ཚེས་7ཉིན་གྱི་སྔ་དྲོར། རང་སྐྱོང་ལྗོངས་ནོར་སྲིད་ཐིང་གིས་གསར་འགྱུར་ཡོངས་བསྒྲགས་ཚོགས་འདུ་འཚོགས་ནས་ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན་གྱི་རང་ལྗོངས་ཀྱི་ནོར་སྲིད་འཕེལ་རྒྱས་ཀྱི་གྲུབ་འབྲས་ངོ་སྤྲོད་བྱས་པ་རེད།

གསར་འགོད་པས་ཡོངས་བསྒྲགས་ཚོགས་འདུའི་ཐོག་ནས་ཤེས་རྟོགས་བྱས་པར། ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན། རང་ལྗོངས་ཀྱི་ནོར་སྲིད་སྲིད་ཇུས་ཟམ་མི་ཆད་པར་ལེགས་སུ་དང་སྒྱུར་བཅོས་ཟབ་ཏུ་བཏང་བས་ནོར་སྲིད་ཀྱི་གཏོང་ཡོང་གཞི་ཁྱོན་གྱིས་ཟིན་ཐོ་གསར་པ་བསྟུད་མར་བཏོད་པ་དང་ནོར་སྲིད་འགན་ལེན་ནུས་པ་མངོན་གསལ་དོད་པོས་ཆེ་རུ་ཕྱིན་ཞིང་། 2012ལོ་ནས་2021ལོའི་བར་ལྗོངས་ཡོངས་ཀྱི་སྤྱིར་བཏང་གི་སྤྱི་པའི་སྔོན་རྩིས་ཡོང་འབབ་ཀྱི་བསྡོམས་འབོར་སྒོར་དུང་ཕྱུར་16420.6ཟིན་ནས་ལོར་ཆ་སྙོམས་11.5%འཕར་ཡོད། དེའི་ནང་ཀྲུང་དབྱང་གི་ཁ་གསབ་ཡོང་འབབ་སྒོར་དུང་ཕྱུར་14746.8ཟིན་ནས་ལོར་ཆ་སྙོམས་11.5%འཕར་བ་དེས་ཡོང་འབབ་བསྡོམས་འབོར་གྱི་90%བཟུང་ཡོད། 2012ལོ་ནས་2021ལོའི་བར་ལྗོངས་ཡོངས་ཀྱི་སྤྱིར་བཏང་གི་སྤྱི་པའི་སྔོན་རྩིས་གཏོང་སྒོའི་བསྡོམས་འབོར་སྒོར་དུང་ཕྱུར་16152.9ཟིན་ནས་ལོར་ཆ་སྙོམས་9.4%འཕར་ཡོད། 80%ཡན་གྱི་ནོར་སྲིད་གཏོང་སྒོ་དེ་ཞིང་ནགས་ཆུ་གསུམ་དང་། སློབ་གསོ། སྨན་བཅོས་འཕྲོད་བསྟེན། རིག་གནས་ལུས་རྩལ་དང་སྨྱན་སྦྱོར་ཚོགས་པ། སྤྱི་པའི་བདེ་འཇགས། སྤྱི་ཚོགས་འགན་སྲུང་དང་ལས་ཞུགས། སྡོད་ཁང་འགན་ལེན་སོགས་དམངས་འཚོའི་གཙོ་གནད་ཁྱབ་ཁོངས་སུ་སྤྱད་པས། གཞི་རྩའི་སྤྱི་པའི་ཞབས་ཞུ་འགན་ལེན་ནུས་པ་སྔར་བས་ཆེ་རུ་ཕྱིན་པ་དང་དམངས་འཚོའི་བདེ་རྩ་སྔར་བས་ལེགས་སུ་ཕྱིན་ཡོད།

ཤེས་རྟོགས་བྱུང་བར་གཞིགས་ན། ལོ་བཅུའི་རིང་རང་སྐྱོང་ལྗོངས་ནོར་སྲིད་ཀྱིས་རིམ་རྩིས་བྱས་ན། དབུལ་སྒྲོལ་འགག་སྒྲོལ་ལ་མ་དངུལ་སྒོར་དུང་ཕྱུར་753.9བཏང་བ་དང་ལོ་རེར་ཆ་སྙོམས་འཕར་ཚད་10%ལས་བརྒལ་ནས་དུས་ཡུན་རིང་པོར་གནས་པའི་དབུལ་པོ་དབུལ་རྐྱང་གི་གནད་དོན་བསལ་ཡོད། ལྗོངས་ཡོངས་ཀྱི་སྤྱིར་བཏང་གི་སྤྱི་པའི་སྔོན་རྩིས་ནང་། སློབ་གསོའི་གཏོང་སྒོ་སྒོར་དུང་ཕྱུར་94.5ནས་སྒོར་དུང་ཕྱུར་259.1བར་འཕར་བ་དང་། སྤྱི་ཚོགས་འགན་སྲུང་དང་ལས་ཞུགས་ཀྱི་གཏོང་སྒོ་སྒོར་དུང་ཕྱུར་65.5ནས་སྒོར་དུང་ཕྱུར་194བར་འཕར་བ། འཕྲོད་བསྟེན་དང་བདེ་ཐང་གི་གཏོང་སྒོ་སྒོར་དུང་ཕྱུར་36.1ནས་སྒོར་དུང་ཕྱུར་115.3བར་འཕར་བ། གྲོང་ཁྱེར་དང་གྲོང་གསེབ་ཀྱི་སྡེ་ཁུལ་ལས་དོན་གྱི་གཏོང་སྒོ་སྒོར་དུང་ཕྱུར་31.5ནས་སྒོར་དུང་ཕྱུར་106.8བར་འཕར་བ། འགྲིམ་འགྲུལ་སྐྱེལ་འདྲེན་གྱི་གཏོང་སྒོ་སྒོར་དུང་ཕྱུར་94.3ནས་སྒོར་དུང་ཕྱུར་323.9བར་འཕར་ནས་མི་དམངས་མང་ཚོགས་ཀྱི་འཚོ་བའི་ཆུ་ཚད་མངོན་གསལ་དོད་པོས་ལེགས་སུ་ཕྱིན་པ་དང་སྐྱིད་སྣང་དང་། བདེ་སྣང་། བདེ་འཇགས་ཚོར་སྣང་བཅས་ཧ་ཅང་ཆེ་རུ་ཕྱིན་ཡོད། རིགས་ཁག་གི་སྐྱེ་ཁམས་ཁ་གསབ་དང་སྐྱེ་ཁམས་བྱེད་ནུས་ཁུལ་གལ་ཆེན་གྱི་སྤོ་སྒྱུར་གཏོང་སྤྲོད་མ་དངུལ་ཁྱོན་བསྡོམས་སྒོར་དུང་ཕྱུར་836.56དོན་འཁྱོལ་བྱས་པ་དང་ནགས་ཚལ་དང་། འདམ་ར། རྩྭ་ཐང་བཅས་ཀྱི་སྐྱེ་ཁམས་ཕན་འབྲས་ཁ་གསབ་ལམ་སྲོལ་འཐུས་ཚང་དུ་བཏང་བས་ཞིང་འབྲོག་མང་ཚོགས་ལ་སྐྱེ་ཁམས་ཀྱི་ཕན་འབྲས་ཐོབ་ཡོད། མཐའ་མཚམས་ས་ཁུལ་གྱི་སྤོ་སྒྱུར་གཏོང་སྤྲོད་མ་དངུལ་ཁྱོན་བསྡོམས་སྒོར་དུང་ཕྱུར་130.2དོན་འཁྱོལ་བྱས་ཏེ་མཐའ་མཚམས་མི་སེར་གྱི་ཁ་གསབ་ཚད་གཞི་མཐོ་རུ་ཤུགས་ཆེན་བཏང་བ་དང་མཐའ་སྲུང་མི་སྣའི་ཁ་གསབ་ལམ་ལུགས་བཟོས་ཏེ་མཐའ་མཚམས་འཕེལ་རྒྱས་ཀྱི་ནུས་པ་ཆེ་རུ་བཏང་ཡོད། ཁྱོན་བསྡོམས་མ་དངུལ་སྒོར་དུང་ཕྱུར་1663བསྡུ་སྒྲིལ་བྱས་ཏེ་མཐའ་མཚམས་ཀྱི་འབྱོར་འབྲིང་གྲོང་ཚོ་624ཚང་མ་འཛུགས་སྐྲུན་ཟིན་ཡོད།