ཟླ་12ཚེས་2ཉིན། ཀྲུང་གོ་དང་ལོ་སིའི་དབར་གྱི་ལྕགས་ལམ་ཤར་གཏོང་ཐུབ་ནས་ལོ་གཅིག་འཁོར་ཞིང་། འགྲུལ་ཟོག་གཉིས་ཀ་སྐྱེལ་འདྲེན་ཡག་པོ་བྱུང་བའི་གྲུབ་འབྲས་མངོན་པར་བྱས་ཡོད་དེ། རིམ་རྩིས་བྱས་ན་འགྲུལ་པ་མི་ཐེངས་ཁྲི་850སྐྱེལ་འདྲེན་བྱས་པའི་ནང་ཀྲུང་གོའི་དུམ་བུར་མི་ཐེངས་ཁྲི་720དང་ལོ་སིའི་དུམ་བུར་མི་ཐེངས་ཁྲི་130ཟིན་པ་དང་། དངོས་ཟོག་ཏུན་ཁྲི་1120སྐྱེལ་འདྲེན་བྱས་པའི་ནང་རྒྱལ་མཚམས་སྒྲོལ་བའི་དངོས་ཟོག་ཏུན་ཁྲི་190ལས་བརྒལ་ཡོད།

འདི་ནི་2022ལོའི་ཟླ་12ཚེས་2ཉིན་མེ་འཁོར་ཞིག་ཁུན་མིང་གྲོང་ཁྱེར་ཅིན་ཉིང་ཆུས་ཐེང་ཅུན་རྒྱལ་སྤྱིའི་སྐམ་སའི་གྲུ་ཁའི་སྤྱི་པའི་ལྕགས་ལམ་མཉམ་འདྲེན་ལྟེ་གནས་སུ་འཛུལ་བཞིན་པ།