2021ལོ། ③

★ ཟླ་3ཚེས་25ཉིན། ཞི་ཅིན་ཕིང་གིས་ཧྥུའུ་ཅན་དུ་རྟོག་ཞིབ་གནང་སྐབས་ཏང་གི་ལོ་རྒྱུས་སློབ་སྦྱོང་སློབ་གསོ་སྤེལ་བར་ལོ་རྒྱུས་སྦྱངས་ནས་གནས་ལུགས་རྟོགས་དགོས། གནས་ལུགས་རྟོགས་པ་ནི་གདེང་ཚོད་འཕེལ་བ་དང་། སྤྱོད་བཟང་གོང་བཀུར། ལག་ལེན་ཧུར་ཐག་བཅས་བྱེད་པའི་སྔོན་འགྲོ་རེད་ཅེས་གསུངས་ཡོད།

★ ཟླ་3ཚེས་27ཉིན། ཀྲུང་གུང་ཀྲུང་དབྱང་གིས《“འགོ་ཁྲིད་གཙོ་བོ”དང་འགོ་ཁྲིད་ཚན་ཁག་ལ་ལྟ་སྐུལ་བྱེད་པར་ཤུགས་སྣོན་རྒྱག་རྒྱུའི་སྐོར་གྱི་བསམ་འཆར》བཀྲམ་ཡོད།

★ ཟླ་4ཚེས་14ཉིན། རྒྱལ་སྲིད་སྤྱི་ཁྱབ་ཁང་གི་རྒྱུན་ལས་ཚོགས་འདུར《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཁྲོམ་རའི་བྱེད་པོའི་ཐོ་འགོད་དོ་དམ་བྱེད་ཕྱོགས་སྐོར་གྱི་སྲོལ་ཡིག》ལ་གྲོས་འཆམ་བྱུང་ཡོད།

★ ཟླ་4ཚེས་16ཉིན། ཀྲུང་གུང་ཀྲུང་དབྱང་གིས་བཟོ་བཅོས་བརྒྱབ་རྗེས་ཀྱི《ཀྲུང་གོ་གུང་ཁྲན་ཏང་གི་མཐོ་རིམ་སློབ་གྲྭ་དཀྱུས་མའི་གཞི་རིམ་རྩ་འཛུགས་ཀྱི་ལས་དོན་སྲོལ་ཡིག》བཀྲམ་ཡོད།

★ ཟླ་4ཚེས་22ཉིན། ཞི་ཅིན་ཕིང་འགོ་ཁྲིད་མི་སྣའི་གནམ་གཤིས་དབུ་ཚོགས་ལ་ཞུགས་པ་དང་འབྲེལ་གསུང་བཤད་ཀྱང་གནང་ཡོད།

★ ཟླ་4ཚེས་23ཉིན། ཀྲུང་གུང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གིས《དུས་རབས་གསར་པར་དབུས་རྒྱུད་ས་ཁུལ་གྱི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་རྒྱུའི་སྐོར་གྱི་བསམ་འཆར》བཀྲམ་ཡོད།

★ ཟླ་4ཚེས་27ཉིན། ཞི་ཅིན་ཕིང་གིས་ཀོང་ཤིས་སུ་རྟོག་ཞིབ་གནང་སྐབས་ལོ་རྒྱུས་སྦྱངས་ནས་དད་སེམས་འཕེལ་བར་བྱེད་པར་དད་མོས་དང་། དད་སེམས། ཡིད་ཆེས་བཅས་ཆེ་རུ་གཏོང་དགོས། འདི་ནི་ང་ཚོས་སྟོབས་ལྡན་དགྲ་བོ་མཐའ་དག་ལས་རྣམ་པར་རྒྱལ་བ་དང་། དཀའ་ངལ་མཐའ་དག་ཁྱད་བསད་བྱེད་པ། རྒྱལ་ཁ་མཐའ་དག་ལེན་པ་བཅས་ཀྱི་བསམ་པའི་སྟོབས་ཤུགས་ཆེན་པོ་ཞིག་རེད་ཅེས་གསུངས་ཡོད།

★ ཟླ་4ཚེས་29ཉིན་རྒྱལ་ཡོངས་མི་དམངས་འཐུས་ཚོགས་སྐབས་བཅུ་གསུམ་པའི་རྒྱུན་ལས་ཨུ་ཡོན་ལྷན་ཁང་གི་ཚོགས་འདུ་ཐེངས་ཉེར་བརྒྱད་པར《ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་གྲོང་གསེབ་དར་རྒྱས་ཀྱི་སྐུལ་སྤེལ་བཅའ་ཁྲིམས》ལ་གྲོས་འཆམ་བྱུང་ཡོད། དེ་ཉིན་ཀྲུང་གོའི་བར་སྣང་ས་ཚིགས་ཐན་ཧོ་གྲུ་ཚང་ཨ་མ་འཕེན་གཏོང་ལས་འགན་ལེགས་གྲུབ་བྱུང་བ་ལས་རང་རྒྱལ་གྱི་བར་སྣང་ས་ཚིགས་བཟོ་སྐྲུན་ཕྱོགས་ཡོངས་ནས་ལག་ལེན་བསྟར་བའི་དུས་རིམ་ལ་སླེབས་པ་མཚོན་གྱི་ཡོད། ཟླ་5ཚེས་29ཉིན་མཁའ་གྲུ་ཨང་གཉིས་པའི་ཟོག་འདྲེན་འཕུར་གྲུ་འཕེན་གཏོང་ལམ་ལྷོངས་བྱུང་ཡོད། ཚེས་30ཉིན་མཁའ་གྲུ་ཨང་གཉིས་པའི་ཟོག་འདྲེན་འཕུར་གྲུ་དང་ཐན་ཧོ་གྲུ་ཚང་ཨ་མ་རང་བརྟེན་ཐད་གཏུགས་མཐུད་སྦྲེལ་ཐུབ་ཡོད།

★ ཟླ་5ཚེས་11ཉིན། རྒྱལ་ཁབ་བསྡོམས་རྩིས་ཅུས་ཀྱིས་རྒྱལ་ཡོངས་ཀྱི་མི་འབོར་ཡོངས་བཤེར་ཐེངས་བདུན་པའི་གྲངས་གཞི་གཙོ་བོ་ཁྱབ་བསྒྲགས་བྱས་ནས་2020ལོའི་ཟླ་11ཚེས་1ཉིན་གྱི་དགོང་མོའི་ཆུ་ཚོད་12བར་རྒྱལ་ཡོངས་ཀྱི་མི་འབོར་ཁྱོན་ཁྲི་141178ཟིན་ཡོད།

（རྩོམ་གྱི་ཡོང་ཁུངས་ཤིན་ཧྭ་གསར་འགྱུར་ཁང）

（མུ་མཐུད་འགོད་རྒྱུ）