དབྱར་དུས་སུ་བོད་ཤར་ལྷོའི་འབྲི་ཆུའི་འགྲམ་གྱི་འཇོ་མདའ་རྫོང་ཝེ་འཕྲང་གྲོང་ཚོར་སྔོ་ལྗང་གོས་ཀྱིས་བཀླུབས་ནས་བྱ་བྱིའུ་སྐད་སྒྲ་སྙན་ཤིང་འཇེབས་པ་དང་། བོད་བཟོའི་ཁང་གསར་གྲལ་སྟར་འགྲིག་ཅིང་། གྲོང་ཚོའི་ཤིང་བརྐོས་འཁོར་ཁང་དུ་གྲོང་མི་ཚོས་ཤིང་བརྐོས་ལས་ལ་བྲེལ་བཞིན་མཆིས།

དེ་སྔའི་གྲོང་ཚོ་དབུལ་པོར་འགྱུར་ལྡོག་ཆེན་པོ་བྱུང་ནས་དབུལ་ཞྭ་ཕུད་པས་མི་སེར་གྱི་ངོ་གདོང་ནས་བདེ་སྐྱིད་ཀྱི་འཛུམ་མདངས་འཕྱུར། དེ་ནི་ཧྭ་གློག་བོད་ལྗོངས་ཀུང་སིས་གྲོང་གསེབ་དར་རྒྱས་གཏོང་རོགས་བྱས་པའི་བསྡུས་རིས་ཤིག་ཡིན་པ་དང་བདེ་སྐྱིད་ཀྱི་འཚོ་བ་དེ་ཧྭ་གློག་གངས་ལྗོངས་གདོང་ལེན་ཏང་ཀྲི་པུའུ་དང་ཁ་བྲལ་ཐབས་མེད།

“སྣེ་ཁྲིད་པ”ཡག་པོ་བདམས་ནས“རྐང་འཛིན་པ”སྐྱེད་སྲིང་བྱས་པ།

“དངུལ་དང་དངོས་པོ་ཞལ་འདེབས་རྒྱག་པ་ལས་ཀྲི་པུའུ་ཡག་པོ་ཞིག་འཛུགས་རོགས་བྱས་ན་དགའ”ཞེས་པ་ལྟར་ཧྭ་གློག་བོད་ལྗོངས་ཀུང་སིའི་ཏང་ཨུད་ཀྱིས“ཧྭ་གློག་གངས་ལྗོངས་གདོང་ལེན་ཏང་ཀྲི་པུའུ”འཛུགས་རྒྱུ་དམ་འཛིན་བྱ་གཞིར་བྱེད་པ་དང་གྲོང་ཚོ་རིམ་པའི་ཏང་རྩ་འཛུགས་འཛུགས་སྐྱོང་དང་གྲོང་གསེབ་དར་རྒྱས་ཟུང་འབྲེལ་དམ་ཟབ་བྱས་ཏེ། ཆབ་མདོ་གྲོང་ཁྱེར་འཇོ་མདའ་རྫོང་ཝེ་འཕྲང་གྲོང་ཚོ་དང་འབམ་གོང་གྲོང་ཚོ་གཉིས་ཀྱི་སྐབས་བརྗེའི་འདེམས་བསྐོ་བདེ་བླག་ངང་ལེགས་སྒྲུབ་ཡོང་བར་གཞོགས་འདེགས་བྱས་ནས་ཕྱུག་འགྱུར་སྣེ་ཁྲིད་པ་གྲོང་ཚོའི“ཨུ་ལྷན་གཉིས”ནང་བདམས་ནས་གསར་དུ་བསྐོ་གཞག་བྱས་པའི་གྲོང་ཚོའི་ལས་བྱེད་པ་མི་ཐེངས་30ལྷག་ཙམ་གསོ་སྦྱོང་བྱེད་རོགས་བྱས་པ་མ་ཟད། གྲོང་ཚོའི་ལས་བྱེད་པ་མི་ཐེངས་140ལྷག་ཙམ་རྒྱལ་ཁབ་ཀྱི་སྤྱི་སྤྱོད་སྐད་ཡིག་གསོ་སྦྱོང་ནང་ཞུགས་པར་མཐུན་སྦྱོར་སྒྲིག་འཛུགས་བྱས་པས་གྲོང་དོན་བཅོས་སྒྲིག་གི་ནུས་པ་མངོན་གསལ་དོད་པོས་ཆེ་རུ་ཕྱིན་ཡོད།

དམངས་སེམས་ནི་ཆབ་སྲིད་ཀྱི་ལས་དོན་གལ་ཆེ་ཤོས་རེད། ཧྭ་གློག་བོད་ལྗོངས་ཀུང་སིའི་གྲོང་སྡོད་ཏང་ཀྲི་པུས་བསམ་བློ་ཆབ་སྲིད་ཀྱི་ལས་དོན་གྲོང་སྡོད་ཀྱི་འཐབ་ས་དང་པོར་གཏིང་ཟབ་དང་ཏན་ཏིག་སྤེལ་ནས་གྲོང་མིའི་སྒོ་རྩར་དྲིལ་བསྒྲགས་བྱེད་པ་སོགས་ཀྱི་བྱེད་ཐབས་བརྒྱུད་བོད་ཀྱི་ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གལ་ཆེན་དང་དུས་རབས་གསར་པའི་ཏང་གི་བོད་སྐྱོང་མཛད་ཇུས་སྒྲོག་འགྲེལ་གཏིང་ཟབ་བྱས་པར་མང་ཚོགས་980ལྷག་ཙམ་ལ་ཁྱབ་པ་དང་མང་ཚོགས་ཀྱིས་ཏང་གི་བཀའ་ལ་ཉན་པ་དང་། ཏང་གི་བཀའ་དྲིན་ཚོར་བ། ཏང་གི་རྗེས་སུ་འབྲང་བ་བཅས་བྱེད་རྒྱུར་ཁྲིད་སྟོན་བྱས་ཡོད། ཏང་གི་ལོ་རྒྱུས་སློབ་སྦྱོང་སློབ་གསོ་གོ་སྐབས་སུ་བརྩིས་ནས་གྲོང་སྡོད་ཏང་ཀྲི་པུས་བྱེད་སྒོ་ཐེངས20ལྷག་ཙམ་སྤེལ་རྒྱུར་བཀོད་སྒྲིག་བྱས་ནས་གཞི་རིམ་ཏང་རྩ་འཛུགས་ཀྱི་དམག་འཐབ་མཁར་རྫོང་གི་ནུས་པ་ཆེ་རུ་བཏང་ཡོད།

བྱ་བ་དངོས་དང་བྱ་བ་བཟང་པོ་རེ་རེ་ལས་ཏང་འཛུགས་སྐྱོང་གི་གསོན་ཤུགས་འཕེལ་ནས་ཧྭ་གློག་བོད་ལྗོངས་ཀུང་སིའི་གྲོང་སྡོད་ཏང་ཡོན་ལས་བྱེད་པར་མང་ཚོགས་ཀྱི་ཁས་ལེན་གང་ལེགས་ཐོབ་ཡོད། 2021ལོར་ཧྭ་གློག་བོད་ལྗོངས་ཀུང་སིའི་གྲོང་སྡོད་ཏང་ཀྲི་པུར“ཀྲུང་དབྱང་ཁེ་ལས་ཀྱི་གཞི་རིམ་དཔེ་སྟོན་ཏང་ཀྲི་པུའུ”དང་ཝེ་འཕྲང་གྲོང་ཚོའི་ཏང་ཀྲི་པུར“བོད་རང་སྐྱོང་ལྗོངས་ཀྱི་སྔོན་ཐོན་གཞི་རིམ་ཏང་རྩ་འཛུགས”ཀྱི་མཚན་སྙན་ཐོབ་ནས་གྲོང་གསེབ་དར་རྒྱས་ཀྱི་ལམ་བུར་ཡུལ་དེ་གའི་མང་ཚོགས་ལ་སྲ་ཞིང་བརྟན་པའི“རྐང་འཛིན་པ”བྱུང་ཡོད།

“ཕྱུག་འགྱུར་ལམ་བུར”ལག་གདང་སྦྲེལ་ནས“འབྱུང་འགྱུར་ཕྱོགས་སུ”བསྐྱོད་པ།

ཐོན་ལས་དར་རྒྱས་ནི་གྲོང་གསེབ་ཕྱོགས་ཡོངས་ནས་དར་རྒྱས་གཏོང་བའི་རྨང་གཞི་གལ་ཆེན་ཡིན། ཧྭ་གློག་བོད་ལྗོངས་ཀུང་སིའི་ཏང་ཨུད་ཀྱིས“གློག་ཁང་ཞིག་སྐྲུན་ནས། ཡུལ་ཞིག་གི་དཔལ་འབྱོར་ལ་སྐུལ་ཁྲིད་དང་། ཡུལ་ཞིག་གི་མི་སེར་ཕྱུག་འགྱུར་ཡོང་བའི”འདུ་ཤེས་རྒྱུན་འཁྱོངས་ཀྱིས་ནུས་རྒྱུ་གཙང་མ་གསར་སྤེལ་བྱ་རྒྱུ་དེ་གྲོང་གསེབ་དར་རྒྱས་ལ་སྐུལ་འདེད་གཏོང་བའི་ཐོན་ལས་ཀྱི་འདེགས་སྐྱོར་གལ་ཆེན་ཞིག་ཏུ་བརྩིས་ནས་ཆུ་ཤུགས་གློག་ཁང་གསར་སྤེལ་འཛུགས་སྐྲུན་ལ་སྐུལ་འདེད་གང་མགྱོགས་བཏང་བ་དང་། རྣམ་གྲངས་འཛུགས་སྐྲུན་བྱེད་པའི་བརྒྱུད་རིམ་ནང་དོ་བདག་དང་། ཇུས་འགོད། ཨར་སྐྲུན། ལྟ་འདོམས། ས་གནས་བཅས“ཕྱོགས་ལྔ་གཞི་གཅིག”གི་ཏང་འཛུགས་སྐྱོང་གི་མཉམ་བཙུགས་ལམ་སྲོལ་འཚོལ་ཞིབ་དང་འཛུགས་སྐྲུན་བྱས་ནས་ས་གནས་དེ་གའི་མང་ཚོགས་ཀྱི་རླངས་འཁོར་56ལས་གྲྭའི་སྐྱེལ་འདྲེན་ནང་ཞུགས་སུ་བཅུག་པ་དང་ས་གནས་དེ་གའི་ཞིང་པ་ལས་མི་ཁྲི་1.2ལས་ཞུགས་བཀོད་སྒྲིག་བྱས་པས་མང་ཚོགས་ལ་རིམ་རྩིས་བྱས་ན་འབབ་འཕར་སྒོར་ཁྲི་9400ལྷག་ཙམ་བྱུང་ཡོད། བོད་ཀྱི་ཨར་སྐྲུན་རྒྱུ་ཆ་དང་ཨར་འདམ་སོགས་དངོས་ཟོག་ཉོ་སྒྲུབ་བྱེད་ཚད་སྒོར་དུང་ཕྱུར་6ལས་བརྒལ་བ་དང《སྤུས་དག་ལས་གྲྭ་འཛུགས་སྐྲུན་བྱས་ནས་བོད་ཀྱི་མི་དམངས་ལ་བདེ་སྐྱིད་སྐྲུན་པའི》དཔེ་མཚོན་དེ་ཀྲུང་དབྱང་ཁེ་ལས་ཀྱི“ངས་མང་ཚོགས་ལ་བྱ་བ་དངོས་སྒྲུབ་པའི”ལག་ལེན་བྱེད་སྒོའི་ཁྱད་ལྡན་རྣམ་གྲངས་བརྒྱའི་ནང་བཅུག་ཡོད།

ནུས་རྒྱུའི་རྣམ་གྲངས་གསར་སྤེལ་ཡག་པོ་བྱེད་པ་དང་ཆབས་ཅིག་ཧྭ་གློག་བོད་ལྗོངས་ཀུང་སིས་ས་གནས་དེ་གའི་ཁྱད་ལྡན་ཐོན་ལས་འཕེལ་རྒྱས་གཏོང་བར་དེ་བས་གཙིགས་ཆེན་བྱས་ཡོད། འཇོ་མདའ་རྫོང་སྤོ་ལོ་ཤང་ཝེ་འཕྲང་གྲོང་ཚོར་བོད་བཟོའི་ཤིང་བརྐོས་ཀྱི་ཕ་ཡུལ་ཞེས་བརྗོད་སྲོལ་ཡོད། སྤོ་ལོ་སྐུ་ཚེའི་ཤིང་པར་རྐོ་རྩལ་ནི་རྒྱལ་ཁབ་རིམ་པའི་མངོན་མིན་རིག་གནས་ཤུལ་བཞག་རེད། ཧྭ་གློག་བོད་ལྗོངས་ཀུང་སིའི་གྲོང་སྡོད་ཏང་ཀྲི་པུས་རྩ་འཛུགས་ཀྱི་ལེགས་ཆ་དང་། གཞི་ཁྱོན་གྱི་ལེགས་ཆ། རྣམ་གྲངས་ཅན་གྱི་གཉེར་སྐྱོང་ལེགས་ཆ་བཅས་ཏན་ཏན་ཏིག་ཏིག་གི་དཔལ་འབྱོར་ཕན་འབྲས་སུ་བསྒྱུར་བ་བྱེད་པ་དང་། རྨུགས་སངས་ཤིང་བརྐོས་ཀུང་སི་མཐུན་སྦྱོར་བྱས་ནས་བཙུགས་ཏེ“ཏང་འཛུགས་སྐྱོང+གྲོང་ཚོའི་མཉམ་སྡེབ་དཔལ་འབྱོར”གྱི་འཕེལ་རྒྱས་རྣམ་པ་བརྒྱུད་རྨུགས་སངས་ཤིང་བརྐོས་ཀུང་སི་དེ་བཟོ་རྩལ་ཐོན་རྫས་རྐོ་དཀྲོལ་དང་བཟོ་རྩལ་ཐོན་རྫས་པར་འདེབས་ཀྱི་ལས་སྒོ་མང་པོ་གཅིག་ཏུ་འདུས་པའི་ཝེ་འཕྲང་གྲོང་ཚོའི་ཀ་རྟེན་རྣམ་པའི་ཁེ་ལས་ཤིག་ཏུ་བསྐྲུན་ནས་མི་120ལས་ཞུགས་ཐུབ་ཡོད། སྒོར་ཁྲི་4000ཟིན་པའི་ལོ་10རིང་གི་དངོས་ཟོག་མཁོ་འདོན་གྱི་གྲོས་མཐུན་འཇོག་རོགས་བྱས་པ་དང་འབྲེལ་སྒོར་ཁྲི་6000ཟིན་པའི་དངོས་ཟོག་མཁོ་འདོན་གྱི་གན་རྒྱ་འདོད་མོས་བྱུང་བས་མང་ཚོགས་ལ་རིམ་རྩིས་བྱས་ན་འབབ་འཕར་སྒོར་ཁྲི་710ལྷག་ཙམ་བྱུང་ཡོད།

“སེམས་འབྲེལ་ཟམ་པ”བཙུགས་ནས“མི་སེམས་དྲོ་བའི་བྱ་བཟང”ཡག་པོ་བསྒྲུབས་པ།

ཧྭ་གློག་བོད་ལྗོངས་ཀུང་སིའི་ཏང་ཨུད་ཀྱིས་ཏང་གི་ལོ་རྒྱུས་སློབ་སྦྱོང་སློབ་གསོ་གོ་སྐབས་སུ་བྱས་ཏེ། ཏང་ཀྲི་པུའི་དམག་འཐབ་མཁར་རྫོང་གི་ནུས་པ་དང་ཏང་ཡོན་གྱི་གདོང་ལེན་དཔེ་བཟང་གི་ནུས་པ་འདོན་སྤེལ་གང་ལེགས་བྱེད་པ་དང་། མང་ཚོགས་ཀྱི་ཁེ་ཕན་དང་གཞི་རིམ་བཅོས་སྐྱོང་དང་འབྲེལ་བའི་འགག་རྩའི་ལྷུ་ཚིགས་ལ་དམིགས་པ། “ངས་མང་ཚོགས་ལ་བྱ་བ་དངོས་སྒྲུབ་པའི”ལམ་སྲོལ་འཛུགས་པ་དང་འཐུས་སྒོ་ཚང་དུ་གཏོང་བ་བཅས་བྱས་ཏེ། བྱ་བ་དངོས་སྒྲུབ་པ་དེ་གྲོང་གསེབ་དར་རྒྱས་དང་མཉམ་འདྲེས་གཏིང་ཟབ་བྱས་ནས་ས་གནས་དེ་གའི་མང་ཚོགས་ཀྱི་ཐོབ་སྣང་དང་། སྐྱིད་སྣང་། བདེ་འཇགས་ཚོར་སྣང་བཅས་ཟབ་ཏུ་ཏན་ཏིག་བཏང་ཡོད།

ཝེ་འཕྲང་གྲོང་ཚོར་ཧྭ་གློག་བོད་ལྗོངས་ཀུང་སིའི་གྲོང་སྡོད་ཏང་ཀྲི་པུས་གྲོང་སྡོད་རོགས་སྐྱོར་ཏང་ཡོན་ཞབས་ཞུ་རུ་ཁག་བཙུགས་ནས་ཤིང་བརྐོས་འགྲེམས་ཁང་བསྐྲུན་རྒྱུར་སྐུལ་འདེད་བཏང་བ་དང་། འཕྲིན་གཏོང་ས་ཚིགས་2མཐུན་སྦྱོར་བྱས་ནས་་བཙུགས་པ། མ་དངུལ་སྒོར་ཁྲི་45.5བཏང་ནས་དུད་ཚང་57གྱི་གྲོང་མིའི་གསང་སྤྱོད་སྒྱུར་བཅོས་བྱས་ཡོད། 2022ལོའི་ལོ་སྟོད་ཁོ་ནར་སྒོ་རྩར་བསྐྱོད་དེ་དམངས་ཕན་ཞབས་ཞུ་ཐེངས་25སྤེལ་ནས། མང་ཚོགས་ཀྱི་དུས་ཚིགས་རང་བཞིན་གྱི་ཆུ་སྤྱོད་དཀའ་བའི་གནད་དོན་བསལ་བ་དང་། གྲོང་མིར་དབྱར་རྩྭ་དགུན་འབུ་དང་རི་སྐྱེས་ཤ་མོ་སོགས་ཁྱད་ལྡན་ཞིང་ལས་ཐོན་རྫས་འཚོང་རོགས་བྱས་པར་ཡོང་འབབ་སྒོར་ཁྲི་27.5བྱུང་བ་ལ་སོགས་མི་སེམས་དྲོ་བའི་བྱ་བཟང་མང་པོ་ཞིག་ལ་མང་ཚོགས་ཀྱི་བསྔགས་བརྗོད་ཐོབ་ཡོད།

ཤེས་ལྡན་མི་སྣ་གསོ་སྐྱོང་བྱ་རྒྱུ་ནི་གྲོང་གསེབ་དར་རྒྱས་ཀྱི་འགག་རྩའི་རྒྱུ་རྐྱེན་ཞིག་རེད། ཧྭ་གློག་བོད་ལྗོངས་ཀུང་སིའི་ཏང་ཨུད་ཀྱིས“གཏན་འཁེལ་གསུམ་གྱི་གསོ་སྐྱོང”(གནས་གཏན་འཁེལ་གྱི་སློབ་བསྡུ་དང་། གནས་གཏན་འཁེལ་གྱི་གསོ་སྐྱོང། གནས་གཏན་འཁེལ་གྱི་བཀོད་སྒྲིག)གསར་གཏོད་ལག་བསྟར་བྱས་ནས། “སློབ་གསོའི་རོགས་སྐྱོར་དང་། ལས་ཞུགས་བཀོད་སྒྲིག ཁྱིམ་ཚང་ཡོངས་ཕྱུག་འགྱུར”བཅས་གཞི་གཅིག་ཅན་གྱི་ཕུགས་ཕན་རོགས་སྐྱོར་བྱེད་ཐབས་གསར་པ་འཚོལ་ཞིབ་བྱས་ནས་སྒྲུབ་ཅིང་། མིག་སྔར་གནས་གཏན་འཁེལ་གྱི་གསོ་སྐྱོང་སློབ་མ་14ཧྭ་གློག་ཁོངས་གཏོགས་ཀྱི་གློག་ཁང་དུ་ལས་ཀ་བྱེད་བཞིན་ཡོད། རིམ་རྩིས་བྱས་ན་ཐེམ་ཁུངས་བོད་ནས་ཡིན་པའི་སློབ་ཐོན་སློབ་མ་39བསྡུས་པ་དང་། ཁོངས་གཏོགས་གློག་ཁང་གི་འཛུགས་སྐྲུན་ནང་ཞུགས་མཁན་ཚན་པ་སྒྲིག་འཛུགས་བྱས་ཏེ་ཐེམ་ཁུངས་བོད་ནས་ཡིན་པའི་སློབ་ཐོན་སློབ་མ་87བསྡུས་པར་ཤེས་ལྡན་མི་སྣ་རང་ལོག་ཐུབ་ནས་གྲོང་གསེབ་དར་རྒྱས་ཡོང་ཆེད་ཤེས་ལྡན་མི་སྣའི་གསོན་ཤུགས་བསྣན་ཡོད།