ཟླ་3ཚེས་6ཉིན། བོད་རང་སྐྱོང་ལྗོངས་འགྲིམ་འགྲུལ་སྐྱེལ་འདྲེན་ཐིང་གིས་2023ལོའི་ལྗོངས་ཡོངས་ཀྱི་འགྲིམ་འགྲུལ་སྐྱེལ་འདྲེན་ལས་དོན་གྱི་ཚོགས་འདུ་འཚོགས་པ་དང་། ཚོགས་འདུར་2022ལོའི་འགྲིམ་འགྲུལ་སྐྱེལ་འདྲེན་གྱི་ལས་དོན་ལ་ཕྱོགས་སྡོམ་དང་། དུས་བབ་ལ་དབྱེ་ཞིབ་དང་བསམ་ཕྱོགས་ཁ་གསལ་བཟོས་པ། 2023ལོའི་འགྲིམ་འགྲུལ་སྐྱེལ་འདྲེན་ལས་དོན་ལ་བཀོད་སྒྲིག་བཅས་བྱས་པ་རེད།

2023ལོའི་འགག་སྒྲོལ་བྱ་སྤྱོད་ཆེན་པོ་བཅུ།

གཅིག འགྲིམ་འགྲུལ་སྐྱེལ་འདྲེན་ལ་སྒྱུར་བཅོས་དང་གསར་གཏོད་བྱེད་རྒྱུ།

གཉིས། བོད་ནས་འགྲོ་འོང་བྱེད་སའི་གཞུང་ལམ་གྱི་སྤུས་ཚད་ལེགས་སུ་གཏོང་རྒྱུ།

གསུམ། ཁྲོན་བོད་ལྕགས་ལམ་ཨར་སྐྲུན་གྱི་ལེ་ལག་གཞུང་ལམ་འཛུགས་སྐྲུན་མགྱོགས་པོ་བྱེད་རྒྱུ།

བཞི། རྒྱལ་ལམ་དང་ཞིང་ཆེན་ལམ་ཐིག་གཙོ་བོ་འབྲེལ་མཐུད་མགྱོགས་པོ་བྱེད་རྒྱུ།

ལྔ། གཞུང་ལམ་འཛུགས་སྐྲུན་གྱི་དོ་དམ་བྱེད་ཐབས་གསར་གཏོད་བྱེད་རྒྱུ།

དྲུག གྲོང་གསེབ་གཞུང་ལམ་འཛུགས་སྐྲུན་གྱི་རྨང་གཞི་བརྟན་དུ་གཏོང་བ་དང་ཞན་ཆ་སེལ་རྒྱུ།

བདུན། འཆར་འགོད་ཀྱི་ཡུན་འབྲིང་དཔྱད་དཔོག་ལས་དོན་ལ་ལེགས་སྒྲིག་བྱེད་རྒྱུ།

བརྒྱད། འགྲིམ་འགྲུལ་གྱི་བདེ་འཇགས་ལེགས་སུ་གཏོང་རྒྱུ།

དགུ། སྐྱེལ་འདྲེན་ཞབས་ཞུའི་སྤུས་ཚད་ལེགས་སུ་དང་ཕན་འབྲས་ཆེ་རུ་གཏོང་རྒྱུ།

བཅུ། རང་ངོས་ཀྱི་འཇོན་ཐང་དང་བྱང་ཚད་མཐོ་རུ་གཏོང་རྒྱུ།

2023ལོའི་ལས་དོན་གྱི་དམིགས་ཚད་གཙོ་བོ།

གཅིག ལོ་ཧྲིལ་པོར་ཀྲུང་དབྱང་གིས་བཏང་བའི་མ་དངུལ་སྒོར་དུང་ཕྱུར་400དོན་འཁྱོལ་ཐུབ་པ་བྱེད་རྒྱུ།

གཉིས། གཏན་འཇགས་རྒྱུ་ནོར་ལ་མ་དངུལ་སྒོར་དུང་ཕྱུར་263འཇོག་ཐུབ་པ་བྱེད་རྒྱུ།

གསུམ། གཞུང་ལམ་ལ་རླངས་འཁོར་ཤར་གཏོང་ཐུབ་པའི་སྤྱིའི་ལམ་ཐག་སྤྱི་ལེ་ཁྲི་12.4ཟིན་པ་བྱེད་རྒྱུ།

བཞི། ཤང་དང་གྲོང་རྡལ་དང་། སྲིད་འཛིན་གྲོང་ཚོར་རླངས་འཁོར་ཤར་གཏོང་ཐུབ་ཚད་ཁག་སོ་སོར་95.55%དང་82.53%ཟིན་པ་བྱེད་རྒྱུ།