2023ལོའི་དུས་ཆེན་དང་ངལ་གསོའི་ཉིན་མོ་ཁག་གཅིག་བཀོད་སྒྲིག་བྱེད་རྒྱུའི་སྐོར་གྱི་རྒྱལ་སྲིད་སྤྱི་ཁྱབ་ཁང་གཞུང་དོན་ཐིང་གི་བརྡ་ཐོ།
ཞིང་ཆེན་དང་། རང་སྐྱོང་ལྗོངས། ཐད་སྐྱོང་གྲོང་ཁྱེར་བཅས་ཁག་གི་མི་དམངས་སྲིད་གཞུང་དང་། རྒྱལ་སྲིད་སྤྱི་ཁྱབ་ཁང་གི་པུའུ་ཨུད་ཁག ཐད་གཏོགས་ལས་ཁུངས་ཁག་བཅས་ལ།
རྒྱལ་སྲིད་སྤྱི་ཁྱབ་ཁང་གི་ཆོག་མཆན་ཐོབ་པ་བརྒྱུད། ད་ལྟ་2023ལོའི་གནམ་ལོ་གསར་ཚེས་དང་། དཔྱིད་གསར་དུས་ཆེན། དྭངས་གསལ་དུས་ཚིགས། ངལ་རྩོལ་དུས་ཆེན། ལྔ་པའི་ཚེས་ལྔའི་དུས་ཆེན། ཟླ་མཆོད་དུས་ཆེན། རྒྱལ་སྟོན་བཅས་ཀྱི་ངལ་གསོའི་དུས་ཚོད་ལེགས་སྒྲིག་བྱེད་རྒྱུའི་བཀོད་སྒྲིག་ཞིབ་ཕྲ་བརྡ་ཐོ་གཏོང་རྒྱུ་གཤམ་གསལ།
གཅིག གནམ་ལོ་གསར་ཚེས་ལ། 2022ལོའི་ཟླ་12ཚེས་31ཉིན་ནས་2023ལོའི་ཟླ་1ཚེས་2ཉིན་བར་ཁྱོན་ངལ་གསོ་ཉིན་3འཇོག་རྒྱུ།
གཉིས། དཔྱིད་གསར་དུས་ཆེན་ལ། ཟླ་1ཚེས་21ཉིན་ནས་ཚེས་27ཉིན་བར་ཁྱོན་ངལ་གསོ་ཉིན་7འཇོག་རྒྱུ་དང་། ཟླ་1ཚེས་28ཉིན(རེས་གཟའ་སྤེན་པ)དང་ཟླ་1ཚེས་29ཉིན(རེས་གཟའ་ཉི་མ)ལས་ཀར་འགྲོ་དགོས་པ།
གསུམ། དྭངས་གསལ་དུས་ཚིགས་ལ། ཟླ་4ཚེས་5ཉིན་ངལ་གསོ་ཉིན་1འཇོག་རྒྱུ།
བཞི། ངལ་རྩོལ་དུས་ཆེན་ལ། ཟླ་4ཚེས་29ཉིན་ནས་ཟླ་5ཚེས་3ཉིན་བར་ཁྱོན་ངལ་གསོ་ཉིན་5འཇོག་རྒྱུ་དང་། ཟླ་4ཚེས་23ཉིན(རེས་གཟའ་ཉི་མ)དང་ཟླ་5ཚེས་6ཉིན(རེས་གཟའ་སྤེན་པ)ལས་ཀར་འགྲོ་དགོས་པ།
ལྔ། ལྔ་པའི་ཚེས་ལྔའི་དུས་ཆེན་ལ། ཟླ་6ཚེས་22ཉིན་ནས་ཚེས་24ཉིན་བར་ཁྱོན་ངལ་གསོ་ཉིན་3འཇོག་རྒྱུ་དང་། ཟླ་6ཚེས་25ཉིན(རེས་གཟའ་ཉི་མ)ལས་ཀར་འགྲོ་དགོས་པ།
དྲུག ཟླ་མཆོད་དུས་ཆེན་དང་རྒྱལ་སྟོན་ལ། ཟླ་9ཚེས་29ཉིན་ནས་ཟླ་10ཚེས་6ཉིན་བར་ཁྱོན་ངལ་གསོ་ཉིན་8འཇོག་རྒྱུ་དང་། ཟླ་10ཚེས་7(རེས་གཟའ་སྤེན་པ)དང་ཟླ་10ཚེས་8ཉིན(རེས་གཟའ་ཉི་མ)ལས་ཀར་འགྲོ་དགོས་པ།
དུས་ཆེན་དང་ངལ་གསོའི་རིང་། ས་ཆ་ཁག་དང་སྡེ་ཚན་ཁག་གིས་ལས་རེས་དང་། བདེ་འཇགས། བདེ་སྲུང་། རིམས་ནད་སྔོན་འགོག་དང་ཚོད་འཛིན་སོགས་ཀྱི་ལས་དོན་བཀོད་སྒྲིག་ཡག་པོ་བྱེད་དགོས་པ་དང་། ཐོལ་བྱུང་དོན་རྐྱེན་ཚབས་ཆེན་ཐོན་སྐབས། གཏན་འབེབས་གཞིར་བཟུང་འཕྲལ་དུ་སྙན་སེང་ཞུ་བ་དང་འབྲེལ། ཐག་གཅོད་འོས་འཚམ་བྱས་ཏེ་མི་དམངས་མང་ཚོགས་བཀྲ་ཤིས་འཆམ་མཐུན་དང་དུས་བདེའི་སྒོ་ནས་དུས་ཆེན་གཏོང་ཐུབ་པའི་འགན་ལེན་བྱེད་དགོས།
རྒྱལ་སྲིད་སྤྱི་ཁྱབ་ཁང་གཞུང་དོན་ཐིང་ནས།
2022ལོའི་ཟླ་12ཚེས་8ཉིན།