འདི་ནི་ཨར་ཅི་རི་ཡའི་ཡཱ་ཐ་ཕུའུ་ཞིང་ཆེན་དུ་ཀྲུང་གོ་ཀྲུང་ཤིན་འཛུགས་སྐྲུན་ཚད་ཡོད་འགན་འཁྲི་ཀུང་སིའི་ཨར་ཅི་རི་ཡ་རྒྱལ་ཁབ་ཁུལ་གྱི་སྤྱི་ཁྱབ་ཅིང་ལི་གཞོན་པ་ཆི་ཧྲུའུ་ཅེ་དང་ཨར་ཅི་རི་ཡའི་མྱུར་བགྲོད་གཞུང་ལམ་དོ་དམ་ཅུས་ཤར་རྒྱུད་ས་ཁོངས་ཀྱི་འགན་འཁུར་བ་མོ་ཧན་མོ་ཏེ·ས་ལ་ཧོ·ཁ་ཧྥིས་ཨར་ཅི་རི་ཡའི་ཤར་ནུབ་མྱུར་བགྲོད་གཞུང་ལམ་གྱི་མཐའ་མའི་ལམ་དུམ་སྨི་གཅིག་གི་སར་སྣུམ་ནག་འདིང་བཞིན་པ།

ཨར་ཅི་རི་ཡའི་ཤར་ནུབ་མྱུར་བགྲོད་གཞུང་ལམ་གྱི་ལམ་དུམ་ཤར་མའི་ཐུ་ནི་སིའི་མཐའ་མཚམས་དང་ཐག་ཉེ་བའི་མཐའ་མའི་སྤྱི་ལེ་84ཡི་ལམ་དུམ་རྣམ་གྲངས（གཤམ་ལ“སྤྱི་ལེ་84ཡི་རྣམ་གྲངས”ཞེས་བསྡུ་རྒྱུ）ཨར་སྐྲུན་བྱ་ཡུལ་དུ་ཀྲུང་ཨར་རྒྱལ་ཁབ་གཉིས་ཀྱི་ལས་གྲྭའི་ལག་རྩལ་མི་སྣས་ཚ་གདུག་ཆེ་བའི་ཉི་འོད་འོག་དུས་ཚོད་སྐར་ཆ་ཙམ་ཡང་བརྩོན་ལེན་བྱེད་བཞིན་ཡོད་པ་རེད།

“ལམ་དུམ་དེར་དཔལ་འབྱོར་དང་སྤྱི་ཚོགས་ཀྱི་དོན་སྙིང་ཧ་ཅང་ཆེན་པོ་ལྡན་ཡོད”ཅེས་ཨར་ཅི་རི་ཡའི་མྱུར་བགྲོད་གཞུང་ལམ་དོ་དམ་ཅུས་ཀྱི“སྤྱི་ལེ་84ཡི་རྣམ་གྲངས”ཀྱི་འགན་འཁུར་བ་ཆའོ་ཐེ་ཉི·པིན·དབྱི་ས་ཡིས་ཤིན་ཧྭ་གསར་འགྱུར་ཁང་གི་གསར་འགོད་པར་བརྗོད།

“སྤྱི་ལེ་84ཡི་རྣམ་གྲངས”དེ་ཀྲུང་གོ་ཀྲུང་ཤིན་འཛུགས་སྐྲུན་ཚད་ཡོད་འགན་འཁྲི་ཀུང་སིས་སྐྲུན་འགན་འཁུར་བ་དང་། རྣམ་གྲངས་བསྐྲུན་ཟིན་ནས་རླངས་འཁོར་ཤར་གཏོང་ཐུབ་པ་དེ་ཐོག་ནས་ཁྱོན་ལམ་ཐག་སྤྱི་ལེ་1216ཡོད་པ་དང་ཨར་ཅི་རི་ཡའི་ཞིང་ཆེན་17དང་སྦྲེལ་བའི་ཨར་ཅི་རི་ཡའི་ཤར་ནུབ་མྱུར་བགྲོད་གཞུང་ལམ་གྱི་ལམ་ཐིག་ཧྲིལ་པོ་ཤར་གཏོང་ཐུབ་ནས་ཨར་ཅི་རི་ཡ་དང་མཐའ་འཁོར་རྒྱལ་ཁབ་དབར་གྱི་བར་ཐག་ཐུང་དུ་ཕྱིན་ཡོད་པ་མཚོན་ཡོད།

ཨར་ཅི་རི་ཡའི་ཤར་ནུབ་མྱུར་བགྲོད་གཞུང་ལམ་ལ“དུས་རབས་ལས་གྲྭ”ཞེས་བརྗོད་ཀྱི་ཡོད། 2006ལོ་ནས་2012ལོའི་བར་ཀྲུང་གོའི་མ་འཇོག་ཁེ་ལས་མཉམ་འབྲེལ་སྒྲིག་གཞིས་ལམ་ཐག་སྤྱི་ལེ་528ཟིན་པའི་ལམ་དུམ་གྱི་སྐྲུན་འགན་འཁུར་ཡོད། “སྤྱི་ལེ་84ཡི་རྣམ་གྲངས”ཀྱི་ངོས་ནས་བརྗོད་ན། ཀྲུང་ཤིན་འཛུགས་སྐྲུན་ཚད་ཡོད་འགན་འཁྲི་ཀུང་སི་ནི་ཐོག་མའི་སྐྲུན་འགན་འཁུར་མཁན་མིན་པར། བར་ལ་ལས་འགན་འཁུར་བ་ཞིག་རེད།

དོ་བདག་ཅིག་ཡིན་པའི་ངོས་ནས་བརྗོད་ན། ཨར་ཅི་རི་ཡའི་མྱུར་བགྲོད་གཞུང་ལམ་དོ་དམ་ཅུས་ཀྱིས་མཐར་ཀྲུང་གོ་ཀྲུང་ཤིན་འཛུགས་སྐྲུན་ཚད་ཡོད་འགན་འཁྲི་ཀུང་སིས་རྣམ་གྲངས་དེའི་སྐྲུན་འགན་འཁུར་མཁན་ལ་བདམས་ཡོད། ཅུས་ཀྲང་མོ་ཧན་མོ་ཏེ·ཧ་ལེ་ཏིས“དེ་གོང་ལམ་དུམ་ནུབ་མ་སྐྲུན་སྐབས་ཀྱི་མཉམ་ལས་ཁྲོད་ཀྲུང་གོ་ཀྲུང་ཤིན་འཛུགས་སྐྲུན་ཚད་ཡོད་འགན་འཁྲི་ཀུང་སིས་ཁྲིམས་ལུགས་ཁྲིམས་སྲོལ་དང་རྒྱལ་སྤྱིའི་ཚད་གཞི་ནན་པོ་བསྲུངས་ནས་ཐབས་བརྒྱ་ཇུས་སྟོང་ངང་དཀའ་གནད་ཐག་གཅོད་བྱས་པར་ཨར་ཅི་རི་ཡ་ཕྱོགས་ཀྱི་ཡིད་ཆེས་ཐོབ་ཡོད”ཅེས་བརྗོད་པ་རེད།

ཀྲུང་གོ་ཀྲུང་ཤིན་འཛུགས་སྐྲུན་ཚད་ཡོད་འགན་འཁྲི་ཀུང་སིའི་ཨར་ཅི་རི་ཡ་རྒྱལ་ཁབ་ཁུལ་གྱི་སྤྱི་ཁྱབ་ཅིང་ལི་གཞོན་པ་ཆི་ཧྲུའུ་ཅེ་ཡིས་ངོ་སྤྲོད་བྱས་པར་གཞིགས་ན། གཞུང་ལམ་བསྐྲུན་པ་ཕུད་ཁེ་ལས་ཀྱིས་ད་དུང་ས་གནས་དེ་གར་སྤྱི་ཚོགས་ཀྱི་འགན་འཁྲི་ཧུར་ཐག་སྒྲུབ་བཞིན་ཡོད། “ང་ཚོས་ཀྲུང་གོ་ལྕགས་ལམ་འཛུགས་སྐྲུན་མཉམ་འབྲེལ་སྒྲིག་གཞི་དང་ཐུན་མོང་ཐོག་མ་དངུལ་བཏང་ནས་རྣམ་གྲངས་དོ་དམ་སློབ་གླིང་ཆེ་གྲས་ཤིག་དང་རྒྱལ་ཁབ་ཀྱི་སྤུས་ཚད་ཚོད་འཛིན་ལྟེ་གནས་ཤིག་བསྐྲུན་པ་དང་། ཨར་ཅི་རི་ཡའི་རྨང་གཞིའི་སྒྲིག་བཀོད་འཛུགས་སྐྲུན་གྱི་ལག་རྩལ་མི་སྣ་ཁྲི་1.6ལྷག་ཙམ་གསོ་སྐྱོང་བྱས་ནས་ས་གནས་དེ་གའི་ལག་རྩལ་ཆེ་མོ་བ་མང་པོ་ཀྲུང་གོར་ཟབ་སྦྱོང་ལ་འགྲོ་བའི་གོ་སྐབས་མཁོ་འདོན་བྱས་ཡོད”

“ཨར་ཅི་རི་ཡའི་ན་གཞོན་ལག་རྩལ་ཆེ་མོ་བས་ཀྲུང་གོའི་ལས་རོགས་དང་ཡུན་རིང་མཉམ་ལས་བྱེད་པའི་བརྒྱུད་རིམ་ནང་ཉམས་མྱོང་གསོག་འཇོག་དང་མགྱོགས་མྱུར་འཚར་ལོངས་ཡོང་བར་བྱས་པ་དང་། ཁོང་ཚོས་ཨར་ཅི་རི་ཡའི་བཟོ་སྐྲུན་ལས་རིགས་ཀྱི་འོད་སྟོང་འཕྲོ་བའི་འབྱུང་འགྱུར་གྱི་ཚབ་བྱེད་བཞིན་ཡོད”ཅེས་ཨར་ཅི་རི་ཡའི་མྱུར་བགྲོད་གཞུང་ལམ་དོ་དམ་ཅུས་ཤར་རྒྱུད་ས་ཁོངས་ཀྱི་འགན་འཁུར་བ་མོ་ཧན་མོ་ཏེ·ས་ལ་ཧོ·ཁ་ཧྥིས་བརྗོད།