འདི་ནི་ཡུལ་སྐོར་བས་ཕོ་བྲང་པོ་ཏ་ལའི་ཐང་ཆེན་དུ་དྲན་རྟེན་པར་རྒྱག་བཞིན་པ།
ཡུལ་སྐོར་ཁྲོམ་རའི་ཡིད་ཆེས་ཆེ་རུ་ནུས་ལྡན་བཏང་ནས་འཛད་སྤྱོད་ལ་སྔར་བས་སྐུལ་ཁྲིད་བྱེད་ཆེད། རང་ལྗོངས་ཀྱིས་ཡུལ་དེ་གའི་ཡུལ་སྐོར་གྱི་གཟིགས་སྐྱོང་བྱ་དགའ(ཁ་གསབ)སྤྲོད་པའི་བྱ་ཐབས་ཁག་12བཏོན་པ་དང་། སྒོར་ཁྲི་3000གི་ཡུལ་སྐོར་འཛད་སྤྱོད་ཤོག་བྱང་སྤྲད་ནས་ལྗོངས་ནང་ཁུལ་གྱི་ཡུལ་སྐོར་གྱི་གསོན་ཤུགས་འཕེལ་བར་བྱས་ཡོད། གནམ་གཤིས་དྲོ་རུ་འགྲོ་བ་དང་བསྟུན་ནས་གངས་ལྗོངས་ས་མཐོར་ནམ་དུས་སྐྱིད་ཤོས་དེ་ཤར། རང་ལྗོངས་ཀྱི་ཡུལ་སྐོར་ཁྲོམ་ར་རྒྱུན་མཐུད་འཁྲུག་ཆ་དོད་དུ་ཕྱིན་ནས་ས་ཁུལ་ཁག་གི་མང་ཚོགས་དང་ཡུལ་སྐོར་བ་གཅིག་རྗེས་གཉིས་མཐུད་ངང་སྤྱི་གླིང་དང་ཡུལ་སྐོར་མཛེས་ལྗོངས་ཁུལ་དུ་འཆམ་འཆམ་བྱེད་ཞོར་མཛེས་ལྗོངས་ལ་རོལ་བ་དང་པར་རྒྱག་གིན་མཛེས་སྡུག་ལྡན་པའི་འཚོ་བར་རོལ་བཞིན་ཡོད།