གཅིག

གནམ་གཤིས་སྔོན་བརྡ།

དེ་རིང་ནག་ཆུ་དང་། གཞིས་རྩེའི་བྱང་རྒྱུད། ཉིང་ཁྲི། ལྷོ་ཁའི་ལྷོ་རྒྱུད་བཅས་སུ་གངས(ཆར་པ)ཆུང་བ་འབབ་རྒྱུ་དང་། ས་ཆ་ཁག་གཅིག་ལ་གངས་འབྲིང་བ་ནས་ཆེ་བའི་བར་འབབ་རྒྱུ། ལྷ་ས་དང་། ལྷོ་ཁའི་བྱང་རྒྱུད། གཞིས་རྩེའི་ལྷོ་རྒྱུད། ཆབ་མདོ་བཅས་སུ་སྤྲིན་པ་མང་པོ་འཁོར་ནས་གནམ་འཐིབ་རྒྱུ་དང་ས་ཆ་ཁག་གཅིག་ལ་གངས་ཆུང་བ་འབབ་རྒྱུ། ས་ཆ་གཞན་དག་ལ་སྤྲིན་པ་ཉུང་བ་ནས་མང་བའི་བར་འཁོར་རྒྱུ། བོད་ཀྱི་བྱང་ཐང་དང་ལྷོ་རྒྱུད་ཀྱི་ས་བབ་མཐོ་བའི་ས་ཁུལ་དུ་ལྷགས་པ་རིམ་པ་6ནས་7བར་རྒྱག་རྒྱུ་དང་ཡར་ཀླུང་གཙང་པོ་རྒྱུག་ཁུལ་དུ་ལྷགས་པ་རིམ་པ་3ནས་4བར་རྒྱག་རྒྱུ།

ལྗོངས་ཡོངས་ཀྱི་ས་ཁུལ(གྲོང་ཁྱེར)བདུན་གྱི་གནམ་གཤིས་སྔོན་བརྡ།

གཉིས།

ཕྱི་རོལ་དུ་ལས་ཀ་བྱེད་མཁན་ལ་དྲན་སྐུལ་ཞུ་རྒྱུར།

ལྷ་སའི་གྲོང་ཁུལ་དུ་དེ་རིང་ཉིན་མོར་གངས་མ་ཆར་བབས་རྒྱུ་དང་དྲོད་ཚད་ཧྲེ་ཧྲི་ཏུའུ་1ནས་11བར་ཟིན་རྒྱུ། མཁའ་རླུང་གི་སྤུས་ཚད་ལེགས་པོ་ཡོད། འོན་ཀྱང་སྨུག་ཕྱིའི་འོད་ཀྱི་སྟོན་གྲངས་ཀྱི་རིམ་པ་3ལ་སླེབས་པས། ཕྱིར་ལས་ཀ་བྱེད་མཁན་གྱིས་ཉི་འགོག་ཡག་པོ་བྱེད་དགོས།

གསུམ།

གཞུང་ལམ་འགྲིམ་འགྲུལ་གྱི་གནམ་གཤིས་ཞབས་ཞུ།

མ་འོངས་ཆུ་ཚོད་12ཡི་རིང་རང་ལྗོངས་ཀྱི་ནག་ཆུ་དང་། གཞིས་རྩེའི་ལྷོ་རྒྱུད། ལྷོ་ཁའི་ལྷོ་རྒྱུད། ཉིང་ཁྲི་བཅས་ཀྱི་གཞུང་ལམ་རྒྱུད་དུ་གངས(ཆར་པ)ཆུང་བ་འབབ་རྒྱུ་དང་ལམ་དུམ་བུ་ཁག་གཅིག་ཏུ་གངས་འབྲིང་བ་ནས་ཆེ་བའི་བར་འབབ་རྒྱུ་ཡིན་ཞིང་། དེའི་ནང་རྒྱལ་ལམ་109ཡི་ནག་ཆུའི་ལམ་དུམ་དང་། རྒྱལ་ལམ་317གྱི་སོག་རྫོང་ནས་སྦྲ་ཆེན་བར་གྱི་ལམ་དུམ། རྒྱལ་ལམ་318ཀྱི་གཉའ་ནང་རྫོང་གི་ལམ་དུམ་དང་སྤོ་བོ་རྫོང་གི་ལམ་དུམ། རྒྱལ་ལམ་349ཡི་ལྷ་རིའི་ལམ་དུམ། རྒྱལ་ལམ་559ཡི་མེ་ཏོག་གི་ལམ་དུམ། རྒྱལ་ལམ་558ཀྱི་འབྲི་རུའི་ལམ་དུམ་བཅས་སུ་གངས(ཆར་པ)འབྲིང་བ་འབབ་རྒྱུ། ཆར་པའམ་གངས་བབས་རྗེས་གཞུང་ལམ་དུ་འདྲེད་བརྡབ་ཤོར་སླ་བ་དང་ས་བབ་མཐོ་བའི་ལམ་དུམ་ཁག་གཅིག་ཏུ་གངས་གསོག་ཐེབས་པ་དང་འཁྱགས་པ་ཐེབས་ཡོད། ཡར་ཀླུང་གཙང་པོ་རྒྱུག་ཁུལ་དུ་ལྷགས་པ་རིམ་པ་3ནས་4བར་རྒྱག་རྒྱུ། བོད་ཀྱི་བྱང་ཐང་དང་ལྷོ་རྒྱུད་ཀྱི་ས་བབ་མཐོ་བའི་ས་ཁུལ་དུ་ལྷགས་པ་ཆེ་བ་རིམ་པ་6ནས་7བར་བརྒྱབ་ནས་མཐོང་ཚད་ལ་ཤུགས་རྐྱེན་བཟོ་སྲིད་པས། ཕར་འགྲོ་ཚུར་འོང་བྱེད་མཁན་ཁ་ལོ་བས་རླངས་འཁོར་གཟབ་ནན་ངང་བཏང་སྟེ་འགྲིམ་འགྲུལ་བདེ་འཇགས་ལ་ཡིད་གཟབ་བྱེད་དགོས།

གངས(ཆར་པ)འབྲིང་བ་བབས་ནས་ཤུགས་རྐྱེན་ཐེབས་སྲིད་པའི་ལམ་དུམ་གཤམ་གསལ། 

རྒྱལ་ལམ་109ཡི་ནག་ཆུའི་ལམ་དུམ།

རྒྱལ་ལམ་317གྱི་སོག་རྫོང་ནས་སྦྲ་ཆེན་བར་གྱི་ལམ་དུམ།

རྒྱལ་ལམ་318ཀྱི་གཉའ་ནང་རྫོང་ལམ་དུམ་དང་སྤོ་བོ་རྫོང་གི་ལམ་དུམ།

རྒྱལ་ལམ་349ཡི་ལྷ་རིའི་ལམ་དུམ།

རྒྱལ་ལམ་559ཡི་མེ་ཏོག་ལམ་དུམ།

རྒྱལ་ལམ་558ཀྱི་འབྲི་རུའི་ལམ་དུམ།

གངས(ཆར་པ)ཆུང་བའམ་ཡང་ན་གངས་མ་ཆར་བབས་ནས་ཤུགས་རྐྱེན་ཐེབས་སྲིད་པའི་ལམ་དུམ་གཤམ་གསལ། 

རྒྱལ་ལམ་109ཡི་ཨ་མདོའི་ལམ་དུམ་དང་འདམ་གཞུང་རྫོང་གི་ལམ་དུམ།

རྒྱལ་ལམ་219ཡི་འབྲོང་པ་ནས་སྨན་གླིང་བར་གྱི་ལམ་དུམ།

རྒྱལ་ལམ་317གྱི་ཉི་མ་ནས་དཔལ་མགོན་བར་གྱི་ལམ་དུམ་དང་སྟེང་ཆེན་ནས་རི་བོ་ཆེ་བར་གྱི་ལམ་དུམ།

རྒྱལ་ལམ་318ཀྱི་དིང་རིའི་ལམ་དུམ་དང་། ལྷ་ས་ནས་ཉིང་ཁྲི་བར་གྱི་ལམ་དུམ། དཔའ་ཤོད་ཀྱི་ལམ་དུམ།

རྒྱལ་ལམ་550ཡི་མཚོ་སྣ་ནས་རྒྱ་ཚ་བར་གྱི་ལམ་དུམ།

རྒྱལ་ལམ་562ཀྱི་ཕག་རི་ནས་ཁང་དམར་བར་གྱི་ལམ་དུམ་དང་རྣམ་གླིང་ནས་ཤན་རྩ་བར་གྱི་ལམ་དུམ།

རྒྱལ་ལམ་349ཡི་ངམ་རིང་ནས་གྲ་ནང་བར་གྱི་ལམ་དུམ་དང་དཔལ་འབར་ནས་ལྷོ་རོང་བར་གྱི་ལམ་དུམ།

རྒྱལ་ལམ་216གི་སྐྱིད་གྲོང་ནས་མཚོ་ཆེན་བར་གྱི་ལམ་དུམ།

རྒྱལ་ལམ་559ཡི་རྫ་ཡུལ་གྱི་ལམ་དུམ།

རྒྱལ་ལམ་345ཡི་སྙན་རོང་གི་ལམ་དུམ།

ལྷགས་པ་ཆེན་པོ་བརྒྱབ་ནས་ཤུགས་རྐྱེན་ཐེབས་སྲིད་པའི་ལམ་དུམ་གཤམ་གསལ། 

རྒྱལ་ལམ་317གྱི་སེང་གེ་ཁ་འབབ་ནས་སྒེར་རྩེ་བར་གྱི་ལམ་དུམ།

རྒྱལ་ལམ་216གི་མཚོ་ཆེན་གྱི་ལམ་དུམ།

རྒྱལ་ལམ་564ཡི་སྤུ་ཧྲེང་གི་ལམ་དུམ།