སྲིད་གཞུང་གིས་འཛུགས་སྐྲུན་ལས་གྲྭའི་བརྒྱུད་རིམ་ཧྲིལ་པོར་ལྟ་འདོམས་བྱེད་ཤུགས་སྔར་བས་ཆེ་རུ་གཏོང་བ་དང་། ཨར་སྐྲུན་ཁྲོམ་རའི་སྒྲིག་ལམ་ཚད་ལྡན་དུ་གཏོང་བ། ཨར་སྐྲུན་ཁྲོམ་རའི་ཁྲིམས་འགལ་སྒྲིག་འགལ་གྱི་བྱེད་སྤྱོད་སྣ་ཚོགས་ཞིབ་བཤེར་ཐག་གཅོད་བྱེད་པ། ཨར་སྐྲུན་བདེ་འཇགས་ཐོན་སྐྱེད་དང་དོ་དམ་ལ་ཤུགས་སྣོན་རྒྱག་པ་བཅས་བྱས་ཏེ། ཡོངས་བསྒྲགས་འདྲ་མཉམ་དང་། འགྲན་རྩོད་གོ་རིམ་ལྡན་པ། ཁ་དན་ཚིག་གནས། བདེ་འཇགས་བརྟན་ལྷིང་བཅས་ཀྱི་ཁྲོམ་རའི་ཁོར་ཡུག་ཧུར་ཐག་གཏོད་པ་དང་། འཛུགས་སྐྲུན་ལས་གྲྭའི་ཁེ་ལས་ཀྱི་འོས་ཐོབ་ལ་ཞིབ་མཆན་བཀོད་རྗེས་ཀྱི་ལྟ་འདོམས་ལ་ཤུགས་སྣོན་དང་། ཨར་སྐྲུན་ཁྲོམ་རའི་སྒྲིག་ལམ་ཚད་ལྡན་དུ་གཏོང་བ། ཨར་སྐྲུན་ཁྲོམ་རར་འཇུག་འཐུས་དང་ཕྱིར་འཐེན་གྱི་ལམ་སྲོལ་འཐུས་ཚང་དུ་གཏོང་བ་བཅས་བྱ་ཆེད། ལྷ་ས་གྲོང་ཁྱེར་སྡོད་ཁང་འཛུགས་སྐྲུན་ཅུས་ཀྱིས་ལྷ་ས་གྲོང་ཁྱེར་གྱི་2023ལོའི་ལོ་འཁོར་གྱི་འཛུགས་སྐྲུན་ལས་གྲྭའི་ཁེ་ལས་ཀྱི“སྐབས་བསྟུན་གཉིས་དང་ཡོངས་བསྒྲགས་གཅིག”གི་ལྟ་སྐུལ་ཞིབ་བཤེར་དང་། ཨར་སྐྲུན་ཁྲོམ་རའི་ཕྱོགས་བསྡུས་ཁྲིམས་སྒྱུར་ཞིབ་བཤེར། ལྷག་པར་དུ་འཛུགས་སྐྲུན་ལས་གྲྭའི་ཁེ་ལས་ལ་འོས་ཐོབ་རག་རྗེས་སྔར་བཞིན་འོས་ཐོབ་ཀྱི་ཚད་གཞིར་བློ་ཡིད་ཚིམ་མིན་ལ་ཞིབ་བཤེར་བཅས་བྱས་ཡོད། ཞིབ་བཤེར་གྱི་ནང་དོན་གཙོ་བོའི་གྲས་སུ་ཁེ་ལས་ལག་རྩལ་གྱི་འགན་འཁུར་བ་དང་། ཐོ་འགོད་མི་སྣ། གོ་མིང་མི་སྣ་སོགས་ཚུད་ཡོད་པ་རེད།

འོས་ཐོབ་ཐད་ལ་གནད་དོན་ཡོད་པའི་ཁེ་ལས་50ཡིས《ཨར་སྐྲུན་ལས་རིགས་ཁེ་ལས་ཀྱི་འོས་ཐོབ་དོ་དམ་གཏན་འབེབས》ཀྱི་དོན་ཚན་ཉེར་བརྒྱད་པའི་གཏན་འབེབས་གཞིར་བཟུང་། ཟླ་བ་གསུམ་ནང་དག་ཐེར་ཚར་བ་བྱེད་དགོས་པ་དང་། （ཞིབ་ཕྲ་ཟུར་བཀོད་ནང་གསལ）རྫོང（ཆུས）ཁག་དང་བྱེད་ནུས་གླིང་ཁུལ་གྱི་སྡོད་ཁང་འཛུགས་སྐྲུན་སྡེ་ཚན་གྱིས་ངེས་པར་དུ་འབྲེལ་ཡོད་ཁེ་ལས་ཀྱི་དག་ཐེར་གནད་དུ་འཁེལ་མིན་ལ་ལྟ་སྐུལ་བྱེད་དགོས་པ་དང་། དུས་ཡུན་ཐིམ་རྗེས་སྔར་བཞིན་འོས་ཐོབ་དོ་དམ་གྱི་གཏན་འབེབས་དང་མི་མཐུན་པའི་ཁེ་ལས་ལ་ལྷ་ས་གྲོང་ཁྱེར་སྡོད་ཁང་འཛུགས་སྐྲུན་ཅུས་ཀྱིས་འོས་ཐོབ་མེད་པར་བཟོ་བའམ་ཡང་ན་ལྗོངས་སྡོད་ཁང་འཛུགས་སྐྲུན་ཐིང་ལ་སྙན་སེང་ཞུས་ནས་དེ་མཚུངས་ཀྱི་འོས་ཐོབ་མེད་པར་བཟོ་རྒྱུ་རེད་འདུག

ཟུར་བཀོད།

ཟུར་བཀོད། གཅིག 2023ལོའི་ལོ་འཁོར་གྱི“སྐབས་བསྟུན་གཉིས་དང་ཡོངས་བསྒྲགས་གཅིག”ཐད་ཀྱི་གནད་དོན་ཡོད་པའི་ཁེ་ལས་ཀྱི་གསལ་ཐོ།

ཟུར་བཀོད། གཉིས། ཨར་སྐྲུན་གྱི་འོས་ཐོབ་ཚད་གཞི།

ཟུར་བཀོད། གསུམ། ལས་གྲྭའི་རྩད་ཞིབ་ཇུས་འགོད་ཀྱི་འོས་ཐོབ་ཚད་གཞི། 

ཟུར་བཀོད། བཞི། ལས་གྲྭའི་ལྟ་ཞིབ་དོ་དམ་གྱི་འོས་ཐོབ་ཚད་གཞི། 

གཤམ་གྱི་རྩ་གཉིས་ཨང་རྟགས་བཤེར་ན་ཟུར་བཀོད་ཀྱི་ནང་དོན་གཟིགས་ཐུབ།