ཟླ་1ཚེས་3ཉིན་ནས་བཟུང་། བོད་རང་སྐྱོང་ལྗོངས་བུད་མེད་དང་བྱིས་པའི་སྨན་ཁང་ཏོག་གསར་འགོ་ནད་སྐྱོབ་བཅོས་ཀྱི་དམིགས་བཙུགས་སྨན་ཁང་བྱེད་རྒྱུ་མིན་པར། རྒྱུན་གཏན་ལྟར་སྨན་བཅོས་བྱེད་ཀྱི་ཡོད་པ་རེད།
དུས་འགོར། སྨན་ཁང་འདི་དེ་སྔའི་ལྷ་ས་གྲོང་ཁྱེར་མ་བུ་བདེ་སྲུང་སྨན་ཁང་དང་ཟླ་སྒྲིལ་བཏང་བ་མ་ཟད། ཧྭ་ཤིས་སྨན་ཁང་གཉིས་པའི་རིགས་གཅིག་མཁས་ཅན་19རོགས་སྐྱོར་ལ་གདན་དྲངས་ཤིང་། ཁོང་རྣམ་པས་བུད་མེད་བུ་བཙའི་ཚན་ཁག་དང་། བྱིས་པའི་ཚན་ཁག མྱུར་སྐྱོབ་ཚན་ཁག ཕྲུ་གུ་དམར་འབྱར་ཚན་ཁག ནད་ལྕིའི་གསོ་རིག་ཚན་ཁག་སོགས་ཚན་ཁག་འཛུགས་རོགས་བྱས་པས། སྨན་ཁང་ལ་སྨན་པ་མང་དུ་སོང་ཡོད་ལ། ལག་རྩལ་ཡང་དབྱར་མཚོ་རྒྱས་པ་བཞིན་གོང་མཐོར་ཕྱིན་ཡོད།
ཚན་ཁག
བུད་མེད་ཚན་ཁག་དང་། བུ་བཙའ་ཚན་ཁག སྔོན་ཁབ་ཚན་ཁག(ཟླ་1ཚེས་10ཉིན་ནས་བཟུང་བྱིས་པའི་སྔོན་ཁབ་དངོས་སུ་རྒྱག་འགོ་འཛུགས་རྒྱུ་ཡིན་པ)བྱིས་པའི་ཚན་ཁག བྱིས་པའི་བདེ་སྲུང་ཚན་ཁག བྱིས་པའི་བདེ་ཐང་སླར་གསོའི་ཚན་ཁག དེ་བཞིན་ཚ་རྒྱས་སྒོ་བསྟེན་ཚན་ཁག་བཅས་ཡོད།
ནད་ཁང་།
བུད་མེད་བུ་བཙའི་ཚན་ཁག་དང་། བྱིས་པའི་ཚན་ཁག བྱིས་པའི་ནད་ལྕིའི་གསོ་རིག་ཚན་ཁག་བཅས་ཡོད།
སྨན་བཅོས་ཀྱི་དུས་ཚོད།
སྔ་དྲོ། 09:30ནས་13:00བར།
ཕྱི་དྲོ། 15:30ནས་18:00བར།
ཚ་རྒྱས་སྒོ་བསྟེན་ཁང་གིས་ཆུ་ཚོད་24རིང་ན་ཚ་ལྟ་ཡི་ཡོད།
བོད་རང་སྐྱོང་ལྗོངས་བུད་མེད་དང་བྱིས་པའི་སྨན་ཁང(ལྗོངས་མ་བུ་བདེ་སྲུང་ཁང)གི་དྲ་ཐོག་ནས་ཨང་ཀི་བཀག་པ་དང་སྨན་རིན་སྤྲོད་པའི་གོ་རིམ་ནི།
གཅིག ཐོ་འགོད་པ།
སྐད་འཕྲིན་ནས“བོད་རང་སྐྱོང་ལྗོངས་བུད་མེད་དང་བྱིས་པའི་སྨན་ཁང”བཙལ་ནས། ཁ་པར་ཨང་གྲངས་བླུགས་ཏེ་ཐོ་འགོད་དགོས།
གཉིས། ཆ་འཕྲིན་འགོད་པ།
མི་སྒེར་གྱི་ལྟེ་གནས་ཁ་ཕྱེ་སྟེ་ནད་པར་དོ་དམ་ཞེས་པ་མནན་ནས། ནད་པའི་མིང་དང་ཐོབ་ཐང་ལག་ཁྱེར་གྱི་ཨང་གྲངས་སོགས་ཀྱི་ཆ་འཕྲིན་བཀོད་དེ་ཡིག་ཚགས་བཟོ་དགོས། གཱ་གཅིག་གི་འོག་ཏུ་མང་ཤོས་ལ་ནད་པ་5ཡི་མིང་ཐོ་འགོད་ཆོག་གི་ཡོད།
གསུམ། སྔོན་ཚུད་ནས་ཨང་ཀི་བཀག་པ།
(1)སྨན་བཅོས་ཞབས་ཞུར་སྔོན་ཚུད་ནས་ཨང་ཀི་བཀག་པ་དང་ཉིན་དེ་རང་དུ་ཨང་ཀི་བཀག་པ་ཅེས་ཁག་གཉིས་ཡོད་ཅིང་། ཉིན་དེ་རང་དུ་ཨང་ཀི་བཀག་པ་ཉིན་དེའི་ཨང་ཀི་ཡིན་པ་དང་སྔོན་ཚུད་ནས་ཨང་ཀི་བཀག་པ་ཅེས་པ་ནི་སང་ཉིན་ཚུད་པའི་ཉིན་བདུན་ནང་ཚུན་གྱི་ཨང་ཀི་རེད།
(2)སྔོན་ཚུད་ནས་ཨང་ཀི་བཀག་དགོས་ན། དེ་ཡང་དྲ་ཐོག་ནས་དངུལ་སྤྲད་དེ་ཨང་ཀི་བཀག་དགོས་པ་དང་། སྨན་བཅོས་བྱེད་པའི་ཉིན་མོར་གོ་ཆོད་ཐོབ་ཐང་ལག་ཁྱེར་དང་ཨང་ཀི་བཀག་པའི་དངུལ་འཇལ་ཟིན་ཐོ་བསྟན་ན། དེ་མཚུངས་ཀྱི་ཚན་ཁག་ཏུ་སྨན་བཅོས་བྱེད་པར་འགྲོ་ཆོག
བཞི། སྒོ་བསྟེན་སྨན་ཁང་གི་གྲོན་དངུལ་འཇལ་བ།
སྒོ་བསྟེན་སྨན་ཁང་གི་གྲོན་དངུལ་འཇལ་བ་ཞེས་པ་ནི། སྨན་བཅོས་བྱེད་རིང་སྨན་པས་བྲིས་པའི་སྨན་ཐོ་དང་། ཞིབ་བཤེར། ཞིབ་དཔྱད་སོགས་ཀྱི་གྲོལ་དངུལ་འཇལ་བར་ཟེར་ཞིང་། དྲ་ཐོག་ནས་དངུལ་སྤྲད་རྗེས། གོ་ཆོད་པའི་ཐོབ་ཐང་ལག་ཁྱེར་དང་དངུལ་སྤྲོད་ཆ་འཕྲིན་ཁྱེར་ནས་སྨན་ལེན་པར་འགྲོ་དགོས།
ལྔ། གློག་རྡུལ་སྤ་སེ།
གལ་ཏེ་སྤ་སེ་དགོས་ཚེ་གློག་རྡུལ་སྤ་སེ་ཞེས་པར་མནོན་དང་། དེ་ནས་གློག་རྡུལ་སྤ་སེར་ལྟ་ཆོག་ལ་དཔར་སློག་ཀྱང་རྒྱག་ཆོག