒྱུ་མཐའ་འཁྱོངས་བྱས་ཡོད། ཕྱོགས་ཁག་གི་རིག་རྩལ་རྐང་འཛིན་པ་གཅིག་རྗེས་གཉིས་མཐུད་ངང་གར་སྟེགས་སུ་འཛེགས་ནས་ཚང་མར་རྣམ་པ་གསར་རྐྱང་གི་ཏང་གཤིས་སློབ་གསོའི་སློབ་ཚན་ཞིག་ཁྲིད་པ་རེད། ལྟ་འདོད་ལ་ཉན་སྤྲོ་བའི་གསར་བརྗེའི་གླུ་གཞས་དང་། གསུང་རབ་གྱེར་འདོན། ཁྱད་ཆོས་ཟབ་མོ་ལྡན་པའི་མི་རིགས་ཀྱི་ཞབས་བྲོ་བཅས་ལས་ཚང་མའི་རིགས་པའི་གཞུང་ལུགས་ཀྱི་བྱང་ཚད་མཐོ་རུ་ཕྱིན་ཡོད། དེའི་རིང་ལྗོངས་ཏང་ཨུད་དྲིལ་བསྒྲགས་པུའུ་དང་དེ་བཞིན་བོད་ལྗོངས་རླུང་འཕྲིན་བརྙན་འཕྲིན་ལས་ཁུངས་ཀྱི་རིག་རྩལ་ལས་དོན་པས་ཆེད་ལས་ཀྱི་ཐོག་ནས་སྤྱི་ཁྱབ་རུ་ཁག་གི“ཐོག་མའི་བསམ་འདུན་དང་འགན་འཁྲི་བློ་ལ་བརྟན་པོར་ངེས་ནས་ས་མཐོའི་རུ་ཁག་གི་བླ་སྲོག་རྒྱུན་འཛིན་བྱེད”ཅེས་པའི་རིག་རྩལ་བརྩམས་ཆོས་གསར་རྩོམ་བྱེད་སྒོར་རྩ་ཆེའི་མཛུབ་ཁྲིད་བསམ་འཆར་བཏོན་པ་རེད།

ཐོན་ཁུངས་མཉམ་སྤྱོད་མཐའ་འཁྱོངས་དང་དཀའ་གནད་གཅིག་ལ་མཉམ་དུ་ཁ་གཏད་བཅག་སྟེ་སླར་ཡང་བྱས་རྗེས་གསར་པ་འཇོག་པ། བྱེད་སྒོའི་རིང་ཏང་ཡོན་ཡོངས་ཀྱིས་ཚོགས་ཆུང་ཁག་བགོས་ཀྱི་བགྲོ་གླེང་གི་བླང་བྱ་ལྟར། “འཛུགས་གཏོད་བཞི”དང་། “མདུན་གྲལ་དུ་སླེབས་པ་བཞི” སྤྱི་ཚོགས་རིང་ལུགས་དེང་རབས་ཅན་གྱི་བོད་ལྗོངས་གསར་པ་འཛུགས་སྐྲུན་གྱི་འགན་འཁྲི་དང་ལས་འགན་བཅས་ལ་དམིགས་པ་དང་། རང་འཁྲིའི་ལས་གནས་ཀྱི་ལས་དོན་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་ཐུན་མོང་རང་བཞིན་གྱི་གནད་དོན་དང་ཟུང་འབྲེལ་བྱེད་པ། “དཔེ་བཟང་ལས་ཁུངས་འཛུགས་སྐྱོང་དང་ཏང་ཀྲི་པུའི་ཆབ་སྲིད་ནུས་པ་འདོན་སྤེལ” “གསར་གཏོད་བྱེད་ཕོད་པའི་ཤེས་ལྡན་མི་སྣ་གསོ་སྐྱོང་གི་མཉམ་འགུལ་རྣམ་པ་གཏོད་པ”“བསམ་བློ་ཆབ་སྲིད་སློབ་གསོའི་སློབ་ཚན་གྱི་མ་ལག་འཐུས་སྒོ་ཚང་དུ་གཏོང་བ” “སྔོན་ཐོན་དཔེ་མཚོན་འཛུགས་གཏོད་ཀྱི་མཉམ་ཞུགས་ལས་དོན་གྱི་ལམ་སྲོལ་འཛུགས་པ”སོགས་ཀྱི་ཞིབ་འཇུག་བྱ་གཞིར་དམིགས་ཏེ། ཚོགས་ཆུང་ཁག་བགོས་ཀྱིས་གྲོས་བསྡུར་བཅས་བྱས་ནས་སྔོན་ཐོན་དཔེ་མཚོན་མཛོད་མཉམ་སྐྲུན་དང་། དྲིལ་བསྒྲགས་འཕྲིན་སྤེལ་མཉམ་གྲོས། ཆ་འཕྲིན་ཅན་གྱི་འཛུགས་སྐྲུན་ལ་གཞོགས་འདེགས་དང་མཛུབ་ཁྲིད་སོགས་ཕྱོགས་5ཡི་ལས་དོན་ཐད་མཉམ་ལས་བྱེད་པའི་བློ་ཁ་གཅིག་མཐུན་བྱུང་ཡོད།