“སྤྱོད་ཚུལ་འཛུགས་སྐྱོང་ལོའི”ལྟ་སྐུལ་ཐེར་འདོན་ཁ་པར་དང་དྲ་རྒྱའི་ལྟ་སྐུལ་ཡིག་སྒམ་སྐོར་གྱི་ལྷ་ས་གྲོང་ཁྱེར་གྱི་སྤྱི་བསྒྲགས།

ཏང་གི་ཚོགས་ཆེན་ཉི་ཤུ་པའི་དགོངས་དོན་ཕྱོགས་ཡོངས་ནས་ལག་བསྟར་དང་། སྤྱོད་ཚུལ་འཛུགས་སྐྱོང་དང་བོད་ཀྱི་ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གལ་ཆེན་དང་དུས་རབས་གསར་པའི་ཏང་གི་བོད་སྐྱོང་མཛད་ཇུས་ལག་བསྟར་དོན་འཁྱོལ། ལྗོངས་ཏང་ཨུད་ཀྱི་སྤྱོད་ཚུལ་སྔར་བས་ལེགས་གཏོང་དང་དོན་འཁྱོལ་ལ་དམ་འཛིན་ནན་པོ་བྱེད་པའི་ལས་དོན་སྐུལ་སྤེལ་ཚོགས་འདུའི་དགོངས་དོན་དང་། ལྷག་པར་དུ་ཧྲུའུ་ཅི་ཝང་ཅུན་ཀྲེང་གི་མཛུབ་སྟོན་བླང་བྱ་དོན་ཐོག་ཏུ་འཁྱོལ་ཐུབ་པ་བཅས་བྱ་ཆེད། གྲོང་ཨུད་ཀྱིས་2023ལོ་གྲོང་ཁྱེར་ཡོངས་ཀྱི“སྤྱོད་ཚུལ་འཛུགས་སྐྱོང་ལོར”བརྩི་རྒྱུའི་གཏན་འབེབས་བྱས་པ་རེད།

ལྟ་སྐུལ་གྱི་ཐབས་ལམ་རྒྱ་ཆེར་གཏོང་ཆེད། བརྒྱུད་རིམ་ཧྲིལ་པོར་མང་ཚོགས་ཞུགས་པ་དང་། མང་ཚོགས་ཀྱིས་ལྟ་སྐུལ་བྱེད་པ། མང་ཚོགས་ཀྱིས་གདེང་འཇོག་བྱེད་པ་བཅས་དང་གྲོང་ཁྱེར་ཡོངས་ཀྱི་རྒྱ་ཆེའི་ལས་བྱེད་མང་ཚོགས་དང་སྤྱི་ཚོགས་ལས་རིགས་ཁག་ལྟ་སྐུལ་བྱེད་པར་གདན་དྲངས་རྒྱུ་ཡིན་པ་རེད། རིམ་པ་ཁག་དང་སྡེ་ཚན་ཁག་དང་ཏང་ཡོན་ལས་བྱེད་པས་སྤྱོད་ཚུལ་ལེགས་གཏོང་དང་དོན་འཁྱོལ་ལ་དམ་འཛིན་ནན་པོ་བྱེད་པའི་ལས་དོན་ཁྲོད་ཀྱི་གནད་དོན་དང་། བསམ་འཆར། གྲོས་འགོ་བཅས་ཇི་མ་ཇི་བཞིན་འདོན་དགོས། ལྷ་ས་གྲོང་ཨུད་སྤྱོད་ཚུལ་འཛུགས་སྐྱོང་གཞུང་དོན་ཁང་གིས་གསང་སྲུང་སྒྲིག་ཁྲིམས་ལ་བརྩི་སྲུང་ནན་པོ་ཞུས་ནས་ཆེད་བསྐོས་མི་སྣ་མངགས་ཏེ་གོང་ཞུའི་གནད་དོན་དང་། བསམ་འཆར། གྲོས་འགོ་བཅས་བསྡུ་ལེན་བྱེད་པར་འགན་འཁུར་དུ་འཇུག་རྒྱུ་དང་། ད་དུང་འབྲེལ་ཡོད་འགན་ནུས་སྡེ་ཚན་གྱིས་དུས་ཐོག་ཏུ་སྒྲུབ་གཉེར་སྤྲོད་རྒྱུ་མ་ཟད། སྒྲུབ་གཉེར་བྱས་པའི་གནས་ཚུལ་སྐུ་ཉིད་ལ་དུས་ཐོག་ཏུ་ལན་སྤྲོད་རྒྱུ་ཡིན།

ད་ལྟ་ལྷ་ས་གྲོང་ཨུད་སྤྱོད་ཚུལ་འཛུགས་སྐྱོང་གཞུང་དོན་ཁང་གི་ལྟ་སྐུལ་ཐེར་འདོན་ཁ་པར་དང་དྲ་རྒྱའི་ལྟ་སྐུལ་ཡིག་སྒམ་སྤྱི་བསྒྲགས་བྱེད་རྒྱུ་གཤམ་གསལ།

ཐེར་འདོན་ཁ་པར་ཨང་གྲངས། 0891-6677011

ཐེར་འདོན་ཡིག་སྒམ། swzfb321@126.com

སྦྲག་སྲིད་ཡིག་སྒམ། ལྷ་ས་གྲོང་ཁྱེར་ཅང་སུའུ་ལམ་སྒོ་རྟགས་27པའི་ལྷ་ས་གྲོང་ཨུད(གྲོང་ཨུད་སྤྱོད་ཚུལ་འཛུགས་སྐྱོང་གཞུང་དོན་ཁང)

ཞར་བྱུང་། ལྷ་ས་གྲོང་ཁྱེར་གྱི་རྫོང(ཆུས)དང་བྱེད་ནུས་ཁུལ་ཁག་གི་ལྟ་སྐུལ་ཐེར་འདོན་ཁ་པར།

ཆེད་དུ་སྤྱི་བསྒྲགས་འདི་སྤེལ།

ལྷ་ས་གྲོང་ཨུད་སྤྱོད་ཚུལ་འཛུགས་སྐྱོང་གཞུང་དོན་ཁང་ནས།

2023ལོའི་ཟླ་2ཚེས་3ཉིན།

ལྷ་ས་གྲོང་ཁྱེར་གྱི་རྫོང(ཆུས)དང་བྱེད་ནུས་ཁུལ་ཁག་གི་ལྟ་སྐུལ་ཐེར་འདོན་ཁ་པར་ཨང་གྲངས།