ཉེ་ཆར། རང་ལྗོངས་ཀྱིས་དོན་དངོས་དང་ཟུང་འབྲེལ་བྱས་ཏེ། 《བོད་རང་སྐྱོང་ལྗོངས་ཀྱི་སྡོད་ཁང་སྤྱི་གསོག་མ་དངུལ་ལེན་པའི་སྐོར་ལ་དོ་དམ་བྱེད་པའི་གནས་སྐབས་ལག་བསྟར་བྱ་ཐབས》བཟོས་ཤིང་། བྱ་ཐབས་དེ་བོད་རང་སྐྱོང་ལྗོངས་ཀྱི་སྲིད་འཛིན་ས་ཁོངས་སུ་སྡོད་ཁང་སྤྱི་གསོག་མ་དངུལ་འཇལ་མཁན་ཚོས་མ་དངུལ་ལེན་པའི་སྐོར་ལ་དོ་དམ་བྱེད་པའི་ཐད་སྤྱོད་རྒྱུ་རེད།
སྤྱི་གསོག་མ་དངུལ་ལེན་ཆོག་པའི་ཁྱབ་ཁོངས། བྱ་ཐབས་དེའི་གཏན་འབེབས་ལྟར། ལས་བཟོར་གཤམ་གྱི་གནས་ཚུལ་འདི་དག་ལས་རིགས་གཅིག་ཡོད་ཚེ་སྡོད་ཁང་སྤྱི་གསོག་མ་དངུལ་ལེན་པའི་རེ་འདུན་ཞུ་ཆོག
གཅིག བདག་དབང་ཡོད་པའི་སྡོད་ཁང་ཉོས་པ།
གཉིས། བདག་དབང་ཡོད་པའི་སྡོད་ཁང་གསར་སྐྲུན་དང་། བསྐྱར་སྐྲུན། ཉམས་གསོ་ཆེན་པོ་བཅས་བྱེད་པ།
གསུམ། ཁང་གླ་འཇལ་བར་སྤྱོད་པ།
བཞི། རང་ལྗོངས་སུ་མ་དངུལ་བཏང་ནས་བདག་དབང་ཡོད་པའི་གྲོང་ཁྱེར་དང་གྲོང་རྡལ་གྱི་ཁུལ་ཆུང་རྙིང་པའི་སྒྱུར་བཀོད་རྣམ་གྲངས་སམ་ཡང་ན་སྡོད་ཁང་དུ་གློག་སྐས་སྒར་བར་སྤྱོད་པ།
ལྔ། རང་ཉིད་དམ་ཡང་ན་བཟའ་ཟླ་དང་། ཕ་མ། བཟའ་ཟླའི་ཕ་མ། ཕྲུ་གུ་བཅས་ལ་ནད་གཞི་ཚབས་ཆེན་ཕོག་པ།
དྲུག སྡོད་ཁང་ཉོས་པའི་དངུལ་བུན་གྱི་མ་སྐྱེད་འཇལ་བར་སྤྱོད་པ།
བདུན། སྡོད་ཁང་གི་དངུལ་བུན་གཙང་འཇལ་བྱེད་པར་སྤྱོད་པ།
བརྒྱད། ལས་ཁུངས་དང་ངལ་རྩོལ་གྱི་འབྲེལ་བ་མཚམས་འཇོག་གམ་མེད་པར་བཟོས་ནས། ས་ཆ་གཞན་དུ་མུ་མཐུད་མ་དངུལ་འཇལ་བཅོལ་མེད་པ་མ་ཟད། རྩིས་ཕྲ་བཀག་ཉར་བྱས་ནས་ཟླ་བ་དྲུག་སོང་བ།
དགུ། ལས་བྲལ་ངལ་གསོ་དང་རྒན་ཡོལ་ཞུས་པ།
བཅུ། ཕྱི་རྒྱལ་དུ་གཞིས་ཆགས་པ།
བཅུ་གཅིག ངལ་རྩོལ་གྱི་ནུས་པ་ཡོངས་སུ་ཤོར་བ་མ་ཟད། ཚན་པ་དང་ངལ་རྩོལ་གྱི་འབྲེལ་བ་མཚམས་བཞག་པ།
བཅུ་གཉིས། ཚེ་ལས་འདས་པའམ་ཚེ་ལས་འདས་པ་ཁྱབ་བསྒྲགས་བྱས་པ(ལས་བཟོའི་ཁྲིམས་མཐུན་གྱི་ཤུལ་འཛིན་པའམ་ཡང་ན་ཤུལ་དངོས་ལེན་མཁན་གྱིས་རེ་འདུན་ཞུ་བ)