
འདི་ནི་རླངས་འཁོར་ཉམས་བཟོའི་འཛིན་གྲྭའི་དགེ་རྒན་དང་སློབ་མས་རླངས་འཁོར་ལ་སྐྱོན་ཤོར་སྐབས་ཉམས་བཟོ་ཇི་ལྟར་བྱེད་དགོས་ལུགས་དཔེ་སྟོན་བྱེད་བཞིན་པ།

འདི་ནི་ཀྲུང་ལུགས་དང་ཕྱི་ལུགས་ཀྱི་ཀེག་འཛིན་གྲྭའི་སློབ་མས་རང་གི་བཟོས་པའི་ཀེག་སྟོན་བཞིན་པ།
ཉེ་ཆར། ཉིང་ཁྲི་གྲོང་ཁྱེར་ལས་རིགས་ལག་རྩལ་སློབ་གྲྭས་2022ལོའི་ལས་རིགས་སློབ་གསོའི་གྲུབ་འབྲས་འགྲེམས་སྟོན་བྱས་པ་དང་སློབ་གྲྭ་ཡོངས་ཀྱི་སློབ་མ་སྒྲིག་འཛུགས་བྱས་ནས་རྩལ་ནུས་འགྲེམས་སྟོན་དང་ལག་རྩལ་འགྲན་བསྡུར་བྱས་པ་མ་ཟད། གསར་དུ་བཟོ་བཅོས་བརྒྱབ་པའི་ལས་རིགས་སློབ་གསོའི་བཅའ་ཁྲིམས་དྲིལ་བསྒྲགས་རྒྱ་ཁྱབ་བྱས་པ་རེད། ད་ཐེངས་ཀྱི་བྱེད་སྒོ་སྤེལ་བ་བརྒྱུད་མི་དེ་བས་མང་བས་ཟུར་ཚད་མང་པོ་དང་ཕྱོགས་ཡོངས་ནས་ལས་རིགས་སློབ་གསོའི་འཕེལ་རྒྱས་ཤེས་རྟོགས་དང་ལས་རིགས་སློབ་གསོའི་གྲུབ་འབྲས་ཉམས་ལེན་ཐུབ་སྟེ་སྤྱི་ཚོགས་ཡོངས་སུ་ལས་རིགས་སློབ་གསོར་ཐུགས་ཁུར་དང་རྒྱབ་སྐྱོར་ཆེན་པོ་བྱེད་པའི་རྣམ་པ་བཟང་པོ་ཆགས་པར་སྐུལ་འདེད་བཏང་ཡོད།