སྒོ་བསྟེན་སྨན་བཅོས་སླར་གསོ་བྱེད་རྒྱུའི་སྐོར་གྱི་བོད་རང་སྐྱོང་ལྗོངས་མི་དམངས་སྨན་ཁང་གི་ཤ་ཚའི་དྲན་སྐུལ།

གུས་ཤིང་བརྩེ་བའི་ནད་པ་དང་ནང་མི་རྣམ་པ།

རྒྱ་ཆེའི་ནད་པ་ཚོའི་སྨན་བཅོས་ཀྱི་དགོས་མཁོ་སྐོང་ཆེད། ངེད་སྨན་ཁང་གིས་ཟླ་8ཚེས་13ཉིན་ནས་བཟུང་། གོ་རིམ་ལྡན་པའི་ངང་སྒོ་བསྟེན་སྨན་བཅོས་ཀྱི་ལས་སྒོ་སླར་གསོ་བྱེད་རྒྱུ་རེད། རིམས་ནད་སྔོན་འགོག་དང་ཚོད་འཛིན་ཡག་པོ་བྱེད་པའི་སྔོན་འགྲོའི་ཆ་རྐྱེན་འོག སྨན་བཅོས་ཀྱི་སྤུས་ཚད་དང་བདེ་འཇགས་འགན་ལེན་བྱ་ཆེད། སྒོ་བསྟེན་སྨན་ཁང་དུ་སྨན་པ་བསྟེན་སྐབས་རིམས་ནད་སྔོན་འགོག་དང་ཚོད་འཛིན་གྱི་འབྲེལ་ཡོད་བླང་བྱ་ལག་བསྟར་བྱ་རྒྱུ་རེད།

ཁག་དང་པོའི་སྒོ་བསྟེན་སྨན་བཅོས་ཀྱི་ཆེད་ལས་ཚན་ཁག

ས་མཐོའི་ནད་ཀྱི་སྙིང་ཁམས་ཁྲག་རྩའི་ཁོང་ནད་ཚན་ཁག་དང་། འཇུ་བྱེད་ཁོང་ནད་ཚན་ཁག དབང་རྩའི་ཁོང་ནད་ཚན་ཁག གསང་རྒྱུད་ཟགས་གཤེར་ཚན་ཁག མཁལ་མའི་ཁོང་ནད་ཚན་ཁག སྤྱིར་བཏང་ཕྱི་བཅོས་ཚན་ཁག རུས་ནད་ཚན་ཁག དབང་རྩའི་ཕྱི་བཅོས་ཚན་ཁག གཅིན་སྙི་ཟགས་ཁུའི་ཕྱི་བཅོས་ཚན་ཁག བུད་མེད་ཚན་ཁག བུ་བཙའི་ཚན་ཁག སྐྲན་ནད་ཚན་ཁག རྨ་ཁ་གསོ་བཅོས་ཚན་ཁག  PICCབཅས་ཁྱོན་ཆེད་ལས་ཚན་ཁག་14ཡི་སྒོ་བསྟེན་སྨན་བཅོས་ཡོད་པ་རེད།

སྨན་པ་བསྟེན་སྟངས།

གཅིག རྒན་རྒོན་དང་དམིགས་བསལ་གྱི་གནས་ཚུལ་ཕུད། ཚང་མས་དྲ་ཐོག་ནས་ཨང་ཀི་བཀག་དགོས་པ་དང་སྨན་ཁང་དུ་ཡོང་ནས་ཨང་ཀི་བཀག་རྒྱུ་གནས་སྐབས་མཚམས་འཇོག་རྒྱུ། ནད་པས་བོད་རང་སྐྱོང་ལྗོངས་མི་དམངས་སྨན་ཁང་གི་དམངས་ཕན་ཞབས་ཞུའི་ལས་སྟེགས་ཀྱི་སྔོན་མངགས་ཨང་ཀི་ཁྱེར་ཏེ་སྨན་ཁང་དུ་དུས་མཚམས་དབྱེ་ནས་སྨན་བཅོས་བྱེད་ཆོག

གཉིས། སྒོ་བསྟེན་ཕྱོགས་བསྡུས་ཞབས་ཞུའི་ཚོམས་ཆེན་གྱི་སྐར་ཁུང་1-5བར་ནི་སྒོ་བསྟེན་སྨན་བཅོས་ཀྱི་གྲོན་བསྡུའི་སྐར་ཁུང་ཡིན་པ་དང་། སྐར་ཁུང་8པ་ནི་སྨན་བཅོས་འགན་བཅོལ་ཞིབ་དཔྱད་སྐར་ཁུང་ཡིན་པ་རེད།

སྨན་ཁང་དུ་འཛུལ་བའམ་སྨན་ཁང་ནས་དོན་པའི་རེ་བ།

གཅིག སྨན་ཁང་གིས་གཏན་འབེབས་བྱས་པའི་ཐོན་སྒོ་དང་འཛུལ་སྒོ་ནས་འགྲོ་འོང་བྱེད་དགོས། སྨན་ཁང་དུ་མ་སྐྱོད་གོང་། སྔོན་ལ་བོད་ལྗོངས་བདེ་ཐང་ཨང་རྟགས་ཀྱི་བོད་ཤར་བགྲོད་དང་གནས་ཡུལ་བཤེར་རྟགས་གྲ་སྒྲིག་བྱེད་དགོས་པ་མ་ཟད། བདེ་སྲུང་མི་སྣར་གཞོགས་འདེགས་བྱས་ནས་ཚ་བ་ལྟ་བ་དང་རིམས་ནད་རིག་པའི་བརྟག་དཔྱད་ཡག་པོ་བྱེད་དགོས། བདེ་ཐང་ཨང་རྟགས་མཁོ་འདོན་བྱེད་མི་ཐུབ་པའི་མི་རྣམས་ལོགས་སུ་ཐོ་འགོད་དགོས།

གཉིས། ཐོབ་ཐང་ལག་ཁྱེར་ཁྱེར་ནས་མིང་ངོ་མ་བཀོད་དེ་སྨན་བཅོས་བྱེད་པའི་ལམ་ལུགས་ལག་ལེན་བསྟར་དགོས། ཆུ་ཚོད་48ནང་ཚུན་གྱི་ཉིང་སྐྱུར་བརྟག་དཔྱད་བྱས་འབྲས་སྲིབས་གཤིས་ཡིན་པའི་ངོ་སྤྲོད་ཡོད་དགོས།

གསུམ། སྨན་ཁང་དུ་སྐྱོད་སྐབས་བརྒྱུད་རིམ་ཧྲིལ་པོར་ཁ་རས་ཚད་ལྡན་བརྒྱབ་ནས་སྨན་ཁང་དུ་འཚང་ཀ་མི་རྒྱག་པ་དང་འདུ་འཛོམས་མི་བྱེད་པར་མི་དང་མིའི་དབར་བར་ཐག་སྨི་1ཡན་འཇོག་དགོས། གལ་སྲིད་ནད་གཞི་ལྕི་པོ་མེད་ཚེ་རིམས་ནད་ཐོན་རིང་སྨན་ཁང་དུ་མ་ཕེབས་རོགས།

བཞི། ཚ་བ་རྒྱས་པའི་ནད་པ(གཟུགས་པོའི་དྲོད་ཚད་37.3℃ཡན་ཡིན་པ)དང་། བདེ་ཐང་ཨང་རྟགས་སེར་པོའམ་ཨང་རྟགས་དམར་པོ་མངོན་པའི་ནད་པར་གཤམ་གྱི་ནད་རྟགས་དང་གནས་ཚུལ་གྲས་ཤིག་ཡོད་ཚེ། ①སྐམ་གློ་རྒྱག་པ་དང་། གཟུགས་པོར་ཤུགས་མེད་པ། ཤ་གནད་ལ་ན་ཟུག་གཏོང་བ། གྲོད་པ་བཤལ་བ་སོགས་ཀྱི་ནད་རྟགས་ཡོད་པ་དང་། ②ཉེན་ཁ་ཆེ་འབྲིང་ཁུལ་ནས་ཡོང་བ་དང་རིམས་ནད་རིག་པ་དང་འབྲེལ་བ་ཡོད་པ། ③ཚ་བ་གཅོག་པའི་སྨན་ཟ་མྱོང་བའི་ནད་པས། རང་འགུལ་ངང་བརྟག་དཔྱད་བྱེད་མཁན་སྨན་དོན་མི་སྣར་གནས་ཚུལ་ཁ་གསལ་བརྗོད་དགོས་པ་དང་། སྨན་དོན་མི་སྣས་ཚ་རྒྱས་སྒོ་བསྟེན་སྨན་ཁང་དུ་སྨན་བཅོས་བྱེད་པར་ཁྲིད་དགོས།

དོས་དྲག་དང་ཚ་རྒྱས་སྒོ་བསྟེན་སྨན་ཁང་རྒྱུན་གཏན་ལྟར་ཆུ་ཚོད་24ཡི་རིང་སྒོ་ཕྱེ་གི་ཡོད།

ཁྱེད་ཀྱིས་རྒྱབ་སྐྱོར་དང་བསམ་ཤེས་གནང་བར་ཐུགས་རྗེ་ཆེ་ཞུ།

བོད་རང་སྐྱོང་ལྗོངས་མི་དམངས་སྨན་ཁང་གིས།

2022ལོའི་ཟླ་8ཚེས་13ཉིན།