ཤིན་ཧྭ་གསར་འགྱུར་ཁང་གྲོང་ཁྱེར་ཏ་ཁཱར་ནས་གློག་འཕྲིན་འབྱོར་གསལ། ཚེས་25ཉིན། ཀི་ནེ་ཡ་པི་སོའི་ཙུང་ཐུང་ཨེན་པ་ལོས་ཀི་ནེ་ཡ་པི་སོར་རོགས་སྐྱོར་བྱེད་མཁན་ཀྲུང་གོའི་སྨན་བཅོས་རུ་ཁག་ཁག་19པར“མཉམ་ལས་དང་འཕེལ་རྒྱས་ཀྱི་རྒྱལ་ཁབ་གཟི་བརྗིད་མཚན་སྙན་གྱི་གཟེངས་རྟགས”སྤྲད་པ་རེད།

ཨེན་པ་ལོས་མཛད་སྒོར་ཀྲུང་གོ་དང་ཀི་ནེ་ཡ་པི་སོ་རྒྱལ་ཁབ་གཉིས་ཀྱི་འབྲེལ་བའི་འཕེལ་རིམ་ལ་ཕྱིར་དྲན་བྱས་ནས་རྒྱལ་ཁབ་གཉིས་པོའི་མཛའ་གྲོགས་འབྲེལ་བའི་ལོ་རྒྱུས་ཧ་ཅང་རིང་བ་དང་། ཀི་ནེ་ཡ་པི་སོས་རང་བཙན་ཆེད་འཐབ་རྩོད་བྱས་པའི་དུས་སྐབས་ནས་བཟུང་རྒྱལ་ཁབ་གཉིས་དབར་མཛའ་གྲོགས་ཀྱི་འབྲེལ་བ་ཟབ་མོ་བཙུགས་ཡོད་ཅེས་བརྗོད་པ་དང་། ཁོང་གིས “ཀྲུང་གོའི་སྨན་བཅོས་རུ་ཁག་གིས་ཀི་ནེ་ཡ་པི་སོ་དང་ཀི་ནེ་ཡ་པི་སོའི་མི་དམངས་ལ་ཞབས་འདེགས་ཞུས་པར་ཐུགས་རྗེ་ཆེ་ཞུ་ལ། ཀྲུང་གོ་ནི་ཀི་ནི་ཡ་པི་སོའི་ཁྱབ་ཁོངས་མང་པོའི་ཐད་ཀྱི་མཉམ་ལས་རོགས་ཟླ་གལ་ཆེན་ཞིག་ཡིན་པས་ཀི་ནི་ཡ་པི་སོའི་མི་དམངས་ཀྱིས་བཀའ་དྲིན་སྙིང་དབུས་སུ་འཆང་བཞིན་ཡོད”ཅེས་བརྗོད།

ཀི་ནེ་ཡ་པི་སོར་བཅའ་སྡོད་ཀྲུང་གོའི་གཞུང་ཚབ་ཆེ་མོ་བ་ཀུའོ་ཚེ་དང་། དཔལ་འབྱོར་ཚོང་དོན་གྱི་ཚན་ཙན་ཐུའུ་ཕེང་ཧྥེ། ཀི་ནེ་ཡ་པི་སོར་རོགས་སྐྱོར་བྱེད་མཁན་ཀྲུང་གོའི་སྨན་བཅོས་རུ་ཁག་ཁག་19པའི་རུ་མི་བཅས་མཛད་སྒོར་ཞུགས་ཡོད་པ་རེད།