ཏང་གི་ཚོགས་ཆེན་བཅོ་བརྒྱད་པ་འཚོཌ་ཚུན། ལྷོ་ཁ་གྲོང་ཁྱེར་གྱི་མི་རིགས་ཁག་གི་ལས་བྱེད་པ་དང་མང་ཚོཌ་ཀྱིས་མཐུན་སྒྲིལ་རྡོག་རྩ་གཅིག་སྒྲིལ་དང་འབད་བརྩོན་ལྷོད་མེད་བྱས་ཏེ། “དོན་ཆེན་བཞི”དང“འགན་ལེན་བཞིར”དམ་པོར་དམིགས་པ་དང“འཛུགས་གཏོད་བཞི”དང“མདུན་གྲལ་དུ་སླེབས་པ་བཞི”སྐལ་བཟང་མེ་ཏོག་ལྟར་གངས་ལྗོངས་ས་མཐོའི་མཐའ་མཚམས་སུ་རྩ་བ་བརྟན་པོ་བཙུགས་པ་དང་བླ་ན་མེད་པའི་རྒྱལ་ཁབ་ཀྱི་ས་ཆ་སྲུང་མཁན་དང་བདེ་སྐྱིད་ལྡན་པའི་ཁྱིམ་གཞིས་སྐྲུན་མཁན་ཞིག་བྱས་པས་སྤོབས་སེམས་སྐྱེ་འོས་པའི་གྲུབ་འབྲས་མང་པོ་ཐོབ་པ་དང་མི་སེམས་འགུལ་བའི་ལེའུ་མང་པོ་བརྩམས་ཡོད་པ་རེད།

ལེ་དབར་སྟོང་གི་སར་བསྐྱོད་ནས་ཐོན་ལས་འཕེལ་རྒྱས་ཀྱི་གོམ་སྟབས་བརྟན་དུ་བཏང་བ།

ཉེ་བའི་ལོ་ཤས་རིང་ཟངས་རི་རྫོང་གིས་ཡུལ་བབ་དང་བསྟུན་ནས་རྒུན་འབྲུམ་ཐོན་ལས་འཕེལ་རྒྱས་བཏང་ཞིང་། 2022ལོར་འདེབས་འཛུགས་གཞི་ཁྱོན་མུའུ་8000བར་འཕར་བ་དང་མང་ཚོགས་300ལྷག་ཙམ་འབབ་འཕར་ཕྱུག་འགྱུར་ཡོང་བར་སྣེ་ཁྲིད་བྱས་པ་རེད། དེས་མ་ཟད་རྫོང་དེས་ད་དུང་རྒུན་འབྲུམ་འཐུ་བ་དང་། རྒུན་འབྲུམ་ཨ་རག་སྙོལ་བ། རྒུན་འབྲུམ་གཞིས་ཀར་ཡུལ་སྐོར་ལྟ་སྐོར་བྱེད་པ་སོགས་ཐོན་ལས་འཁོར་འབྲེལ་དུ་བྱས་ནས་རྒུན་འབྲུམ་དེ་འཕེལ་རྒྱས་ལ་སྣེ་ཁྲིད་བྱེད་པའི་ཐོན་ལས་ཆེན་པོ་ཞིག་ཏུ་གྱུར་ཡོད་པ་རེད།

ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན། ལྷོ་ཁ་གྲོང་ཁྱེར་གྱིས་ཡང་དག་ལ་གནད་སྨིན་སྒོ་ནས་འཕེལ་རྒྱས་ཀྱི་འདུ་ཤེས་གསར་པ་ཕྱོགས་ཡོངས་ནས་ལག་བསྟར་དང་། “ཐོན་ལས་ལ་བརྟེན་ནས་གྲོང་ཁྱེར་འཛུགས་པར”ཕྱོགས་ཡོངས་ནས་སྐུལ་འདེད་བཏང་བ་དང་། དེང་རབས་ཅན་གྱི་དཔལ་འབྱོར་མ་ལག་ནུས་ཤུགས་ཡོད་རྒུས་བཏོད་པ། སྤུས་ཚད་མཐོ་པོས་འཕེལ་རྒྱས་ཀྱི་གོམ་སྟབས་བརྟན་པོ་སྤོས་ཡོད་པ་རེད། “ལྷུན་རྩེའི་ནས་ནག”དང་།“རྒྱ་ཚའི་སྟར་ཁ” “ལེགས་པོའི་ཇ”སོགས་ཁྱད་ལྡན་ཞིང་འབྲོག་ལས་སྤུས་རྟགས་འབོར་ཆེན་སྐྱེད་སྲིང་བྱས་པ་དང་གྲ་ནང་གི་མུའུ་བརྒྱ་ཡི་ཤིང་འབྲས་ཁྲེ་ལི་ཙི་དང་། ཟངས་རིའི་མུའུ་སྟོང་གི་རྒུན་འབྲུམ། སྣ་དཀར་རྩེའི་ལུག་ཁྲི་སོགས་ཁྱད་ལྡན་ཞིང་འབྲོག་ཐོན་ལས་རྟེན་གཞི་བསྐྲུན་ཡོད། རྒྱ་ཚའི་རྫམ་ཆུ་ཤུགས་གློག་ཁང་དང་མཚོ་སྨད་ཀྱི་གྲི་གུ་གློག་ཁང་སོགས་འོད་ཤུགས་གློག་ཁང་12བསྐྲུན་ནས་སྤྱོད་འགོ་ཚུགས་ཡོད། ལྷོ་ཁ་གྲོང་ཁྱེར་གྱི“ཡར་ཀླུང་གཙང་པོའི་དབུས་རྒྱུད་ཀྱི་ནུས་རྒྱུ་གཙང་མའི་རྟེན་གཞི”རགས་ཙམ་ཆགས་ཡོད་པ་རེད། ཧྭ་ཤིན་ཨར་འདམ་དང་། རྩེ་ཐེར་མི་རིགས་གྱོན་ཆས། ཆུ་གསུམ་ཆུ་མཁར་གྱི་བོད་སྨན་སོགས་ཕུལ་བྱུང་ཁེ་ལས་ཁག་གཅིག་ཐོན་པ་དང་ལེགས་ཆའི་གཏེར་ཁའི་ཐོན་ཁུངས་དང་། ནུས་རྒྱུ་གཙང་མ། ཨར་སྐྲུན་རྒྱུ་ཆ། བོད་ལུཌ་གསོ་རིག་དང་བོད་སྨན། མི་རིགས་ལག་ཤེས་བཟོ་ལས་སོགས་གཙོ་གནད་ཀྱི་བཟོ་ལས་མ་ལག་ཏན་ཏིག་གྲུབ་ཡོད། ལེཌ་པོའི་མཛེས་ལྗོངས་ཁུལ་དང་རྩ་རི་ལུང་གཞུང་མཛེས་ལྗོངས་ཁུལ་སོགས་མཚོན་བྱེད་དུ་བྱེད་པའི་བོད་མིའི་འབྱུང་ཁུངས་ཀྱི་ཡུལ་སྐོར་རྟེན་གཞི་བསྐྲུན་ཟིན་ནས་ཕན་འབྲས་འོས་འཚམ་ཐོན་པ་དང་ལོ་བཅུའི་ནང་རིམ་རྩིས་བྱས་ན་ཡུལ་སྐོར་ཡོང་འབབ་སྒོར་དུང་ཕྱུར་134.48བྱུང་ཡོད་པ་རེད།

རྨང་གཞིའི་སྒྲིག་བཀོད་འཐུས་སྒོ་ཚང་དུ་བཏང་བས་མི་དམངས་ཀྱི་འཚོ་བ་ཉིན་རེ་བཞིན་ལེགས་སུ་ཕྱིན་པ།

2021ལོའི་ཟླ་6ཚེས་25ཉིན་ལྷ་ཉིང་ལྕགས་ལམ་དངོས་སུ་ཤར་གཏོང་ཐུབ་པ་དང་ལྷོ་ཁ་གྲོང་ཁྱེར་དུ་ལྕགས་ལམ་མེད་པའི་ལོ་རྒྱུས་མཇུག་འགྲིལ་ཞིང་། གོང་དཀར་རྫོང་སྐྱིད་གཤོངས་གྲོང་རྡལ་གྱི་ཟླ་བ་ཚེ་རིང“བསྐྱར་དར་རྟགས་ཅན”ཤུགས་འགྲེམས་མེ་འཁོར་ནང་སྡོད་མཁན་འགྲུལ་པ་དང་པོ་དེ་ཡིན་པས་ཁོང་གིས“དེ་སྔོན《མེ་འཁོར་བསྡད་དེ་ལྷ་སར་བསྐྱོད》ཅེས་པའི་གཞས་དེ་ཉན་རྒྱུར་དགའ་པོ་ཡོད། ད་ལྟ་གཞི་ནས་བསམ་འདུན་གྲུབ་སོང་། དངོས་གནས་དགའ་པོ་བྱུང་། ཤུགས་འགྲེམས་མེ་འཁོར་གྱི་མྱུར་ཚད་མགྱོགས་པ་དང་མེ་འཁོར་ནང་གི་ཁོར་ཡུག་ལེགས་ལ་རྒྱ་ཆེ་བས་སེམས་གཏིང་ནས་ཏང་དང་རྒྱལ་ཁབ་ལ་ཐུགས་རྗེ་ཆེ་ཞུ་རྒྱུ་ཡིན”ཞེས་དགའ་ཚོར་ཆེན་པོས་བཤད།

ལོ་བཅུའི་རིང་ལྷོ་ཁ་གྲོང་ཁྱེར་གྱིས་རྨང་གཞིའི་སྒྲིག་བཀོད་འཛུགས་སྐྲུན་དེ་འཕེལ་རྒྱས་ཀྱི་འདེགས་སྐྱོར་གལ་ཆེན་དུ་བརྩི་རྒྱུ་མཐའ་འཁྱོངས་ཀྱིས་ཞན་ཆ་སེལ་བ་དང་རྨང་གཞི་བརྟན་དུ་ཤུགས་ཆེན་བཏང་སྟེ། ནོར་སྲིད་མ་དངུལ་80%ཡན་གཞི་རིམ་དང་དམངས་འཚོའི་ཁྱབ་ཁོངས་སུ་བཏང་ནས་ཆུ་བེད་དང་། ལྕགས་ལམ། གཞུང་ལམ། གློག་དྲ། ཆ་འཕྲིན་སོགས་འཛུགས་སྐྲུན་ལ་ཤུགས་སྣོན་བརྒྱབ་པས་མི་རིགས་ཁག་གི་མང་ཚོགས་ཀྱི་འཚོ་བའི་སྤུས་ཚད་རྒྱུན་ཆད་མེད་པར་ལེགས་སུ་ཕྱིན་ཡོད། གྲོང་ཁྱེར་ཡོངས་ཀྱི་རྫོང་དང་ཤང་གི་སྣུམ་ནག་ལམ་ཤར་གཏོང་ཐུབ་ཚད་100%ཟིན་པ་དང་། གཞུང་ལམ་གྱི་སྤྱིའི་ལམ་ཚད་2012ལོའི་སྤྱི་ལེ་6421ནས་2021ལོའི་སྤྱི་ལེ་9442བར་རིང་དུ་ཕྱིན་པ། ཕྱོགས་བཞི་མཚམས་བརྒྱད་དུ་ཤར་གཏོང་ཐུབ་པའི་འགྲིམ་འགྲུལ་སྐྱེལ་འདྲེན་དྲ་བས་སྤུས་ཚད་མཐོ་བའི་འཕེལ་རྒྱས་འགྲོ་བར“གསེར་ཟམ”བསྐྲུན་པ། གྲོ་ཡུལ་ཆུ་མཛོད་དང་། ཡར་ཀླུང་ཆུ་མཛོད། གཙང་པོའི་བྱང་རྒྱུད་ཀྱི་ཞིང་ཆུ་འདྲེན་ཁུལ་སོགས་རྣམ་གྲངས་གལ་ཆེན་ཁག་གཅིག་བསྐྲུན་ནས་བེད་སྤྱོད་བྱས་པ་དང་། ཞིང་ཆུ་འདྲེན་རྒྱུ་འགན་ལེན་ཐུབ་ཚད་85%ཟིན་ནས་ས་ཞིང་མུའུ་ཁྲིར་ཆུ་འདྲེན་པ། “རེས་སྐོར་གསར་པའི་གྲོང་གསེབ་ཀྱི་གློག་དྲ”དང་དེ་བཞིན“ཁུལ་གསུམ་དང་ཀྲོའུ་གསུམ”གྱི་གྲོང་གསེབ་ཀྱི་གློག་དྲ་སྒྱུར་བཀོད་རིམ་སྤོར་ཕྱོགས་ཡོངས་ནས་ལེགས་སྒྲུབ་བྱས་པ་དང་གློག་དྲ་གཙོ་བོ་སྲིད་འཛིན་གྲོང་ཚོ་ཡོངས་སུ་ཁྱབ་ནས་མི་ཁྲི་19.3གྱི་གློག་སྤྱོད་ཆ་རྐྱེན་ལེགས་སུ་ཆེན་པོ་ཕྱིན་པ། ཆ་འཕྲིན་འཕྲིན་གཏོང་གི་ཆུ་ཚད་ཆེས་ཆེར་མཐོ་རུ་ཕྱིན་ནས་སྲིད་འཛིན་གྲོང་ཚོར་འཕྲིན་གཏོང་ཐུབ་ཚད་དང་། ཁ་པར་ཤར་གཏོང་ཐུབ་ཚད། འོད་སྐུད་དྲ་རྒྱ་ཁེབས་ཚད། རྫོང་དང་ཆུས་ལ་སྐུད་ཡོད་གྲངས་འཛིན་བརྙན་འཕྲིན་ཁྱབ་ཚད་བཅས་ཚང་མ་100%ཟིན་ནས། བརྙན་ལམ་གླེང་མོལ་དང་། དྲ་ཐོག་ཉོ་སྒྲུབ། སྒུལ་བདེའི་གཏོང་སྤྲོད་བཅས་མི་དམངས་མང་ཚོགས་ཀྱི་འཚོ་བ་སྐྱེལ་སྟངས་གསར་པ་ཞིག་ཏུ་གྱུར་ཡོད།

རི་སྔོ་ཆུ་དྭངས་ཀྱི་སྐྱེ་ཁམས་མཛེས་རིས་མངོན་པ།

ལོ་བཅུ་ཡི་རིང་ལྷོ་ཁ་གྲོང་ཁྱེར་གྱིས“སྐྱེ་ཁམས་སྟོབས་ཆེའི་གྲོང་ཁྱེར”མཐའ་འཁྱོངས་བྱས་ནས་རི་ཆུ་ནགས་ཞིང་མཚོ་རྩྭ་བྱེ་འཁྱགས་བཅས་གཞི་གཅིག་ཅན་གྱི་སྤྱི་འདོམས་སྲུང་སྐྱོང་དང་མ་ལག་བཅོས་སྐྱོང་བྱས་ཏེ་ལྗང་མདོག་འདི་ཉིད་གྲོང་ཁྱེར་དེ་ཡོངས་ཀྱི་མི་དམངས་ཀྱི་བདེ་སྐྱིད་ལྡན་པའི་འཚོ་བའི་ངོ་བོར་གྱུར་པར་བྱས་ཡོད། ཧི་མ་ལ་ཡའི་བྱང་རྒྱུད་ཀྱི་སྐྱེ་ཁམས་བར་ཁྱམས་དང་ཡར་ཀླུང་གཙང་པོའི་དབུས་རྒྱུད་ཀྱི“ལེ་དབར་བརྒྱ་ཡི་སྐྱེ་ཁམས་བར་ཁྱམས”ཧུར་ཐག་བཏོད་ནས་རྒྱལ་ཁབ་ས་ཆ་སྔོ་འགྱུར་བྱ་སྤྱོད་གཏིང་ཟབ་སྤེལ་བ་དང་། འདམ་ར་སྲུང་སྐྱོང་སླར་གསོ་དང་ས་ཆ་བྱེ་འགྱུར་སྐྱེ་ཁམས་སླར་གསོ་སོགས་འདུ་འགོད་ལག་བསྟར་གཏིང་ཟབ་བྱས་ཡོད། སྦགས་བཙོག་འགོག་བཅོས་ཀྱི་འགག་སྒྲོལ་དམག་འཐབ་དང་སྐྱེ་ཁམས་ཁོར་ཡུག་ཆེད་དོན་བཅོས་སྒྲིག་གི་བྱ་སྤྱོད་ལ་མུ་མཐུད་སྐུལ་འདེད་བཏང་བས་གྲོང་ཁུལ་གཙོ་བོའི་མཁའ་རླུང་སྤུས་ཚད་ལེགས་ཚད་ལོ་གསུམ་བསྟུད་མར་99%ཡན་རྒྱུན་འཁྱོངས་ཐུབ་ཡོད། ས་ངོས་ཆུའི་གཞུང་ཚད་བཅད་ངོས་ཀྱི་ཆུའི་སྤུས་ཚད་ལོན་ཚད་100%ཟིན་པ་དང་གྲོང་ཁྱེར་རིམ་པ་ཡན་གྱི་གཅིག་སྡུད་འཐུང་ཆུའི་ཆུའི་སྤུས་ཚད་ལོན་ཚད་100%ཟིན་ཡོད། ཡར་ཀླུང་གཙང་པོའི་རྒྱལ་ཁབ་རིམ་པའི་མཛེས་ལྗོངས་གྲགས་ཅན་ཁུལ་བསྐྲུན་པ་དང་ལྷུན་རྩེ་རྫོང་ལྗོངས་ཡོངས་ཀྱི་རྒྱལ་ཁབ་ཀྱི“རི་བོ་གཉིས་ཀྱི་རྟེན་གཞིར”ཐོག་མར་གྱུར་ཡོད། རྒྱལ་ཁབ་ཀྱི་སྐྱེ་ཁམས་ཤེས་དཔལ་འཛུགས་སྐྱོང་གི་དཔེ་སྟོན་གྲོང་ཁྱེར་བདེ་བླག་ངང་བསྐྲུན་ནས་མཛེས་སྡུག་དང་། སྐྱེ་ཁམས། སྡོད་མལ་ལ་འཚམ་པ་བཅས་ཀྱི་མཛེས་སྡུག་ལྡན་པའི་རི་མོ་ཡར་ཀླུང་གཙང་པོའི་ས་གཞི་ཆེ་མོར་དལ་བུར་མངོན་བཞིན་ཡོད།