ཟླ་12ཚེས་9ཉིན་ཡོན་ཧྲི་ཀྲུང་ནན་ཧྲན་གྱིས་ཀོང་ཀྲོའུ་ཡི་མིག་སྔའི་རིམས་ནད་སྔོན་འགོག་དང་ཚོད་འཛིན་སྐོར་ལ་རང་ཉིད་ཀྱི་ལྟ་ཚུལ་གླེང་བཞིན་པ།
ཉེ་ཆར། རྒྱལ་ཡོངས་ཀྱི་གྲོང་ཁྱེར་ཁ་ཤས་ཀྱི་སྨན་ཁང་གི་ཚ་རྒྱས་སྒོ་བསྟེན་སྨན་ཁང་དུ་ནད་པ་མངོན་གསལ་དོད་པོས་མང་དུ་ཕྱིན་པའི་གནད་དོན་འདིའི་སྐོར་ལ་ཀྲུང་གོ་བཟོ་སྐྲུན་ཁང་གི་ཡོན་ཧྲེ་ཀྲུང་ནན་ཧྲན་གྱིས་གསར་འགོད་པའི་བཅར་འདྲི་དང་ལེན་བྱེད་སྐབས། ཚ་བ་རྒྱས་པའི་ནད་པས་རང་ཉིད་ཀྱི་གནས་ཚུལ་ལ་གཞིགས་ནས་ཁྱིམ་དུ་ལོགས་དགར་སྡོད་པའམ་ཡང་ན་སྨན་ཁང་དུ་བརྟག་དཔྱད་བྱེད་པར་འགྲོ་དགོས་ཞེས་བརྗོད།
ཉེ་ཆར། གསར་འགོད་པས་ཀོང་ཀྲོའུ་གསོ་རིག་སློབ་ཆེན་ཞོར་གཏོགས་སྨན་ཁང་དང་པོ་དང་།ཀྲུང་ཧྲན་སློབ་ཆེན་གྱི་སུན་དབྱི་ཤན་དྲན་གསོའི་སྨན་ཁང་། ཀོང་ཏུང་ཞིང་ཆེན་ཀྲུང་ལུགས་སྨན་ཁང་། ཀོང་ཀྲོའུ་གྲོང་ཁྱེར་བུད་མེད་དང་བྱིས་པའི་སྨན་བཅོས་ལྟེ་གནས(བྱིས་པའི་སྨན་ཁང)བཅས་སུ་བསྐྱོད་ནས་བཅར་འདྲི་བྱེད་སྐབས། ཚ་རྒྱས་སྒོ་བསྟེན་སྨན་ཁང་ཚང་མ་ཕྱི་ཕྱོགས་སུ་སྒོ་ཕྱེ་ཡོད་པ་དང་སྒྲིག་ལམ་སྤྱིར་ན་རྒྱུན་གཏན་ལྟར་ཡིན་པ་མཐོང་། ཀོང་ཀྲོའུ་གྲོང་ཁྱེར་བུད་མེད་དང་བྱིས་པའི་སྨན་བཅོས་ལྟེ་གནས(བྱིས་པའི་སྨན་ཁང)ཀྱི་ཚ་རྒྱས་སྒོ་བསྟེན་སྨན་ཁང་གི་སྨན་ཞབས་པས། མིག་སྔར་ཁྱིམ་བདག་གིས་ཕྲུ་གུ་ཁྲིད་དེ་ཚ་རྒྱས་སྒོ་བསྟེན་སྨན་ཁང་དུ་ནད་ལྟ་བར་ཡོང་ཚེ། ཚང་མས་ས་ཡུལ་དངོས་སུ་ཉིང་སྐྱུར་བརྟག་དཔྱད་བྱེད་དགོས་པ་དང་། ཚ་རྒྱས་སྒོ་བསྟེན་སྨན་ཁང་དུ་ཆུ་ཚོད་2ནས་4བར་བསྒུགས་ན་བརྟག་དཔྱད་བྱས་འབྲས་དོན་གྱི་ཡོད་ཅེས་བཤད།
ཀྲུང་ནན་ཧྲན་གྱིས། ཉེ་དུས་ཚ་བ་རྒྱས་པ་ཡིན་ན་ཏོག་གསར་གློ་ཚད་ཁོ་ན་འགོས་པ་མིན་པར། མི་མི་ཉུང་བ་ཞིག་ལ་ཆམ་རིམས་ཕོག་པ་དང་མི་ཉུང་ཤས་ལ་ཏོག་གསར་དང་ཆམ་རིམས་གཉིས་ཀ་ཕོག་པའི་རྐྱེན་གྱིས་ཡིན། ད་ལྟ་ནི་དགུན་ཁ་ཡིན་སྟབས་ཆམ་རིམས་མང་པོ་ཕོག་པའི་དུས་ཚིགས་རེད་ཅེས་ལན་བཏབ།
གསར་འགོད་པས་ཀྲུང་ནན་ཧྲན་ལ་བཅར་འདྲི་བྱེད་བཞིན་པ།
ཀྲུང་ནན་ཧྲན་གྱིས། ཚ་བ་རྒྱས་པའི་ནད་པས་སྤྱིར་ན་ཉིན་དང་པོ་དང་གཉིས་པར་དོ་སྣང་ཆེན་པོ་བྱེད་དགོས། གལ་ཏེ་ཉིན་གཅིག་གཉིས་ནང་དུ་ཚ་བ་མ་འཇགས་ན། ཁྱིམ་དུ་ནད་འགོག་གཞི་རྐྱེན་གྱི་བརྟག་དཔྱད་བྱ་ཆོག གལ་སྲིད་སྲིབས་གཤིས་ཡིན་ཚེ། ད་དུང་ཅུང་ཟད་སྒུག་ནའང་འགྲིག གལ་ཏེ་བརྟག་དཔྱད་བྱས་འབྲས་གདགས་གཤིས་ཡིན་རུང་ཚོར་སྣང་གཞན་དག་མེད་ན། སྔོན་ལ་སྨན་ཁང་དུ་འགྲོ་དགོས་མེད་ཅིང་། ཁྱིམ་དུ་བསྡད་ན་འགྲིག་གི་ཡོད། ནད་རྟགས་གཞན་ཐོན་མིན་དང་རང་ཉིད་ཀྱི་ཚོར་སྣང་ལ་ལྟ་དགོས། ཨའོ་སྨི་ཁེ་རུང་གི་ནད་དུག་འགོས་ན་སྤྱིར་ན་ཚ་བ་དུས་ཡུན་ཉིན་2ནས་3བར་རྒྱག་གི་ཡོད། ཆམ་རིམས་ཕོག་ནའང་ནད་རྟགས་འདི་འདྲ་རེད། གལ་སྲིད་དུས་ཡུན་རིང་པོ་ནད་རྟགས་འདི་འདྲ་ཐོན་ཚེ་སྨན་ཁང་དུ་བརྟག་དཔྱད་བྱེད་པར་འགྲོ་དགོས་ཀྱི་ཡོད་ཅེས་བརྗོད།