རང་སྐྱོང་ལྗོངས་རིག་དངོས་ཅུས་ཀྱིས།
བྱ་ཐབས་དངོས་ལ་བརྟེན་ནས་བརྗོད་དོན་གཙོ་བོའི་སློབ་གསོ་གཏིང་ཟབ་དང་ཏན་ཏིག་ཕྱོགས་སུ་སྤེལ་རྒྱུར་སྐུལ་འདེད་བཏང་བ།
ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་སློབ་སྦྱོང་དང་ལག་བསྟར་བྱེད་པའི་བརྗོད་དོན་གཙོ་བོའི་སློབ་གསོ་སྤེལ་ཚུན། རང་སྐྱོང་ལྗོངས་རིག་དངོས་ཅུས་ཀྱིས་བརྗོད་དོན་གཙོ་བོའི་སློབ་གསོ་དེ་རྒྱུན་གཏན་གྱི་ལས་དོན་ནང་ཁྱབ་པར་བྱས་ནས་དུས་རྒྱུན་ནས་སློབ་སྦྱོང་དང་རྒྱུན་དུ་ནས་དམ་འཛིན་བྱས་ཏེ“དགོངས་པ་སློབ་སྦྱོང་དང་། ཏང་གཤིས་བརྟན་གཏོང་། ལག་ལེན་ལ་མཐོང་ཆེན། བྱས་རྗེས་གསར་འཇོག”བཅས་ཐུབ་པར་བྱས་ནས་བྱ་ཐབས་སྣ་ཚོགས་ནས་བརྗོད་དོན་གཙོ་བོའི་སློབ་གསོ་གཏིང་ཟབ་དང་ཏན་ཏིག་ཕྱོགས་སུ་སྤེལ་བ་དང་ཕན་འབྲས་དངོས་ཐོན་རྒྱུར་སྐུལ་འདེད་བཏང་ཡོད།
རང་སྐྱོང་ལྗོངས་རིག་དངོས་ཅུས་ཀྱིས་བརྗོད་དོན་གཙོ་བོའི་སློབ་གསོའི་ཁྲོད་གནད་དོན་ཕྱོགས་སྟོན་དུ་འཛིན་རྒྱུ་དང་མཇུག་འབྲས་སྟོན་ཕྱོགས་སུ་འཛིན་རྒྱུ་མཐའ་འཁྱོངས་ཀྱིས། སློབ་སྦྱོང་ལ་བརྟེན་ནས་སྤྱོད་ཚུལ་སྲོང་བ་དང་སློབ་སྦྱོང་ལ་བརྟེན་ནས་ལས་ཀར་སྐུལ་འདེད་བཏང་སྟེ། ཏང་འཛུགས་སྐྱོང་དང་ལས་སྒོའི་ལས་དོན་ལ་འཁུར་མཉམ་ལེན་དང་དོན་སྤྱི་སྒྲུབ་དང་ཕན་ཚུན་སྐུལ་འདེད་བཏང་བས་ཕན་འབྲས་མངོན་གསལ་དོད་པོ་ཐོན་པ་དང་། སློབ་སྦྱོང་གི་ཕན་འབྲས་དེ་ལས་ཀའི་སྤུས་ཚད་དུ་སྒྱུར་བའི་འཇོན་ཐང་སྔར་བས་ཆེ་རུ་ཕྱིན་ཡོད། དེ་དང་ཆབས་ཅིག་རང་སྐྱོང་ལྗོངས་རིག་དངོས་ཅུས་ཀྱིས་རིག་དངོས་སྲུང་སྐྱོབ་དང་བེད་སྤྱོད་ཀྱི་རྣམ་གྲངས་གལ་ཆེན་ལག་བསྟར་བྱ་རྒྱུར་དམིགས་ནས“རྣམ་གྲངས་འཛུགས་སྐྲུན་ལོའི”ལས་དོན་ཤུགས་ཆེན་སྤེལ་ཏེ་རིག་དངོས་ཀྱི་གཙོ་གནད་རྣམ་གྲངས་100ལྷག་ཙམ་ལ་སྐུལ་འདེད་ནུས་ལྡན་དང་གོ་རིམ་ལྡན་པ་བཏང་བ་དང་། ཀྲུང་ཧྭ་མི་རིགས་གཅིག་མཐུན་འདུས་གྲུབ་ཀྱི་འདུ་ཤེས་བརྟན་པོ་བཙུགས་ནས་རིག་དངོས་ཀྱི་སྤུས་དག་འགྲེམས་སྟོན་ལ་སྐུལ་འདེད་ཤུགས་ཆེན་བཏང་སྟེ། “གངས་ལྗོངས་ཀྱི་བྱས་རྗེས་རྡོ་རིང”དང“གངས་ལྗོངས་ཀྱི་གཏམ་རྒྱུད”སོགས་སྤུས་དག་ཁག་གཅིག་དྲ་ཐོག་དང་དྲ་ཕྱིར་འགྲེམས་སྟོན་བྱས་པ། རིག་དངོས་ཀྱི་རིན་ཐང་སྔོག་འདོན་ཞིབ་འཇུག་ལ་དམིགས་ནས“གནའ་རྫས་རྟོག་ཞིབ་ཀྱི་ཀྲུང་གོ”དང“ས་མཐོའི་གནའ་རྫས་རྟོག་ཞིབ་ཆེ་མོ”སོགས་ཀྱི་ལས་དོན་ལ་ཤུགས་སྣོན་བརྒྱབ་སྟེ་གནའ་རྫས་རྟོག་ཞིབ་ཀྱི་གྲུབ་འབྲས་གཞན་སྒྱུར་བེད་སྤྱོད་ལ་སྐུལ་འདེད་བཏང་བ་དང་། “གནའ་རྫས་རྟོག་ཞིབ་སློབ་གྲྭར་ཁྱབ་གདལ་གཏོང་བ”དང“གནའ་རྫས་རྟོག་ཞིབ་ལས་ཁུངས་ལ་ཁྱབ་གདལ་གཏོང་བ”སོགས་ཀྱི་གནའ་རྫས་རྟོག་ཞིབ་ཀྱི་གྲུབ་འབྲས་དམངས་ཡོངས་ཀྱིས་མཉམ་སྤྱོད་བྱེད་པའི་ལས་དོན་ལ་རྒྱུན་མཐུད་སྐུལ་འདེད་བཏང་བས་རིག་དངོས་ལས་དོན་གྱི་སྤྱི་ཚོགས་སློབ་གསོའི་ཞབས་འདེགས་ཞུ་ནུས་སྔར་བས་མངོན་གསལ་དོད་དུ་ཕྱིན་ཡོད་པ་རེད།
བརྗོད་དོན་གཙོ་བོའི་སློབ་གསོ་སྤེལ་ཚུན། རང་སྐྱོང་ལྗོངས་རིག་དངོས་ཅུས་ཀྱིས་བརྗོད་དོན་གཙོ་བོའི་སློབ་གསོ་དེ་སྤྱོད་ཚུལ་ལེགས་སུ་གཏོང་བ་དང་མང་ཚོགས་ཚོགས་པའི་ལས་དོན་ལ་སྣེ་ཁྲིད་བྱ་རྒྱུ་མཉམ་འདྲེས་ནུས་ལྡན་བྱས་ནས་རང་སྐྱོང་ལྗོངས་རིག་དངོས་ཅུས་ཁོངས་གཏོགས་ཀྱི་སྐར་ཁུང་ཞབས་ཞུའི་ཚན་པར་སྤྱོད་ཚུལ་ལེགས་སུ་གཏོང་བ་དང་ཞབས་འདེགས་ཡག་པོ་ཞུ་བའི་ལས་དོན་སྤེལ་བ་རེད། དེ་དང་ཆབས་ཅིག་རང་སྐྱོང་ལྗོངས་རིག་དངོས་ཅུས་ཀྱིས“རླབས་ཆེན་གྱི་སྙིང་སྟོབས་སློབ་སྦྱོང་བྱས་ནས་གསར་བརྗེའི་གཞི་རྒྱུ་རྒྱུན་འཛིན་བྱེད”ཅེས་པའི་གཞོན་ནུའི་སློབ་སྦྱོང་གི་བརྗོད་དོན་གཙོ་བོའི་བྱེད་སྒོ་སྤེལ་ཏེ་རྒྱ་ཆེའི་ལས་བྱེད་ལས་བཟོའི་གོང་བུ་འགྲིལ་ཤུགས་དང་དམག་འཐབ་ནུས་པ་ཟམ་མི་ཆད་པར་ཆེ་རུ་བཏང་བ་རེད།