ཐེམ་ཁུངས་བོད་ནས་ཡིན་པའི་རྒྱ་ཆེའི་སློབ་ཐོན་སློབ་མ་རྣམས་ལ་ཞུ་རྒྱུར།

《མཐོ་སློབ་སློབ་ཐོན་སློབ་མ་སོགས་གཞོན་ནུའི་ལས་ཞུགས་ལས་གཏོད་ལས་དོན་སྔར་བས་ཡག་པོ་སྒྲུབ་དགོས་པའི་སྐོར་གྱི་རྒྱལ་སྲིད་སྤྱི་ཁྱབ་ཁང་གཞུང་དོན་ཐིང་གི་བརྡ་ཐོ》(རྒྱལ་གཞུང་སྤེལ〔2022〕ཡིག་ཨང་13པ)དང《2023ལོའི་རྒྱལ་ཡོངས་མཐོ་སློབ་དཀྱུས་མའི་སློབ་ཐོན་སློབ་མའི་ལས་ཞུགས་ལས་གཏོད་ལས་དོན་ཡག་པོ་སྒྲུབ་དགོས་པའི་སྐོར་གྱི་སློབ་གསོ་པུའུ་ཡི་བརྡ་ཐོ》(སློབ་ཁྲིད〔2022〕ཡིག་ཨང་5པ)ཡི་བརྡ་ཐོའི་དགོངས་དོན་གཞིར་བཟུང་། 2023ལོ་ནས་བཟུང《རྒྱལ་ཡོངས་ཀྱི་མཐོ་རིམ་སློབ་གྲྭ་དཀྱུས་མའི་དངོས་གཞི་དང་ཆེད་ཚན་གྱི་སློབ་ཐོན་སློབ་མའི་ལས་ཞུགས་ཐོ་འགོད་ལག་ཁྱེར》དང《རྒྱལ་ཡོངས་ཀྱི་སློབ་ཐོན་ཞིབ་འཇུག་སློབ་མའི་ལས་ཞུགས་ཐོ་འགོད་ལག་ཁྱེར》སྤྲོད་རྒྱུ་མིན་པ་དང་། ལས་ཞུགས་ཐོ་འགོད་ལག་ཁྱེར་གསབ་གཉེར་དང་སྐྱེལ་སྤྲོད་སྒྱུར་བའི་འགྲོ་ལུགས་གཉེར་དགོས་མེད་པ་བཟོ་རྒྱུ། ལས་ཞུགས་ཐོ་འགོད་ལག་ཁྱེར་མཐོ་སློབ་སློབ་ཐོན་སློབ་མ་ལས་ཀར་བསྡུ་བ་དང་། དེའི་ཐེམ་ཐོ་བཟོ་བ། ཡིག་ཚགས་ལེན་པ་དང་སྐུར་བ་སོགས་ཀྱི་འགྲོ་ལུགས་གཉེར་སྐབས་ཀྱི་དགོས་ངེས་ཀྱི་དཔྱད་གཞིར་བརྩི་རྒྱུ་མིན། 

2023ལོའི་ཟླ་1ཚེས་1ཉིན་ནས་བཟུང་། རང་ལྗོངས་ཀྱིས《རྒྱལ་ཡོངས་ཀྱི་མཐོ་རིམ་སློབ་གྲྭ་དཀྱུས་མའི་དངོས་གཞི་དང་ཆེད་ཚན་གྱི་སློབ་ཐོན་སློབ་མའི་ལས་ཞུགས་ཐོ་འགོད་ལག་ཁྱེར》དང《རྒྱལ་ཡོངས་ཀྱི་སློབ་ཐོན་ཞིབ་འཇུག་སློབ་མའི་ལས་ཞུགས་ཐོ་འགོད་ལག་ཁྱེར》《བོད་རང་སྐྱོང་ལྗོངས་ཀྱི་མཐོ་སློབ་དཀྱུས་མའི་སློབ་ཐོན་སློབ་མའི་ལས་ཞུགས་འོས་སྦྱོར་ཡི་གེ》བཅས་གཉེར་མཚམས་འཇོག་རྒྱུ་དང་། གོམ་སྟབས་རྗེས་མར་སློབ་གསོའི་ཁོངས་གཏོགས་ཀྱིས་རྩ་འཛུགས་དང་། མི་སྤྱི། སྤྱི་བདེ་སོགས་སྡེ་ཚན་ལ་གཞོགས་འདེགས་ཧུར་ཐག་བྱས་ནས་འབྲེལ་མཐུད་ལས་དོན་ཡག་པོ་བསྒྲུབས་ཏེ། ཐེམ་ཁུངས་བོད་ནས་ཡིན་པའི་རྒྱ་ཆེའི་མཐོ་སློབ་སློབ་ཐོན་སློབ་མའི་ལས་ཞུགས་ཐོ་འགོད་དང་། ཐེམ་ཐོ་བཟོ་བ། ཡིག་ཚགས་བསྐུར་སྐྱེལ་སོགས་ཀྱི་ལས་དོན་བདེ་བླག་ངང་སྤེལ་ཐུབ་པའི་འགན་ལེན་བྱེད་རྒྱུ་ཡིན། ཐེམ་ཁུངས་བོད་ནས་ཡིན་པའི་རྒྱ་ཆེའི་མཐོ་སློབ་སློབ་ཐོན་སློབ་མས་ཤེས་པར་བྱེད་དགོས། 

ཆེད་དུ་སྤྱི་བསྒྲགས་འདི་སྤེལ།

བོད་རང་སྐྱོང་ལྗོངས་མཐོ་སློབ་སློབ་ཐོན་སློབ་མའི་ལས་ཞུགས་མཛུབ་ཁྲིད་ཞབས་ཞུ་ལྟེ་གནས་ནས།

2022ལོའི་ཟླ་12ཚེས་16ཉིན།