བོད་ལྗོངས་རླུང་འཕྲིན་བརྙན་འཕྲིན་ལས་ཁུངས་ཀྱིས།
བརྗོད་དོན་གཙོ་བོའི་སློབ་གསོའི་བྱེད་སྒོ་དོན་འཁྱོལ་དང་ཕན་འབྲས་ཐོན་རྒྱུར་སྐུལ་འདེད་ཏན་ཏིག་བཏང་བ།
ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་སློབ་སྦྱོང་དང་ལག་བསྟར་བྱེད་པའི་བརྗོད་དོན་གཙོ་བོའི་སློབ་གསོར་སྐུལ་འདེད་གཏོང་ཆེད། བོད་ལྗོངས་རླུང་འཕྲིན་བརྙན་འཕྲིན་ལས་ཁུངས་ཀྱིས་རིགས་པའི་གཞུང་ལུགས་སློབ་སྦྱོང་དང་། བརྟག་དཔྱད་ཞིབ་འཇུག འཕེལ་རྒྱས་ལ་སྐུལ་འདེད། འཚོལ་བཤེར་དག་ཐེར་བཅས་ཀྱི་གཏན་འབེབས་ནང་དོན་སྒྲིག་འཛུགས་ནན་ཏན་བྱས་པ་དང་དུས་མཚུངས། བརྗོད་དོན་གཙོ་བོའི་ཏང་གི་ཉིན་མོའི་བྱེད་སྒོ་སྤེལ་ནས་སློབ་སྦྱོང་གི་གཞི་རྟེན་ཕུན་སུམ་ཚོགས་སུ་དང་སློབ་སྦྱོང་གི་ཕན་འབྲས་སྲ་བརྟན་དུ་བཏང་བ་རེད།
བརྗོད་དོན་གཙོ་བོའི་སློབ་གསོའི་བྱེད་སྒོ་སྤེལ་རིང་། བོད་ལྗོངས་རླུང་འཕྲིན་བརྙན་འཕྲིན་ལས་ཁུངས་སྤྱོད་ཚུལ་གཞུང་ལས་ཁང་དང་བརྗོད་དོན་གཙོ་བོའི་སློབ་གསོ་གཞུང་ལས་ཁང་གིས་དུས་ངེས་གཏན་དང་ངེས་མེད་ཀྱི་སྒོ་ནས་ཀྲི་པུའུ་ཁག་གི་སློབ་སྦྱོང་གི་འཕེལ་རིམ་དང་སློབ་སྦྱོང་གི་ཕན་འབྲས་ལ་ལྟ་ཞིབ་དང་ལྟ་སྐུལ་མཛུབ་ཁྲིད་བྱས་པ་དང་། བརྗོད་དོན་གཙོ་བོའི་སློབ་གསོ་གཞུང་ལས་ཁང་གིས་བརྗོད་དོན་གཙོ་བོའི་སློབ་གསོའི་ཤེས་བྱའི་ཚོད་རྒྱུགས་གཅིག་གྱུར་སྒྲིག་འཛུཌ་བྱས་ཏེ་སློབ་སྦྱོང་གི་ཕན་འབྲས་ཞིབ་དཔྱད་བྱས་པ་རེད།
བོད་ལྗོངས་རླུང་འཕྲིན་བརྙན་འཕྲིན་ལས་ཁུངས་བརྗོད་དོན་གཙོ་བོའི་སློབ་གསོ་གཞུང་ལས་ཁང་གིས་ཏང་ཡོན་ལས་བྱེད་པ་སྒྲིག་འཛུགས་བྱས་ནས་བོད་ལྗོངས་རྟེན་མཛོད་ཁང་དུ་བསྐྱོད་དེ《གངས་ལྗོངས་ཀྱི་བྱས་རྗེས་རྡོ་རིང—བོད་ཀྱི་གསར་བརྗེའི་རིག་དངོས་འགྲེམས་སྟོན》དང་སྲིད་གཙང་སློབ་གསོའི་རྟེན་གཞི་སོགས་ལ་ལྟ་སྐོར་བྱས་ནས། ཏང་ཡོན་ལས་བྱེད་པར་ཐོག་མའི་བསམ་འདུན་མ་བརྗེད་པ་དང་འཇིགས་བཀུར་ཤེས་པ་བྱེད་དགོས་པའི་ཁྲིད་སྟོན་བྱས་པ་རེད། གཞི་རིམ་ཏང་ཀྲི་པུའུ་ཁག་གིས་ཀྱང་སྡེ་ཚན་གྱི་ལས་ཀའི་དོན་དངོས་དང་ཟུང་འབྲེལ་བྱས་ཏེ་རང་རང་གི་ཁྱད་ཆོས་ལྡན་པའི་བརྗོད་དོན་གཙོ་བོའི་ཏང་གི་ཉིན་མོའི་བྱེད་སྒོ་སྤེལ་ནས་བརྗོད་དོན་གཙོ་བོའི་སློབ་གསོ་གཏིང་ཟབ་དང་ཏན་ཏིག་ཕྱོགས་སུ་སྤེལ་རྒྱུར་སྐུལ་འདེད་བཏང་བ་རེད།
དེ་དང་ཆབས་ཅིག་བོད་ལྗོངས་རླུང་འཕྲིན་བརྙན་འཕྲིན་ལས་ཁུངས་བརྗོད་དོན་གཙོ་བོའི་སློབ་གསོ་གཞུང་ལས་ཁང་གིས་ཉིན་ཤས་བསྟུད་མར་ཏང་ཡོན་སྒྲིག་འཛུགས་བྱས་ཏེ་ཚེ་སྨོན་གླིང་སྡེ་ཁུལ་དུ་བསྐྱོད་ནས“འབྱོར་ཐོ་གཉིས་འགོད”བྱེད་སྒོ་སྤེལ་བ་དང་སྦྲགས་མང་ཚོགས་ལ་སྨན་རིན་སྤྲོད་མི་དགོས་པར་སྨན་སོགས་དངོས་ཟོག་སྤྲད་པ་དང་སེམས་རྩ་འཁོལ་པོས་མང་ཚོགས་ལ་ཞབས་འདེགས་ཞུས་པ་རེད། ལག་རྩལ་དོ་དམ་ལྟེ་གནས་ཀྱི་ཏང་ཀྲི་པུའི་ཏང་ཡོན་གྱིས“འབྱོར་ཐོ་གཉིས་འགོད”བྱེད་རིང་། རང་འགུལ་ངང་དཀའ་ངལ་ཡོད་པའི་ཁྱིམ་ཚང་རྩིས་བླངས་ནས་མང་ཚོགས་ཀྱི་དཀའ་ངལ་སེལ་རོགས་བྱས་ཏེ་གཅེས་སེམས་མཚོན་པ་བྱས་ཡོད། མཉམ་འདྲེས་སྨྱན་སྦྱོར་ལེ་ཚན་ལྟེ་གནས་ཏང་ཀྲི་པུའུ་དང་སྨྱན་སྦྱོར་ཐོན་ཁུངས་གྲངས་གཞི་ལྟེ་གནས་ཏང་ཀྲི་པུས་ཏང་ཡོན་སྒྲིག་འཛུགས་བྱས་ཏེ། ནག་ཆུ་གྲོང་ཁྱེར་ཉི་མ་རྫོང་སློབ་ཆུང་གཉིས་པའི་སློབ་མར་དཔེ་དེབ་གསར་པ་ཉོས་པ་དང་། དཔེ་དེབ་ཞལ་འདེབས་བརྒྱབ་ནས་གཞི་རིམ་གྱི་ཕྲུ་གུར་བཅངས་པའི་བརྩེ་སེམས་མཚོན་པར་བྱས་ཏེ་གཞོན་ནུ་ལོ་ཆུང་ཚོས་དཔེ་དེབ་ལྟ་ཀློག་བྱས་ནས་ཤེས་རྒྱ་དང་མཐོང་རྒྱ་འཕེལ་བའི་རེ་བ་བཏོན་པ་རེད།