ཁྲིམས་བཞིན་བོད་སྐྱོང་དང་། དམངས་ཕྱུག་བོད་དར། ཡུན་རིང་བོད་སྐྲུན། མི་སེམས་གཅིག་སྒྲིལ། རྨང་གཞི་བརྟན་གཏོང་བཅས་ཀྱི་རྩ་དོན་གལ་ཆེན་ཐོག་མཐའ་བར་གསུམ་དུ་མཐའ་འཁྱོངས་ཀྱིས་ཀྲུང་ཧྭ་མི་རིགས་གཅིག་མཐུན་འདུས་གྲུབ་ཀྱི་འདུ་ཤེས་བརྟན་པོར་འཛུགས་པ་དང་རྒྱལ་ཡོངས་མི་རིགས་མཐུན་སྒྲིལ་ཡར་ཐོན་གྱི་དཔེ་བཟང་ཁུལ་འཛུགས་གཏོད་བྱེད་ཤུགས་ཆེ་རུ་བཏང་ནས། སྤྱི་ཚོགས་སྤྱི་ཡོངས་རྒྱུན་མཐུད་ཞི་མཐུན་བརྟན་ལྷིང་ཡོང་བར་བྱས་ཡོད།
ཆོས་ལུགས་ལས་རིགས་ཀྱི་མི་སྣས་ཏང་དང་། རྒྱལ་ཁབ། མི་དམངས་བཅས་ལ་དགའ་ཞེན་དང་། མེས་རྒྱལ་གཅིག་གྱུར་དང་མི་རིགས་མཐུན་སྒྲིལ་ལ་སྲུང་སྐྱོང་མཐའ་གཅིག་ཏུ་བྱེད་པའི་དཔེ་བཟང་བ་ཞིག་བྱེད་པའི་བརྩོན་ལེན་བྱ་རྒྱུར་ཁྲིད་སྟོན་བྱས་ཡོད། འདི་ནི་2019ལོའི་ཟླ་10ཚེས་1ཉིན། བོད་ལྗོངས་ཆབ་མདོ་བྱམས་པ་གླིང་དགོན་པའི་དགེ་འདུན་པ་ཚོས་རང་ཉིད་ཀྱི་བྱེད་ཐབས་ཐོག་ནས་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དབུ་བརྙེས་ནས་ལོ་ངོ་70འཁོར་བར་རྟེན་འབྲེལ་ཞུ་བཞིན་པ།
རྒྱལ་ཡོངས་མི་རིགས་མཐུན་སྒྲིལ་ཡར་ཐོན་གྱི་དཔེ་བཟང་ཁུལ་འཛུགས་གཏོད་བྱེད་ཤུགས་ཆེ་རུ་བཏང་ཞིང་། 2022ལོའི་ཟླ་5པ་བར། ལྗོངས་ཡོངས་སུ་ཁྱོན་བསྡོམས་རྒྱལ་སྲིད་སྤྱི་ཁྱབ་ཁང་དང་བོད་རང་སྐྱོང་ལྗོངས་ཀྱིས་གཟེངས་བསྟོད་བྱས་པའི་མི་རིགས་མཐུན་སྒྲིལ་ཡར་ཐོན་གྱི་དཔེ་བཟང་མཉམ་སྡེབ་1934དང་དཔེ་བཟང་མི་སྒེར་2846ཡོད། འདི་ནི་2021ལོའི་ཟླ་2ཚེས་13ཉིན་བོད་ལྗོངས་ལྷ་ས་གྲོང་ཁྱེར་རྗེ་འབུམ་སྒང་སྡེ་ཁུལ་གྱི་མི་རིགས་ཁག་གི་མང་ཚོགས་ཀྱིས་མཉམ་དུ་སོ་ནམ་ལོ་གསར་དང་བོད་ཀྱི་ལོ་གསར་དགའ་གཏོང་བྱེད་བཞིན་པ།
“ལམ་གཉིས”ཀྱི་སྙིང་སྟོབས་དང་བོད་སྐྱོད་པ་རྒན་གྲས་ཀྱི་སྙིང་སྟོབས་དར་སྤེལ་ཤུགས་ཆེན་བཏང་ནས་མཛེས་སྡུག་ལྡན་པའི་འབྱུང་འགྱུར་མཉམ་དུ་གཏོད་པའི་འབད་འབུངས་ཀྱི་སྟོབས་ཤུགས་ཆེན་པོ་གཅིག་ཏུ་བསྒྲིལ་ཞིང་། འདི་ནི་2022ལོའི་ཟླ་3པར་བོད་ཀྱི་མི་རིགས་ཁག་གི་མང་ཚོགས་ཀྱིས་བོད་ཀྱི་ཞིང་བྲན་ཁྲི་ཚོ་བརྒྱར་བཅིངས་འགྲོལ་ཐོབ་པའི་དྲན་གསོ་ཁང་དུ་ལྟ་སྐོར་བྱེད་བཞིན་པ།
བོད་ལྗོངས་ལྷོ་ཁ་གྲོང་ཁྱེར་གྱི་མི་རིགས་ཁག་གི་ཐའེ་ཅི་དྲག་རྩལ་ལ་དགའ་མོས་ཡོད་མཁན་ཚོས་སྲོལ་རྒྱུན་གྱི་ཐའེ་ཅི་དྲག་རྩལ་རྩེ་བཞིན་པ།
དམག་གིས་དམངས་ལ་གཅེས། དམངས་ཀྱིས་དམག་ལ་བཀུར། དམག་དམངས་མཐུན་སྒྲིལ་ཁྱིམ་ཚང་གཅིག་ལྟར་བརྩེ། འདི་ནི་བོད་སྡོད་དཔུང་སྡེ་ཞིག་གི་དཔོན་དམག་ཚོས་ས་གནས་དེ་གའི་མང་ཚོགས་ལ་འོས་འགན་སྨན་བཅོས་བྱེད་བཞིན་པ།
མི་རིགས་ཁག་གི་མང་ཚོགས་ཚོས་སྤེལ་རེས་རྒྱ་ཁྱབ་དང་། ཕན་ཚུན་རོགས་རམ། མཉམ་འདྲེས་གཏིང་ཟབ་བཅས་བྱས་ཏེ་བདེ་སྐྱིད་དང་མཛེས་སྡུག་ལྡན་པའི་འཚོ་བ་མཉམ་དུ་བཏོད་ཡོད། འདི་ནི་བོད་ལྗོངས་པ་སྣམ་རྫོང་བན་ཚང་གྲོང་ཚོའི་མང་ཚོགས་དང་ཧྲན་ཏུང་ཧྲོའུ་ཀོང་གི་ལག་རྩལ་མི་སྣས་མཉམ་དུ་བཏབ་པའི་ཤིས་ཀྭ་ལ་ཐོན་འབབ་ཡག་པོ་བྱུང་བ།
2021ལོའི་ཟླ་7ཚེས་2ཉིན། བོད་ལྗོངས་ས་སྐྱ་རྫོང་མདོ་ཤར་གྲོང་ཚོའི་གྲོང་མི་ཚོ་དུས་རབས་གསར་པའི་ཤེས་དཔལ་ལག་ལེན་ས་ཚིགས་སུ་ཀྲུང་གོ་གུང་ཁྲན་ཏང་དབུ་བརྙེས་ནས་ལོ་ངོ་100འཁོར་བ་དང་བོད་ཞི་བས་བཅིངས་འགྲོལ་བཏང་ནས་ལོ་ངོ་70འཁོར་བར་རྟེན་འབྲེལ་ཞུ་བའི་བྱེད་སྒོར་ཞུགས་པ།