ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་སློབ་སྦྱོང་དང་ལག་བསྟར་བྱེད་པའི་བརྗོད་དོན་གཙོ་བོའི་སློབ་གསོའི་ཁྲོད་ཉིང་ཁྲི་གཞུང་ལམ་བྱ་གཞག་འཕེལ་རྒྱས་དང་འཕྲལ་སྡོམ་འགན་ལེན་ལྟེ་གནས་བྲག་ཡིབ་བདག་སྐྱོང་ལས་ཚུགས་ཀྱིས་ལམ་ངོས་ཉམས་བཟོ་བྱེད་པ་ཐོག་མཐའ་བར་གསུམ་དུ་རྒྱུན་འཁྱོངས་བྱས་ནས་འཕྲལ་མར་ཞིབ་བཤེར་དང་འཕྲལ་མར་ཉམས་བཟོ་དང་། ཤེས་མ་ཐག་ཉམས་བཟོ་དང་ཉམས་བཟོ་ཡག་པོ་བྱས་ཏེ“གནད་དོན་གསལ་ཐོ”དེ“ཕན་འབྲས་གསལ་ཐོར”འགྱུར་བ་བྱས་ནས་བརྗོད་དོན་གཙོ་བོའི་སློབ་གསོ་འགོ་འཛུགས་ས་མཐོ་པོས་སྤེལ་ཐུབ་པ་དང་། ཚད་གཞི་མཐོ་པོས་སྤེལ་ཐུབ་པ། སྤུས་ཚད་མཐོ་པོས་དོན་འཁྱོལ་ཐུབ་པ་བཅས་བྱས་ཡོད།

རྒྱལ་ལམ་318ཀྱི་གསེར་སྐྱེམས་ལའི་ལམ་ངོས་ཡག་པོ་མེད་པ་དང་རླངས་འཁོར་ཡང་སེང་འགག་པའི་གནད་དོན་ལ་དམིགས་ཏེ་ཉིང་ཁྲི་གཞུང་ལམ་བྱ་གཞག་འཕེལ་རྒྱས་དང་འཕྲལ་སྡོམ་འགན་ལེན་ལྟེ་གནས་ཀྱི་བྲག་ཡིབ་བདག་སྐྱོང་ལས་ཚུགས་ཀྱིས་དམིགས་ས་ཡོད་པའི་སྒོ་ནས་ལམ་ངོས་ལ་དབྱེ་ཞིབ་བྱས་ཏེ། འཕྲལ་མར་རྒྱལ་ལམ་318ལམ་ཐིག་གསེར་སྐྱེམས་ལའི་ལམ་ངོས་འཕྲལ་སྡོམ་བཅོས་སྒྲིག་ལས་དོན་ཚོགས་ཆུང་བཙུགས་ནས་ལས་བགོས་ཁ་གསལ་དང་རང་འགན་རང་སྒྲུབ་ཐུབ་པ་བྱས་པ་དང་། 《རྒྱལ་ལམ་318ལམ་ཐིག་གསེར་སྐྱེམས་ལའི་ལམ་ངོས་ཉམས་བཟོའི་ཆེད་དོན་ཇུས་གཞི》དུས་ཐོག་ཏུ་བཟོས་ཏེ་སྟོབས་ཤུགས་གཅིག་བསྡུས་ཀྱིས་གསེར་སྐྱེམས་ལའི་ལམ་དུམ་གྱི་ལམ་ངོས་ཉམས་བཟོ་བྱས་ནས་འགྲོ་ལམ་གྱི་བདེ་འཇགས་རྐྱེན་ངན་མེད་པར་བཟོས་པ་རེད།

ད་ཐེངས་ཀྱི་སྣུམ་སྙིགས་ལམ་ངོས་ཉམས་བཟོའི་ལས་དོན་ནུས་ལྡན་ངང་ལེགས་སྒྲུབ་བྱ་ཆེད། ཉིང་ཁྲི་གཞུང་ལམ་བྱ་གཞག་འཕེལ་རྒྱས་དང་འཕྲལ་སྡོམ་འགན་ལེན་ལྟེ་གནས་ཀྱི་བྲག་ཡིབ་བདག་སྐྱོང་ལས་ཚུགས་ཀྱིས་སྟོབས་ཤུགས་གཅིག་ཏུ་བསྡུས་ནས་ཚོགས་ཆུང་བཞི་ལ་བགོས་ཏེ་ལམ་ངོས་ཉམས་བཟོའི་ལས་དོན་སྤེལ་བ་རེད། ཟླ་5ཚེས་14ཉིན་བར་ལམ་ངོས་ཉམས་བཟོའི་ལས་དོན་ཚང་མ་ལེགས་གྲུབ་ཟིན་ནས་ཕན་འབྲས་མངོན་གསལ་དོད་པོ་ཐོན་ཏེ་འགྲོ་ལམ་གྱི་ཤར་བགྲོད་ནུས་པ་ཆེ་རུ་དང་ཞབས་ཞུའི་ཆུ་ཚད་མཐོ་རུ་ནུས་ལྡན་ཕྱིན་ཡོད་པ་རེད།