ཟླ་3ཚེས་6ཉིན་གསར་འགོད་པས་ལྷ་ས་གྲོང་ཁྱེར་གྱི་གནམ་གཤིས་ལས་ཁུངས་ནས་ཤེས་རྟོགས་བྱས་པར། སྔོན་དཔག་བྱས་ན་གཟའ་འཁོར་འདིའི་སྔོན་གྱི་ཉིན་ཤས་རིང་ལྷ་ས་གྲོང་ཁྱེར་ལ་གནམ་གཤིས་འགྱུར་ལྡོག་ཆེ་ཞིང་སྐབས་འགར་གངས་འབབ་རྒྱུ་དང་། གཟའ་མཇུག་ཏུ་ས་ཆ་ཁག་ལ་དྲོད་ཚད་3~5℃བར་ཆག་རྒྱུ་དང་། གཟའ་ཕུར་བུའི་གཡས་གཡོན་དང་གཟའ་མཇུག་ཏུ་གཙང་པོ་རྒྱུག་ཁུལ་དུ་ལྷགས་པ་རིམ་པ་5ཡས་མས་རྒྱག་རྒྱུ། ས་བབ་མཐོ་བའི་ས་ཁུལ་དུ་ལྷགས་པ་ཆེ་བ་རིམ་པ་7ནས་8བར་རྒྱག་རྒྱུ་རེད་འདུག

གཟའ་ཟླ་བ་ནས་ལྷག་པའི་བར། ལྷ་ས་གྲོང་ཁྱེར་དུ་སྤྲིན་པ་མང་པོ་འཁོར་རྒྱུ་དང་། བྱང་རྒྱུད་དང་ཤར་རྒྱུད་ཀྱི་ས་ཆ་ཁག་གཅིག་ལ་གནམ་འཐིབས་པ་དང་གངས་ཡུད་ཙམ་འབབ་རྒྱུ།

གཟའ་ཕུར་བུ་ནས་པ་སངས་བར། རྫོང་ཁག་ལ་སྤྲིན་པ་མང་པོ་འཁོར་རྒྱུ་དང་སྐབས་འགར་གངས་མ་ཆར་རམ་ཡང་ན་གངས་ཆུང་བ་འབབ་རྒྱུ།

གཟའ་སྤེན་པ་ནས་ཉི་མའི་བར། ལྷ་ས་གྲོང་ཁྱེར་གྱི་ས་ཆ་ཁག་ཏུ་སྤྲིན་པ་ཉུང་བ་ནས་མང་དུ་འགྲོ་རྒྱུ།

ལྷ་ས་གྲོང་ཁྱེར་གནམ་གཤིས་ལས་ཁུངས་ཀྱི་དྲན་སྐུལ། 

1.གཟའ་འཁོར་འདིའི་སྔོན་གྱི་ཉིན་ཤས་རིང་ལྷ་ས་གྲོང་ཁྱེར་ལ་གངས་འབབ་རྒྱུ་རེད་འདུག་པས། བྱང་རྒྱུད་དང་ཤར་རྒྱུད་ཀྱི་ས་བབ་མཐོ་བའི་ས་ཁུལ་གྱིས་འགྲོ་ལམ་འགྲིམ་འགྲུལ་དང་གྲང་འགོག་དྲོད་སྲུང་གི་ལས་དོན་ཡག་པོ་སྒྲུབ་དགོས། 

2.གཟའ་འཁོར་འདིའི་ནང་སྐབས་འགར་ཕྱི་དྲོ་ལྷགས་པ་ཅུང་ཆེ་ཙམ་རྒྱག་རྒྱུ་ཡིན་པས། རླུང་འགོག་མེ་ཟོན་གྱི་ལས་དོན་ཡག་པོ་སྒྲུབ་དགོས།