ཟླ་12ཚེས་12ཉིན་གྱི་སྔ་དྲོར། ལྷ་ས་གྲོང་ཁྱེར་གྱི་མི་དམངས་འཐུས་མི་ཚོགས་ཆེན་སྐབས་བཅུ་གཉིས་པའི་ཚོགས་འདུ་ཐེངས་གསུམ་པ་འགོ་ཚུགས་པ་རེད།
ལྷ་ས་གྲོང་ཁྱེར་སྲིད་གཞུང་གི་ལས་དོན་སྙན་སྒྲོན་ལྟར་ན། དམངས་ཀྱི་འཚོ་བ་དེ་བས་བདེ་སྐྱིད་ལྡན་པ་ཡོང་ཆེད། 2023ལོར་ལྷ་ས་གྲོང་ཁྱེར་མི་དམངས་སྲིད་གཞུང་གིས་མང་ཚོགས་ཀྱིས་དོ་ཁུར་ཆེ་ཤོས་བྱེད་པ་དང་། མང་ཚོགས་དང་ཐད་ཀར་འབྲེལ་བ་ཆེ་ཤོས་ཡོད་པ། མང་ཚོགས་དང་འཕྲལ་མཁོ་ཆེ་ཤོས་ཡིན་པ་བཅས་ཀྱི་ཁེ་ཕན་གྱི་གནད་དོན་ལ་དམ་པོར་དམིགས་ཏེ། མང་ཚོགས་ཀྱི་རེ་སྒུག་བྱེད་པའི་དོན་ཆེན་དང་ཉེ་འགྲམ་གྱི་དོན་ཆུང་ལ་སྤྱི་འདོམས་བྱས་ནས་ཡག་པོ་བསྒྲུབ་རྒྱུ་ཡིན་པ་རེད།
འཛུགས་སྐྲུན།
ཞོལ་སྡེ་ཁུལ་དང་། ཞོལ་གྲོང་ཚོ་གཉིས་པ། ལྷོ་ངོས་གྲོང་ཚོ་སོགས་ཁུལ་ཆུང་རྙིང་པ་དང་སྡོད་ཁང་སྐྱོ་ཁུལ་གྱི་སྒྱུར་བཀོད་རྣམ་གྲངས་17ལ་མགྱོགས་མྱུར་སྐུལ་འདེད་གཏོང་རྒྱུ།
ཉང་བྲན་ཁྲོམ་གཞུང་སྤྱི་སོ་ཁུལ་ཆུང་སོགས་སྡོད་ཁང་སྐྱོ་ཁུལ་སྒྱུར་བཀོད་ཀྱི་རྣམ་གྲངས་7སྐྲུན་འགོ་འཛུགས་རྒྱུ།
ལས་ཞུགས།
མཐོ་སློབ་སློབ་ཐོན་སློབ་མ་ལས་ཞུགས་ཐུབ་ཚད་95%ཡན་རྒྱུན་འཁྱོངས་ཐུབ་པར་བྱེད་རྒྱུ།
ལམ་ལུགས་ཅན་གྱི་འགན་ལེན་མ་འཇོག་རྣམ་གྲངས་ཀྱི་ལས་མིའི་གླ་ཆ་དུས་ཐོག་དང་གྲངས་ཚང་ངང་སྤྲོད་ཐུབ་པར་བྱེད་རྒྱུ།
རྒྱུན་རྣམ་ཅན་གྱི་སྒོ་ནས་གྲོང་ཁྱེར་དང་གྲོང་རྡལ་གྱི་ལས་ཞུགས་ཐུབ་མེད་པའི་ཁྱིམ་ཚང་ལ་སྟབས་བསྟུན་གྱི་སྒོ་ནས་ལས་ཞུགས་ཀྱི་གནད་དོན་ཐག་གཅོད་བྱེད་རྒྱུ།
སློབ་གསོ།
ཀྲུང་གོ་མི་དམངས་སློབ་ཆེན་གྱི་ཞོར་གཏོགས་སློབ་འབྲིང་ལྷ་ས་སློབ་གྲྭ་སོགས་སློབ་གྲྭ་11འཛུགས་སྐྲུན་ལ་མགྱོགས་མྱུར་སྐུལ་འདེད་གཏོང་རྒྱུ།
པེ་ཅིང་དང་ཅང་སུའུ་རུ“ལྷ་སའི་འཛིན་གྲྭ”གསར་པ་2འཛུགས་ཐུབ་པའི་བརྩོན་ལེན་བྱེད་རྒྱུ།
ལྷ་ས་དགེ་འོས་ཆེད་ཚན་སློབ་གྲྭའི“ཆེད་སྦྱོང་ཚན་ཁག་ནས་དངོས་གཞིའི་ཚན་ཁག”ལ་རིམ་པ་སྤོར་བའི་ལས་དོན་ལེགས་སྒྲུབ་བྱེད་རྒྱུ།
སློབ་གསོའི་དོ་དམ་སྒྲིག་སྲོལ་དང་དགེ་རྒན་གྱི་གླ་ཕོགས་སྒྱུར་བཅོས་ལ་སྐུལ་འདེད་བཏང་ནས་དགེ་རྒན་གྱི་དཔུང་ཁག་ལེགས་སུ་གཏོང་རྒྱུ།
སྨན་བཅོས།
ནད་ཡམས་སྔོན་འགོག་ཚོད་འཛིན་ལྟེ་གནས་མགྱོགས་པོ་བསྐྲུན་ནས་རྒྱུན་རྣམ་ཅན་གྱི་རིམས་ནད་སྔོན་འགོག་དང་ཚོད་འཛིན་གྱི་ལས་དོན་ཡག་པོ་བསྒྲུབ་རྒྱུ།
“རིག་ལྡན་སྨན་བཅོས”ལག་ལེན་བསྟར་རྒྱུ།
ཕྲུ་གུ་གསུམ་པ་སྐྱེ་བའི་ལེ་ལག་ཚང་བའི་སྲིད་ཇུས་འདོན་རྒྱུ།
སྤྱི་ཚོགས་འགན་སྲུང་།
སྤྱི་ཚོགས་འགན་བཅོལ་ཚད་ལྡན་ཅན་གྱི་སྔོན་གཏོད་གྲོང་ཁྱེར་མགྱོགས་པོ་བསྐྲུན་རྒྱུ།
ལོ་3མན་གྱི་ཕྲུ་གུ་དམར་འབྱར་ལ་ལྟ་སྐྱོང་བྱེད་པའི་ཞབས་ཞུ་ཁྱབ་གདལ་གཏོང་རྒྱུ།
དབང་པོ་སྐྱོན་ཅན་གྱི་ལས་ཞུགས་སྐྱོང་གསོ་རྟེན་གཞི་མགྱོགས་པོ་བསྐྲུན་རྒྱུ།
སྤྱི་པའི་བོགས་གཏོང་ཁང་པར་དོ་དམ་བྱེད་སྟངས་འཚོལ་ཞིབ་བྱེད་རྒྱུ།
རིག་གནས།
ལྗོངས་ཡོངས་ཀྱི་མངོན་མིན་རིག་གནས་ཤུལ་བཞག་ཐོན་ཁུངས་ཡོངས་བཤེར(ལྷ་སའི་ཁུལ)ཐེངས་གཉིས་པ་བྱེད་འགོ་འཛུགས་རྒྱུ།
འབྲི་ཆུའི་རྒྱལ་ཁབ་རིག་གནས་སྤྱི་གླིང་འཛུགས་སྐྲུན་རྣམ་གྲངས་རེ་འདུན་ཞུ་རྒྱུ།
གྲོང་ཁྱེར་རིམ་པའི་རྟེན་རྫས་བཤམས་མཛོད་ཁང་འཛུགས་སྐྲུན་ལ་སྐུལ་འདེད་གཏོང་རྒྱུ།
ཞོ་སྟོན་གྱི་རྣམ་པ་དང་ནང་དོན་ཕུན་སུམ་ཚོགས་སུ་གཏོང་བ་དང“བོད་ཀྱི་ཐང་གའི་སྒྱུ་རྩལ་དུས་ཆེན”ལ་དུས་བསྟུན་འཆར་འགོད་དང་སྐུལ་སྤེལ་གཏོང་རྒྱུ།