བོད་རང་སྐྱོང་ལྗོངས་ནད་ཡམས་སྔོན་འགོག་ཚོད་འཛིན་ཅུས།

ཚེས་30ཉིན། བོད་རང་སྐྱོང་ལྗོངས་ནད་ཡམས་སྔོན་འགོག་ཚོད་འཛིན་ཅུས་ཀྱི་སྒོ་བྱང་བཀལ་ནས་བཙུགས་པ་དེ་ཐོག་ནས་བོད་ཀྱི་ནད་ཡམས་སྔོན་འགོག་དང་ཚོད་འཛིན་གྱི་བྱ་གཞག་ལ་ལེའུ་གསར་པ་ཞིག་བརྩམས་པ་མཚོན་ཡོད།

བོད་རང་སྐྱོང་ལྗོངས་ནད་ཡམས་སྔོན་འགོག་ཚོད་འཛིན་ཅུས་བཙུགས་པ་དེ་ནི་ནད་ཡམས་སྔོན་འགོག་དང་ཚོད་འཛིན་མ་ལག་སྒྱུར་བཅོས་སྐོར་གྱི་ཏང་ཀྲུང་དབྱང་དང་། རྒྱལ་སྲིད་སྤྱི་ཁྱབ་ཁང་། ལྗོངས་ཏང་ཨུད་དང་སྲིད་གཞུང་བཅས་ཀྱི་ཐབས་ཇུས་བཀོད་སྒྲིག་གལ་ཆེན་ཕྱོགས་ཡོངས་ནས་ལག་བསྟར་དོན་འཁྱོལ་བྱེད་པའི་བྱ་ཐབས་གལ་ཆེན་དང་། “མི་དམངས་གོང་དུ་བཀུར་བ་དང་ཚེ་སྲོག་གོང་དུ་བཀུར་བའི”འདུ་ཤེས་ལག་ལེན་བསྟར་བའི་ལྡོག་མེད་ཀྱི་བླང་བྱ། བོད་ཀྱི་འཕྲོད་བསྟེན་བདེ་ཐང་གི་བཅོས་སྐྱོང་མ་ལག་དང་བཅོས་སྐྱོང་ནུས་པ་དེང་རབས་ཅན་དང་སྐྱོན་བྲལ་བོད་ལྗོངས་འཛུགས་སྐྲུན་ལ་ཕྱོགས་ཡོངས་ནས་སྐུལ་འདེད་གཏོང་བའི་ཁ་ཚ་དགོས་གཏུགས་ཀྱི་དགོས་མཁོ་བཅས་རེད།

བོད་རང་སྐྱོང་ལྗོངས་ངལ་རྩོལ་དཔེ་བཟང་བཟོ་བོའི་སློབ་གླིང་།

ཚེས་30ཉིན་གྱི་སྔ་དྲོ། རང་སྐྱོང་ལྗོངས་སྤྱི་ཁྱབ་བཟོ་ཚོགས་དང་ལྗོངས་མི་སྤྱི་ཐིང་གིས་མཉམ་དུ་བཙུགས་པའི་བོད་རང་སྐྱོང་ལྗོངས་ངལ་རྩོལ་དཔེ་བཟང་བཟོ་བོའི་སློབ་གླིང་བོད་ལྗོངས་ལག་ཤེས་སློབ་གླིང་དུ་སྒོ་བྱང་བཀལ་ནས་བཙུགས་པ་རེད།

བོད་རང་སྐྱོང་ལྗོངས་ངལ་རྩོལ་དཔེ་བཟང་བཟོ་བོའི་སློབ་གླིང་བཙུགས་རྗེས་སློབ་གླིང་གི་སློབ་གསོ་དང་། དྲིལ་བསྒྲགས། གསོ་སྦྱོང་། འགྲན་བསྡུར་བཅས་འགན་འཁྲི་བཞིའི་ནུས་པ་འདོན་སྤེལ་གང་ལེགས་བྱས་ཏེ། ངལ་རྩོལ་དཔེ་བཟང་བཟོ་བོའི་རྩལ་ནུས་དྲིལ་བསྒྲགས་དང་། བསམ་བློ་ཆབ་སྲིད་སློབ་གསོ། རྩལ་ནུས་མཐོར་གཏོང་གསོ་སྦྱོང་། ངལ་རྩོལ་དང་རྩལ་ནུས་འགྲན་བསྡུར་སོགས་ཀྱི་ལས་དོན་སྤེལ་ནས། སློབ་གླིང་འདི་ཉིད་བོད་ཀྱི་སྤུས་ཚད་མཐོ་བའི་འཕེལ་རྒྱས་ལ་རམ་འདེགས་བྱེད་པའི་སྒུལ་ཤུགས་ཆེན་པོ་ཞིག་ཏུ་འགྱུར་རྒྱུ་རེད།