ལྷ་ས་གྲོང་ཁྱེར་དབང་པོ་སྐྱོན་ཅན་མཉམ་འབྲེལ་ལྷན་ཚོགས་ཀྱིས་གྲོང་ཁྱེར་ཡོངས་ཀྱི་རྣ་ཤེད་ཉམས་པའི་བྱིས་པར་ཐོས་ཆས་རིན་མེད་སྒྲིག་པའི་སྤྱི་བསྒྲགས།

རྒྱ་ཆེའི་རྣ་ཤེད་ཉམས་པའི་བྱིས་པའི་ཁྱིམ་བདག་དང་ལྟ་སྐྱོང་མཁན་རྣམ་པ། 

རྣ་ཤེད་ཉམས་པའི་བྱིས་པས་ཕྱི་རོལ་ཡུལ་གྱི་སྒྲ་ཐོས་ཐུབ་པ་དང་རྣ་ཤེད་ཉམས་པའི་བྱིས་པའི་བདེ་ཐང་འཚར་ལོངས་ལ་སྐུལ་འདེད་བཏང་སྟེ། དབང་སྐྱོན་བྱིས་པའི་འཚོ་བ་དང་སློབ་སྦྱོང་གི་སྤུས་ཚད་དང་སྤྱི་ཚོགས་ཀྱི་བྱེད་སྒོར་ཞུགས་ནུས་སྔར་བས་ཆེ་རུ་གཏོང་ཆེད། ལྷ་ས་གྲོང་ཁྱེར་དབང་པོ་སྐྱོན་ཅན་མཉམ་འབྲེལ་ལྷན་ཚོགས་ཀྱིས་ཐོས་ཆས་སྒྲིག་དགོས་ངེས་ཚང་མར་སྒྲིག་པའི་རྩ་དོན་ལ་གཞིགས་ནས། གྲོང་ཁྱེར་ཡོངས་ཀྱི་རྣ་ཤེད་ཉམས་པའི་བྱིས་པར་ཕྱོགས་ཏེ་ཐོས་ཆས་རིན་མེད་སྒྲིག་པའི་བྱེད་སྒོ་སྤེལ་རྒྱུ་རེད། རྣམ་གྲངས་བདེ་བླག་ངང་སྤེལ་ཐུབ་པ་དང་ཆ་རྐྱེན་འཛོམས་པའི་རྣ་ཤེད་ཉམས་པའི་བྱིས་པར་དྲག་སྐྱེད་ཞབས་འདེགས་ལོངས་སྤྱོད་གནད་སྨིན་ཐུབ་ཆེད། ཆེད་དུ་སྤྱི་བསྒྲགས་བྱེད་རྒྱུ་གཤམ་གསལ།

གཅིག སྒྲིག་ཆོག་པའི་མི།

ཕྲུ་གུ་དམར་འབྱར་ནས་ལོ་16བར་གྱི་རྣ་ཤེད་ཉམས་པའི་བྱིས་པ།

གཉིས། སྒྲིག་པའི་ཆ་རྐྱེན།

ལྷ་ས་གྲོང་ཁྱེར་གྱི་ཐེམ་ཐོའམ(ལྷ་ས་གྲོང་ཁྱེར་གྱི་རྫོང་དང་ཆུས་ཁག་ཚུད)ཡང་ན་རྒྱལ་ཡོངས་དབང་པོ་སྐྱོན་ཅན་གྱི་ལག་ཁྱེར་རབས་གཉིས་པ་ཡོད་པ།

གསུམ། མིང་ཐོ་འགོད་པའི་དུས་ཚོད།

ཟླ་4ཚེས་24ཉིན་ནས་ཟླ་5ཚེས་5ཉིན་བར།

བཞི། མིང་ཐོ་འགོད་ས།

ལྷ་ས་གྲོང་ཁྱེར་དབང་པོ་སྐྱོན་ཅན་མཉམ་འབྲེལ་ལྷན་ཚོགས(ཁྲེང་ཀོན་ཆུས་རྔ་ཆེན་ཤང་གུར་ས་བཀོད་སྒྲིག་སྡེ་ཁུལ་འགྲམ་གྱི་འཛུགས་སྐྲུན་ལམ་སྒོ་རྟགས་2པ)

ལྔ། སྒྲིག་པའི་དུས་ཚོད།

ཟླ་5ཚེས་9ཉིན་ནས་ཟླ་5ཚེས་13ཉིན་བར།

དྲུག སྒྲིག་པའི་བརྒྱུད་རིམ།

(གཅིག)སྒྲིག་པའི་ཆ་རྐྱེན་དང་མཐུན་ཞིང་། ཐོས་ཆས་ཀྱི་དགོས་མཁོ་ཡོད་པའི་དབང་སྐྱོན་བྱིས་པའི་ཁྱིམ་བདག་གམ་ཡང་ན་ལྟ་སྐྱོང་མཁན་གྱིས་རྣ་ཤེད་ཉམས་པའི་བྱིས་པའི་ཐེམ་ཐོ་དང་། དབང་པོ་སྐྱོན་ཅན་ལག་ཁྱེར། ལྟ་སྐྱོང་མཁན་གྱི་ཐོབ་ཐང་ལག་ཁྱེར་གྱི་མ་དེབ་དང་དཔར་མ་བཅས་ཁྱེར་ནས་ལྷ་ས་གྲོང་ཁྱེར་དབང་པོ་སྐྱོན་ཅན་མཉམ་འབྲེལ་ལྷན་ཚོགས་ཀྱི་དྲག་སྐྱེད་ལྟེ་གནས་སུ་དགོས་མཁོ་རེ་ཞུའི་རེའུ་མིག་རྒྱོང་དགོས།

(གཉིས)རེ་འདུན་གོང་འབུལ་ཞུས་ནས་ཞིབ་མཆན་ཐོབ་རྗེས། ལྷ་ས་གྲོང་ཁྱེར་དབང་པོ་སྐྱོན་ཅན་མཉམ་འབྲེལ་ལྷན་ཚོགས་དྲག་སྐྱེད་ལྟེ་གནས་ཀྱིས་འབྲེལ་ཡོད་ཆེད་ལས་མི་སྣ་སྒྲིག་འཛུགས་བྱས་ཏེ། རྣ་ཤེད་བརྟག་དཔྱད་དང་། ཐོས་ཆས་སྒྲིག་པ། ཚོད་ལྟ། ཕན་འབྲས་དཔྱད་དཔོག་བཅས་གཅིག་སྡུད་བྱེད་རྒྱུ།

བདུན། འབྲེལ་གཏུག་བྱེད་སྟངས།

འབྲེལ་གཏུག་མི་སྣ། ཀུན་སྐྱིད། རྣམ་སྒྲོལ།

འབྲེལ་གཏུག་ཁ་པར་ཨང་གྲངས། 13298900416       13989914255

སྐད་འཕྲིན། 13298900416

ཡིག་སྒམ། 425417329@qq.com

ལྷ་ས་གྲོང་ཁྱེར་དབང་པོ་སྐྱོན་ཅན་མཉམ་འབྲེལ་ལྷན་ཚོགས་ནས།

2022ལོའི་ཟླ་4ཚེས་22ཉིན།