རྒྱ་ཆེའི་གྲོང་མི་རྣམས་ལ།

མིག་སྔར། བོད་ཀྱི་རིམས་ནད་སྔོན་འགོག་དང་ཚོད་འཛིན་གྱི་དུས་བབ་རིམ་བཞིན་ཡག་ཏུ་འགྲོ་བཞིན་ཡོད། དེར་བརྟེན།  ལྗོངས་ཡོངས་ཀྱི་རིམས་ནད་སྔོན་འགོག་དང་ཚོད་འཛིན་དང་དཔལ་འབྱོར་དང་སྤྱི་ཚོགས་འཕེལ་རྒྱས་ཀྱི་བླང་བྱར་གཞིགས་ཏེ། ལས་ཐོན་བསྐྱར་ཚུགས་ལ་འགན་ལེན་ཏན་ཏིག་བྱས་ནས་རྒྱ་ཆེའི་གྲོང་མི་མང་ཚོགས་ཚོའི་མཐའ་མཚམས་ལམ་ཡིག་གི་འགྲོ་ལུགས་གཉེར་བའི་དགོས་མཁོ་སྐོང་ཆེད། བོད་ལྗོངས་གནས་སྤོས་ཡུལ་མི་དོ་དམ་སྒྲིག་གཞིའི་ལྗོངས་ཡོངས་ཀྱི་ལག་ཁྱེར་འགྲོ་ལུགས་གཉེར་ཡུལ(ས་ཚིགས)ཚང་མས་ལག་ཁྱེར་འགྲོ་ལུགས་གཉེར་བའི་ལས་སྒོ་སླར་གསོ་བྱས་ཡོད་པས། མཐའ་མཚམས་ལམ་ཡིག་གི་འགྲོ་ལུགས་གཉེར་བའི་འབྲེལ་ཡོད་དོན་ཚན་སྤྱི་བསྒྲགས་བྱེད་རྒྱུ་གཤམ་གསལ།

ལས་ཀའི་དུས་ཚོད།

སྔ་དྲོའི་ཆུ་ཚོད་9:30ནས་12:30(ལྷ་ས་དང་། གཞིས་རྩེ། ཉིང་ཁྲི། ལྷོ་ཁ)

ཕྱི་དྲོའི་ཆུ་ཚོད་15:30ནས་18:00བར།(ལྷ་ས་དང་། གཞིས་རྩེ། ཉིང་ཁྲི། ལྷོ་ཁ)

སྔ་དྲོའི་ཆུ་ཚོད་10:30ནས་13:30བར།(མངའ་རིས་ས་ཁུལ)

ཕྱི་དྲོའི་ཆུ་ཚོད་16:00ནས18:30(མངའ་རིས་ས་ཁུལ)

འབྲེལ་ཡོད་བླང་བྱ།

གཅིག རྒྱ་ཆེའི་གྲོང་མི་མང་ཚོགས་ཀྱིས་གྲོང་ཁྱེར་དང་། ས་ཁུལ། རྫོང་བཅས་ཁག་གི་རིམས་ནད་སྔོན་འགོག་དང་ཚོད་འཛིན་གྱི་བླང་བྱ་དོན་འཁྱོལ་ནན་པོ་བྱེད་པའི་རྨང་གཞིའི་ཐོག་ལག་ཁྱེར་གཉེར་ཡུལ(ས་ཚིགས)ཁག་ཏུ་འབྲེལ་ཡོད་ཀྱི་ལས་སྒོའི་འགྲོ་ལུགས་གཉེར་བར་སྐྱོད་ཆོག

གཉིས། རྒྱ་ཆེའི་གྲོང་མི་མང་ཚོགས་ཚོས་ལས་སྒོའི་འགྲོ་ལུགས་གཉེར་སྐབས་རང་ངོས་ཀྱི་འགོག་སྲུང་ཡག་པོ་བྱས་ཏེ། ཚན་རིག་དང་མཐུན་ཞིང་ཚད་དང་ལྡན་པའི་སྒོ་ནས་ཁ་རས་རྒྱག་དགོས་པ་དང་། བདེ་འཇགས་ཀྱི་བར་ཐག་འཇོག་པ། ལས་སྒོ་གཉེར་ཚར་རྗེས་འཕྲལ་དུ་ལོག་འགྲོ་དགོས།

གསུམ། རིམས་ནད་སྔོན་འགོག་དང་ཚོད་འཛིན་ནི་ང་ཚོ་ཚང་མའི་འགན་འཁྲི་རེད། ལྗོངས་ཡོངས་ཀྱི་གྲོང་ཁྱེར་དང་ས་གནས་ཁག་གི་རིམས་འགོག་སྲིད་ཇུས་གཏོགས་ཁོངས་ཀྱི་རིམས་ནད་གནས་ཚུལ་ལ་གཞིགས་ནས་སྐབས་བསྟུན་ལེགས་སྒྲིག་བྱེད་ཀྱི་ཡོད་པས། གལ་སྲིད་གཏོགས་ཁོངས་ཀྱི་རིམས་ནད་སྔོན་འགོག་དང་ཚོད་འཛིན་གྱི་བླང་བྱའི་རྐྱེན་གྱིས་ལག་ཁྱེར་གྱི་འགྲོ་ལུགས་གཉེར་རྒྱུ་གནས་སྐབས་མཚམས་བཞག་ནས་ཁྱེད་ལ་སྟབས་མི་བདེ་བ་བྱུང་ཚེ། དགོངས་བཞེས་གནང་རོགས་ཞུ་རྒྱུ་ཡིན། ཁྱེད་ཀྱིས་ང་ཚོའི་ལས་ཀར་བསམ་ཤེས་དང་། རྒྱབ་སྐྱོར། གཞོགས་འདེགས་བཅས་གནང་བར་ཐུགས་རྗེ་ཆེ་ཞུ།

ཤ་ཚའི་དྲན་སྐུལ།

རྒྱ་ཆེའི་གྲོང་མི་མང་ཚོགས་ཀྱིས་གྲོང་ཁྱེར(ས་ཁུལ)ཁག་གིས་ཡོངས་བསྒྲགས་བྱས་པའི་བློ་འདྲིའི་ཐད་སྦྲེལ་ཁ་པར་བརྒྱུད་ནས་ལག་ཁྱེར་གྱི་འགྲོ་ལུགས་གཉེར་བའི་བརྒྱུད་རིམ་དང་དཔྱད་ཡིག་གང་ཞིག་དགོས་པ་སྔོན་ནས་བློ་འདྲི་བྱེད་དགོས་པ་དང་། འགྲོ་ལུགས་གཉེར་བའི་དགོས་ངེས་ཀྱི་དཔྱད་གཞིའི་ཡིག་རིགས་ཆ་ཚང་གྲ་སྒྲིག་བྱས་རྗེས།ལག་ཁྱེར་གཉེར་ཡུལ(ས་ཚིགས)ཁག་གི་མཛུབ་ཁྲིད་ལ་གཞིགས་ནས་གོ་རིམ་ལྡན་པའི་སྒོ་ནས་འགྲོ་ལུགས་གཉེར་དགོས་ཤིང་། དགོས་མེད་ཀྱི་འབྲེལ་གཏུག་ཉུང་དུ་བཏང་ནས་རིམས་ནད་མི་འགོ་བ་གང་ཐུབ་བྱེད་དགོས།

བློ་འདྲིའི་ཁ་པར་ཨང་གྲངས།

རྒྱལ་ཡོངས་ཀྱི་བློ་འདྲིའི་ཐད་སྦྲེལ་ཁ་པར། 12367

ལྷ་སའི་མཐའ་མཚམས་ལམ་ཡིག་གཉེར་ཡུལ། 0891-6405628

གཞིས་རྩེ་གྲོང་ཁྱེར་སྲིད་འཛིན་ཞིབ་མཆན་ཅུས་ཀྱི་ལག་ཁྱེར་གཉེར་ཡུལ། 0892-8831200

ཉིང་ཁྲི་གྲོང་ཁྱེར་སྲིད་དོན་ཞབས་ཞུ་ལྟེ་གནས་ཀྱི་ལག་ཁྱེར་གཉེར་ཡུལ། 0894-5905228

མངའ་རིས་ས་ཁུལ་གྱི་ལག་ཁྱེར་གཉེར་བའི་བློ་འདྲིའི་ཐད་སྦྲེལ་ཁ་པར། 0897-12367

ཆེད་དུ་སྤྱི་བསྒྲགས་འདི་སྤེལ།

བོད་ཀྱི་མཐའ་མཚམས་ནས་འགྲོ་འོང་བྱེད་པའི་མཐའ་སྲུང་ཞིབ་བཤེར་སྤྱི་ཁྱབ་ས་ཚིགས་ནས།

2022ལོའི་ཟླ་11ཚེས་30ཉིན།