རྩེ་དྲུག་རི་བོའི་རི་རྩེ་མཐོ་ཤོས་སེང་གདོང་མའི་རི་གཤམ་དུ་གནས་པའི་རྩེ་དྲུག་དགོན་པ་ནི་ད་ཐེངས་ཀྱི“གནའ་བོའི་ཞང་ཞུང་རིག་གནས་ཤུལ་བཞག་ལ་བརྟག་དཔྱད་དང་མྱུར་སྐྱོབ་རང་བཞིན་གྱི་སྲུང་སྐྱོང་དང་ཞིབ་འཇུག་རྣམ་གྲངས”ཀྱི་མཉམ་འབྲེལ་ལག་བསྟར་བྱེད་མཁན་ཚན་པ་ཞིག་ཡིན་པའི་ངོས་ནས་ལོ་མང་རིང་ཞང་ཞུང་རིག་གནས་ཀྱི་དཔེ་རྙིང་ཉར་ཚགས་དང་རྒྱུན་འཛིན་མཐའ་འཁྱོངས་བྱས་ཡོད།

2023ལོའི“རིག་གནས་དང་རང་བྱུང་ཤུལ་བཞག་ཉིན་མོའི”(ཟླ་6ཚེས་10ཉིན)སྔ་ནུབ་ཏུ། རྒྱལ་ཁབ་དཔེ་རྙིང་སྲུང་སྐྱོང་ལྟེ་གནས་ཀྱིས་དངོས་སུ་ཞུགས་ཤིང་ལག་ལེན་བསྟར་བའི“གནའ་བོའི་ཞང་ཞུང་གི་རིག་གནས་ཤུལ་བཞག་ལ་བརྟག་དཔྱད་དང་དེ་བཞིན་མྱུར་སྐྱོབ་རང་བཞིན་གྱི་སྲུང་སྐྱོང་དང་ཞིབ་འཇུག་རྣམ་གྲངས”དེ་བོད་རང་སྐྱོང་ལྗོངས་སྟེང་ཆེན་རྫོང་གི་རྩེ་དྲུག་རི་བོར(ཞང་ཞུང་སྒོའི་ལྟེ་གནས)ལག་བསྟར་བྱེད་འགོ་བཙུགས་པ་རེད།

གནའ་བོའི་ཞང་ཞུང་གི་ཤེས་དཔལ་ནི་རང་རྒྱལ་གྱི་ཡུལ་དེ་རང་དུ་གྲུབ་པའི་མི་རིགས་ཀྱི་རྒྱབ་ལྗོངས་ལས་བརྒལ་བའི་གནའ་བོའི་ཤེས་དཔལ་ཞིག་ཡིན་པ་དང་། དེ་ནི་བོད་ཀྱི་རིག་གནས་ཀྱི་འབྱུང་ཁུངས་དང་ཀྲུང་ཧྭའི་ཤེས་དཔལ་གྱི་གྲུབ་ཆ་གལ་ཆེན་ཞིག་ཀྱང་རེད། གནའ་བོའི་ཞང་ཞུང་རིག་གནས་ཀྱི་སྙིང་བཅུད་དེ་དག《གནའ་བོའི་ཞང་ཞུང་གི་བཀའ་བསྟན་འགྱུར》པུ་ཏི་178ཡི་ཁྲོད་དུ་འཁོད་ཅིང་། དེ་ནི་བོད་མི་རིགས་དང་མི་རིགས་གཞན་དག་གི་རིག་གནས་མཉམ་འདྲེས་བྱས་པའི་བློ་གྲོས་ཀྱི་སྙིང་བཅུད་དང་གནས་ཚུལ་ཀུན་གསལ་རྣམ་པའི་ཐོག་ནས་བོད་མི་རིགས་ཀྱི་རིག་གནས་མཚོན་པའི་ཤེས་བྱ་ཀུན་བཏུས་ཤིག་རེད། དེའི་ནང་དོན་ཆོས་ལུགས་དང་། མཚན་ཉིད་རིག་པ། རྩོམ་རིག སྒྱུ་རྩལ། གསོ་རིག དམངས་སྲོལ་སོགས་ཁྱབ་ཁོངས་མང་པོ་ཚུད་ཡོད།

ད་ཐེངས་ཀྱི་ཞིབ་འཇུག་རྣམ་གྲངས་ནི་2022ལོར“གནའ་བོའི་ཞང་ཞུང་གི་བཀའ་བསྟན་འགྱུར་རྒྱ་ཡིག་ཏུ་བསྒྱུར་བ་དང་ཞིབ་འཇུག”རྣམ་གྲངས་མཇུག་འགྲིལ་རྗེས“ཀྲུང་ཧྭ་ཡི་དཔེ་རྙིང་སྲུང་སྐྱོང་འཆར་འགོད”ལྟར་གནའ་བོའི་ཞང་ཞུང་རིག་གནས་ཤུལ་བཞག་ལ་བསྐྱར་དུ་ཤེས་རྟོགས་བྱས་ནས། སྲུང་སྐྱོང་དང་བེད་སྤྱོད་གལ་ཆེ་མཉམ་བརྩི་བ་དང་ཞིབ་འཇུག་བྱ་གཞི་དང་གྲུབ་འབྲས་གཞན་འགྱུར་ཟུང་དུ་འབྲེལ་བའི་རྣམ་པ་སྤྱད་དེ། གནའ་བོའི་ཞང་ཞུང་གི་དཔེ་རྙིང་གི་རིག་དངོས་དང་། ཚད་ལྡན་ཡིག་ཆ། སྒྱུ་རྩལ་རིན་ཐང་བཅས་ལ་སྔོག་འདོན་དང་གསེད་བཀྲོལ་གཏིང་ཟབ་བྱས་པ་རེད།

འདི་ནི་ཕུན་ཚོགས་རབ་རྒྱས(གཡོན་གྱི་དང་པོ)ཀྱིས་རྣམ་གྲངས་ཀྱི་གྲུབ་འབྲས་གཞན་འགྱུར་བྱས་པའི་བོད་ཀྱི་གསོ་བ་རིག་པའི་སྨན་རྫས་ངོ་སྤྲོད་བྱེད་བཞིན་པ།

འདི་ནི་རྣམ་གྲངས་ཀྱི་ལས་དོན་པས་དཔེ་རྙིང་ལ་ལྟ་ཞིབ་བྱེད་པ།

འདི་ནི་ཞང་ཞུང་གི་ལྷ་རིས་པ་སྐལ་བཟང་དབང་རྒྱལ་གྱིས་ཐང་ག་བཞེངས་བཞིན་ཡོད་ཅིང་། ངོ་སྤྲོད་བྱས་པར་གཞིགས་ན། ཐང་ག་བཞེངས་སྲོལ་གྱི་རྒྱུན་འཛིན་སྔ་ཤོས་དེ་གནའ་བོའི་ཞང་ཞུང་གི་དུས་སྐབས་བར་ཁུངས་འདེད་ཐུབ་པ་དང་དེའི་སྐུ་བརྙན་བཞེངས་སྟངས་ནི་གཙོ་བོ《གནའ་བོའི་ཞང་ཞུང་གི་བཀའ་བསྟན་འགྱུར》ཁྲོད་ཀྱི་ཆ་ཚད་གཞི་འཛིན་སར་བྱས་ཡོད།

འདི་ནི་རྣམ་གྲངས་ཀྱི་སྤྱི་ཁྱབ་བློ་འདྲི་བ་རྟ་མགྲིན་འོད་ཟེར(གཡོན)དང་བོད་རང་སྐྱོང་ལྗོངས་དཔེ་རྙིང་སྲུང་སྐྱོང་ལྟེ་གནས་ཞིབ་འཇུག་ཁང་གི་འགོ་འཛིན་དང་དཔེ་རྙིང་རིགས་གཅིག་མཁས་ཅན་པད་མ་བཀྲ་ཤིས་ཀྱིས་དཔེ་རྙིང་སྲུང་སྐྱོང་སྐོར་ལ་ཞིབ་དཔྱད་བྱེད་བཞིན་པ།

འདི་ནི་རྒྱ་ཡིག་ཏུ་སྒྱུར་མཁན་ཚོགས་ཆུང་གིས《གནའ་བོའི་ཞང་ཞུང་གི་བཀའ་བསྟན་འགྱུར》གྱི་ཡིག་སྒྱུར་ལས་དོན་ལ་གྲོས་བསྡུར་བྱེད་པ།

འདི་ནི་རྩེ་དྲུག་དགོན་དུ་ཉར་ཚགས་བྱས་པའི《གནའ་བོའི་ཞང་ཞུང་གི་བཀའ་བསྟན་འགྱུར》གྱི་དཔེ་རྙིང་གི་ཆ་ཤས་ཡིན་པ།

འདི་ནི་རྣམ་གྲངས་ཚོགས་ཆུང་གི་རིགས་གཅིག་མཁས་ཅན་བོད་ལྗོངས་ཆབ་མདོ་རིས་མེད་བོད་ལུགས་གསོ་རིག་སྨན་ཁང་གི་ཡོན་ཀྲང་ཕུན་ཚོགས་རབ་རྒྱས(གཡོན་གྱི་དང་པོ)དང་སྨན་ཁང་གི་ལས་དོན་མི་སྣས་གནའ་བོའི་ཞང་ཞུང་གི་སྨན་གཞུང་དཔེ་རྙིང་གི་ཐོ་འགོད་ལྟར་སྨན་རྩྭ་གདམ་གསེས་བྱེད་བཞིན་པ།