ལེའོ་ཉིང་ཞིང་ཆེན་གྱི“ཚོགས་སྒྲིག་རྣམ་པའི”བོད་སྐྱོར་སྨན་བཅོས་རུ་ཁག་ཁག་ལྔ་པས་2021ལོའི་ཟླ་གསུམ་པ་ནས་བཟུང་བོད་སྐྱོར་ལས་དོན་སྤེལ་ཚུན།　ཤེས་ལྡན་མི་སྣ་གསོ་སྐྱོང་དང་།　ཚན་ཁག་འཛུགས་སྐྲུན།　སྨན་ཁང་དོ་དམ།　ས་མཐོའི་གསོ་རིག་ཞིབ་འཇུག་བཅས་ལ་ཚད་བརྒལ་རང་བཞིན་གྱི་གྲུབ་འབྲས་ཐོབ་པ་དེས་ས་བབ་ཧ་ཅང་མཐོ་བའི་ས་ཁུལ་དུ་ལས་ཀ་བྱེད་མཁན་དང་འཚོ་བ་སྐྱེལ་མཁན་ལས་བྱེད་པ་དང་མང་ཚོགས་ཚོར་སྔར་བས་འཐུས་སྒོ་ཚང་བའི་སྨན་བཅོས་ཞབས་ཞུ་མཁོ་འདོན་ཐུབ་ཅིང་།　བདེ་ཐང་ནག་ཆུའི་ལེའུ་གསར་པ་རྩོམ་ཕྱིར་འབུལ་དགོས་ངེས་ཀྱི་ལེགས་སྐྱེས་ཧུར་ཐག་ཕུལ་ཡོད།

ལས་དོན་རུ་ཁག་གིས་མཐུན་སྦྱོར་ཧུར་ཐག་བྱས་པ་བརྒྱུད།　ལེའོ་ཉིང་ཞིང་ཆེན་གྱི་འབྲེལ་ཡོད་རོགས་སྐྱོར་སྨན་ཁང་གིས་རྒྱང་བསྟེན་སྒྲ་རླབས་དང་།　རྒྱང་བསྟེན་སྙིང་པར།　རྒྱང་བསྟེན་ཀླད་པར་སོགས་ཀྱི་ཞིབ་བཤེར་བྱེད་སྟངས་ལ་བརྟེན་ནས་ནག་ཆུའི་མི་རིགས་ཁག་གི་མང་ཚོགས་ལ་རང་ཁྱིམ་གྱི་སྒོ་རྩར་སྨན་བཅོས་ཞབས་ཞུ་སྤུས་ལེགས་ལོངས་སྤྱོད་ཐུབ་པར་བྱས་ཤིང་།　མིག་སྔའི་བར་རྒྱང་བསྟེན་ནད་དཔྱད་ཐེངས་13876བྱས་པ་དང་།　སྨན་ཁང་གི“ལྟེ་གནས་ཆེན་པོ་ལྔ”（ཉེན་ཆེའི་སྦྲུམ་མ་སྐྱོབ་བཅོས་ལྟེ་གནས་དང་།　ཉེན་ཆེའི་ཕྲུ་གུ་དམར་འབྱར་དང་བྱིས་པ་སྐྱོབ་བཅོས་ལྟེ་གནས།　གཟའ་གྲིབ་སྨན་བཅོས་ལྟེ་གནས།　བརྡབས་སྐྱོན་སྨན་བཅོས་ལྟེ་གནས།　བྲང་གཟེར་སྨན་བཅོས་ལྟེ་གནས）བསྐྲུན་རྒྱུར་སྐུལ་འདེད་བརྟན་པོ་བཏང་ཞིང་།　ཉེན་ཆེའི་སྦྲུམ་མ་སྐྱོབ་བཅོས་ལྟེ་གནས་དེ་2021ལོའི་ཟླ་12པར་གྲོང་ཁྱེར་རིམ་པའི་ཞིབ་དཔྱད་གཏན་འཁེལ་གྱི་ཚད་ལོན་ནས་བཙུགས་པ་དང་།　དེས་ད་བར་ནད་པ་ཁྱོན་220ལྷག་ཙམ་སྲོག་ཉེན་ལས་བསྐྱབས་ནས་སྨན་བཅོས་བྱས་ཡོད།　དོས་དྲག་ནད་པ་སྐྱོབ་བཅོས་བྱ་བར་སྔར་བས་ཤུགས་སྣོན་རྒྱག་ཆེད།　2022ལོའི་ཟླ་དང་པོར་ནག་ཆུ་གྲོང་ཁྱེར་གྱི་120བཀོད་གཏོང་ལྟེ་གནས་མཐུན་སྦྱོར་བྱས་ནས་བཙུགས་ཡོད།