དབུ་ཤོག>གསར་འགྱུར།>སྐབས་དོན་ཆབ་སྲིད།
  • ལྷུན་གྲུབ་རྫོང་ལྷ་ཁང་གྲོང་ཚོས།

    བརྗོད་དོན་གཙོ་བོའི་ཏང་གི་ཉིན་མོའི་བྱེད་སྒོ་རབ་དང་རིམ་པ་སྤེལ་བ།

  • ཡོང་ཁུངས།  ཀྲུང་གོའི་བོད་ཀྱི་གསར་འགྱུར་དྲ་བ།   |     སྤེལ་དུས།  2023-07-14

    ཀྲུང་ཧྭ་མི་རིགས་གཅིག་མཐུན་འདུས་གྲུབ་ཀྱི་འདུ་ཤེས་བརྟན་པོར་འཛུགས་པ་དང་རྒྱལ་གཅེས་རིང་ལུགས་ཀྱི་སློབ་གསོ་དང་མི་རིགས་མཐུན་སྒྲིལ་ཡར་ཐོན་གྱི་སློབ་གསོ་གཏིང་ཟབ་སྤེལ་ནས་ཞིང་འབྲོག་ཁུལ་གྱི་ཏང་ཡོན་མང་ཚོགས་ཀྱིས་ཏང་གི་བཀའ་ལ་ཉན་པ་དང་། ཏང་གི་བཀའ་དྲིན་ཚོར་བ། ཏང་གི་རྗེས་སུ་འབྲང་བ་བཅས་ཀྱི་བསམ་བློའི་རང་རྟོགས་དང་བྱ་སྤྱོད་ཀྱི་རང་རྟོགས་སྔར་བས་ཆེ་རུ་གཏོང་ཆེད། ཉེ་ཆར། ལྷ་ས་གྲོང་ཁྱེར་ལྷུན་གྲུབ་རྫོང་ལྷ་ཁང་གྲོང་ཚོས་ཏང་ཡོན་ལ་བརྗོད་དོན་གཙོ་བོའི་ཏང་གི་ཉིན་མོའི་བྱེད་སྒོ་རབ་དང་རིམ་པ་སྤེལ་ནས་གཞི་རིམ་ཏང་རྩ་འཛུགས་ཀྱི་ཆབ་སྲིད་ནུས་པ་དང་རྩ་འཛུགས་ཀྱི་ནུས་པ་ཆེ་རུ་ཏན་ཏིག་བཏང་སྟེ་གྲོང་གསེབ་དར་རྒྱས་ལ་སྐུལ་འདེད་གཏོང་བར་སེམས་ནུས་གཅིག་ཏུ་བསྒྲིལ་ཡོད་པ་རེད།

    ཉེ་ཆར། ལྷ་ཁང་གྲོང་ཚོའི་ཏང་ཡོན་གྱི་འཐུས་མི་རླངས་འཁོར་ལ་བསྡད་ནས་བོད་ལྗོངས་རྟེན་རྫས་བཤམས་སྟོན་ཁང་གི“གངས་ལྗོངས་ཀྱི་མཛད་རྗེས་རྡོ་རིང”འགྲེམས་ཁང་དུ་བསྐྱོད་ནས་ས་གནས་ས་ཐོག་ཏུ་ལག་ལེན་སློབ་སྦྱོང་བྱེད་སྒོ་སྤེལ་བ་རེད། དང་བླངས་པས་དཔེ་སྟོན་འགྲེལ་བཤད་རྒྱག་སྐབས། ཀྲུང་གོ་གུང་ཁྲན་ཏང་གིས་བོད་ཞི་བས་བཅིངས་འགྲོལ་གཏོང་བ་དང་། རྒྱལ་སྲུང་སྲ་བརྟན་དུ་གཏོང་བ། བོད་འཕེལ་རྒྱས་གཏོང་བ་བཅས་ཀྱི་པར་རིས་རེ་རེ་བཞིན་བློ་ལ་བརྟན་པོར་ངེས་ཡོད། ལྷ་ཁང་གྲོང་ཚོའི་ཏང་ཡོན་རྒན་གྲས་ཀྱི་འཐུས་མི་བག་གྲོས“འགྲེམས་སྟོན་བརྒྱུད་བོད་ལ་གནམ་ས་བླ་འོག་ཏུ་འགྱུར་བ་ལྟ་བུའི་འགྱུར་ལྡོག་བྱུང་བ་དང་། ཀྲུང་གོ་གུང་ཁྲན་ཏང་ཁོ་ནས་མ་གཏོགས་བོད་ཀྱི་མི་དམངས་ཀྱི་སྣེ་ཁྲིད་དེ་བདེ་སྐྱིད་ལྡན་པའི་འཚོ་བ་གཏོད་མི་ཐུབ་པ་མྱོང་ཚོར་ཟབ་མོ་བྱུང་། རང་ཉིད་ཀྱིས་གུང་ཁྲན་ཏང་མིའི་ཐོག་མའི་བསམ་འདུན་དང་འགན་འཁྲི་རྒྱུན་འཛིན་བྱས་ནས་མི་རབས་རྗེས་མར་སློབ་གསོ་ཡག་པོ་བཏང་ནས་བོད་ལྗོངས་གསར་པ་འཛུགས་སྐྲུན་ཆེད་མུ་མཐུད་འབད་བརྩོན་བྱེད་ཀྱི་ཡིན”ཞེས་བཤད། ཉིན་དེའི་ཕྱི་དྲོར། ལྷ་ཁང་གྲོང་ཚོའི་ཏང་ཡོན་གྱི་འཐུས་མི་རྣམས་ལྷ་ས་དགེ་འོས་མཐོ་རིམ་ཆེད་ཚན་སློབ་གྲྭའི་ཚོགས་ཁང་ཆེ་མོར་བསྐྱོད་དེ་གྲོང་ཨུད་དྲིལ་བསྒྲགས་པུའུ་དང་གྲོང་ཁྱེར་ཤེས་དཔལ་གཞུང་དོན་ཁང་སོགས་སྡེ་ཚན་གྱིས་མཉམ་དུ་གཉེར་བའི“སྐར་ལྔའི་དར་དམར་ལྷབ་ལྷུབ་གཡོ། བྱིས་པའི་སེམས་པ་ཏང་ལ་ཕྱོགས”ཞེས་པའི་རིག་རྩལ་འཁྲབ་སྟོན་ལ་བལྟས་པ་རེད།

    ཉིན་ཤས་བསྟུད་མར། ལྷ་ཁང་གྲོང་ཚོས་འཆར་ཅན་དུས་ཆེན་གྱི་གོ་སྐབས་གང་ལེགས་སྤྱད་དེ་གསར་བརྗེའི་སློབ་གསོའི་རྟེན་གཞི་དང་། རིག་རྩལ་མཉམ་འཁྲབ། དང་བླངས་ཞབས་ཞུ། འཚམས་འདྲི་དང་རོགས་སྐྱོར་སོགས་ཀྱི་གཡུལ་ས་དང་གཞི་རྟེན་གཅིག་ཏུ་འབྲེལ་ནས་ཏང་འཛུགས་སྐྱོང་དང་། གསར་བརྗེའི་དྲན་ཤེས། མང་ཚོགས་སློབ་གསོ། གྲོང་གསེབ་དར་རྒྱས་བཅས་ཟུང་དུ་འབྲེལ་བའི“གསར་བརྗེའི་སྤེལ་མ་རྣམ་པའི”བྱེད་སྒོ་སྤེལ་ནས། རྩ་འཛུགས་ཀྱི་འཚོ་བ་སྐྱེལ་སྟངས་དང་ནང་དོན་རྒྱུན་ཆད་མེད་པར་ཕུན་སུམ་ཚོགས་སུ་གཏོང་བ་དང་གཞི་རིམ་གྱི་ཏང་ཡོན་དང་མང་ཚོགས་ཚོས་ཏང་གི་བཀའ་དྲིན་ལ་བསྟོད་གླུ་འབུལ་བ་དང་ངར་ཤུགས་འཕེལ་བར་ཁྲིད་སྟོན་བྱས་ཏེ་གྲོང་གསེབ་དར་རྒྱས་གཏོང་བར་སེམས་ནུས་གཅིག་ཏུ་བསྒྲིལ་ཡོད་པ་རེད།

    འགན་འཁུར་རྩོམ་སྒྲིག་པ། ཉི་མ་ཆོས་སྒྲོན།

མཉམ་སྤྱོད།

འབྲེལ་ཡོད་གསར་འགྱུར།