ཤིན་ཧྭ་གསར་འགྱུར་ཁང་པེ་ཅིང་ནས་གློག་འཕྲིན་འབྱོར་གསལ། ཉེ་ཆར། ཀྲུང་གོ་གསར་འགོད་པའི་མཐུན་ཚོགས་དང་ཀྲུང་གོ་བོད་རིག་པ་ཞིབ་འཇུག་ལྟེ་གནས་ཀྱིས་པེ་ཅིང་དུ་གསར་འགྱུར་ཇ་སྟོན་ཚོགས་འདུ་ཐེངས་162པ་མཉམ་འབྲེལ་ཐོག་འཚོགས་ནས། ཀྲུང་གོའི་བོད་རིག་པ་ཞིབ་འཇུག་ལྟེ་གནས་ལོ་རྒྱུས་སུའོ་ཡི་ཞིབ་འཇུག་པ་ཀྲང་ཡུན་སོགས་རིགས་གཅིག་མཁས་ཅན་གདན་དྲངས་ཏེ“དུས་རབས་གསར་པ་དང་། བོད་ལྗོངས་གསར་པ། གསོན་ཤུགས་གསར་པ”བརྗོད་དོན་གཙོ་བོར་བྱས་ནས་མངའ་ཁོངས་ཕྱི་ནང་གི་གསར་འགོད་པ་དང་ཀྲུང་གོར་བཅའ་སྡོད་གཞུང་ཚབ་ཁང་གི་དཔོན་རིགས་དང་སྤེལ་རེས་བྱས་པ་དང་འབྲེལ་གསར་འགོད་པའི་དྲི་བར་ལན་བརྒྱབ་པ་རེད།

ཀྲང་ཡུན་གྱིས་གྲངས་གཞི་ཁག་གསུམ་གྱི་ཐོག་ནས་བོད་ཀྱི་མཆོང་སྐྱོད་ལྟ་བུའི་འཕེལ་རྒྱས་ངོ་སྤྲོད་བྱས་པ་སྟེ། 1951ལོར་བོད་ཞི་བས་བཅིངས་འགྲོལ་བཏང་བ་དང་བཙན་རྒྱལ་རིང་ལུགས་ཀྱི་ཕྱོགས་གཏོགས་ཕྱིར་འབུད་བྱས་ནས་ཉེ་རབས་ཚུན་གྱི་མི་རིགས་རང་བཙན་དོན་གཉེར་བྱེད་པའི་ལོ་བརྒྱའི་དམིགས་ཚད་མངོན་འགྱུར་བྱུང་བ་དང་།1959ལོར་བོད་དུ་དམངས་གཙོའི་བཅོས་སྒྱུར་བྱས་ཏེ་བཀས་བཀོད་རྒྱུད་འཛིན་ཞིང་བྲན་ལམ་ལུགས་མཇུག་འགྲིལ་ནས་སྤྱི་ཚོགས་ལམ་ལུགས་ལ་ལོ་ངོ་སྟོང་གི་མཆོང་སྐྱོད་བྱུང་བ། 2021ལོར་བོད་འདི་ཉིད་རྒྱལ་ཡོངས་དང་མཉམ་དུ་དབུལ་པོ་དབུལ་ནག་གི་གནས་ལས་བསྒྲལ་ཐུབ་ནས་ལོ་སྟོང་ཕྲག་མང་པོའི་འབྱོར་འབྲིང་གི་དམིགས་ཚད་མངོན་འགྱུར་བྱུང་ཡོད།

ཀྲང་ཡུན་དང་། ཀྲུང་གོ་བོད་རིག་པ་ཞིབ་འཇུག་ལྟེ་གནས་སྤྱི་ཚོགས་དང་དཔལ་འབྱོར་སུའོ་ཡི་ཞིབ་འཇུག་པ་གཞོན་པ་དབྱང་ཐའོ། ཀྲུང་གོ་བོད་རིག་པ་ཞིབ་འཇུག་ལྟེ་གནས་དེང་རབས་སུའོ་ཡི་སུའོ་ཀྲང་གཞོན་པ་ཞའོ་ཅེ། ཀྲུང་གོ་བོད་རིག་པ་ཞིབ་འཇུག་ལྟེ་གནས་བོད་ལུགས་གསོ་རིག་དང་བོད་སྨན་སུའོ་ཡི་སུའོ་ཀྲང་གཞོན་པ་ནོར་བུ་བཀྲ་ཤིས་བཅས་ཀྱིས་བོད་ཀྱི་སྤྲུལ་སྐུའི་ཡང་སྲིད་ངོས་འཛིན་ལམ་ལུགས་དང་། བོད་ཀྱི་ཡུལ་སྐོར་ལས་རིགས། བོད་ཀྱི་ཞག་སྡོད་ལམ་ལུགས་སློབ་གྲྭ བོད་ལུགས་གསོ་རིག་དང་བོད་སྨན་རྒྱུན་འཛིན་དང་འཕེལ་རྒྱས། བོད་ཀྱི་འགྲོ་བ་མིའི་ཐོབ་ཐང་སོགས་ཀྱི་གནད་དོན་ལ་གསར་འགོད་པའི་དྲི་བར་ལན་བརྒྱབ་པ་རེད།