ལྷ་ས་གྲོང་ཁྱེར་སྟག་རྩེ་ཆུས་ཀྱི་དེང་རབས་ཞིང་ལས་ཐོན་ལས་གླིང་བཙུགས་ཚུན་དུ། ཐོན་ལས་ཀྱི་ཕན་འབྲས་ཆེ་རུ་དང་མང་ཚོགས་ཀྱི་ཡོང་འབབ་མང་དུ་འགྲོ་བར་སྐུལ་འདེད་གཏོང་རྒྱུ་དམིགས་ཚད་དུ་བཟུང་ནས། ལེགས་ཆའི་ཁྱད་ལྡན་ཐོན་ལས་རྒྱ་ཆེར་དང་སྟོབས་ཆེར་བཏང་བ་དང་། འདེབས་འཛུགས་བྱེད་འདོད་ཡོད་པའི་ཞིང་དུད་ཚོར་ཕྱོགས་ཡོངས་ནས་རྒྱབ་སྐྱོར་དང་ཞབས་འདེགས་ཞུས་ཏེ། ཁོང་ཚོར་མྱུག་སོན་དང་། ལག་རྩལ་མཛུབ་ཁྲིད། ཕྱིར་འཚོང་ཐབས་ལམ་བཅས་མཁོ་འདོན་བྱས་ནས་འབབ་འཕར་ཕྱུག་འགྱུར་ཡོང་བར་སྐུལ་ཁྲིད་བྱས་པ་རེད།
འདི་ནི་ཐོན་ལས་གླིང་གི་ལག་རྩལ་པས་ས་གནས་དེ་གའི་མང་ཚོགས་ལ་འདེབས་འཛུགས་ལག་རྩལ་སློབ་བཞིན་པ།