ཉེ་ཆར་གསར་འགོད་པས་འབྲེལ་ཡོད་སྡེ་ཚན་ནས་ཤེས་རྟོགས་བྱས་པར། ཉེ་བའི་ལོ་གསུམ་རིང་སློབ་གསོའི་ཤེས་ལྡན་པའི་ཚོགས་སྒྲིག་རྣམ་པའི་བོད་སྐྱོར་ལས་དོན་གྱིས་ཀྲུང་ཧྭ་མི་རིགས་གཅིག་མཐུན་འདུས་གྲུབ་ཀྱི་འདུ་ཤེས་བརྟན་པོར་འཛུཌ་པ་གཙོ་རྐང་དུ་བྱས་ནས་དགེ་རྒན་གྱི་དཔུང་ཁག་འཛུགས་སྐྱོང་དང་། སློབ་གསོའི་སྤུས་ཚད་མཐོ་རུ་གཏོང་བའི་ལས་འགན་ཆེན་པོ་གཉིས་ལ་དམིཌ་ཏེ། རང་ལྗོངས་ཀྱི་རོགས་སྐྱོར་བྱ་ཡུལ་སློབ་གྲྭ་21གི་བྱ་གཞག་འཕེལ་རྒྱས་ལ་སྐུལ་འདེད་བཏང་བར་ཕན་འབྲས་མངོན་དོད་པོ་ཐོན་ནས་ལྗོངས་ཡོངས་ཀྱི་རྨང་གཞིའི་སློབ་གསོའི་སྤུས་ཚད་སྐས་རིམ་གསར་པ་ཞིག་ཏུ་སླེབས་ཡོད།

ཤེས་རྟོགས་བྱུང་བར་གཞིགས་ན། ཉེ་བའི་ལོ་གསུམ་རིང་སློབ་གསོའི་ཤེས་ལྡན་པའི་ཚོགས་སྒྲིག་བོད་སྐྱོར་ལས་དོན་རུ་ཁག་གིས“ཚོགས་པས་ཚོགས་པ་འཁྲིད་པ་དང་། དགེ་རྒན་གྲགས་ཅན་གྱིས་རྐང་འཛིན་པ་འཁྲིད་པ། དགེ་རྒན་གྱིས་དགེ་ཕྲུག་འཁྲིད་པ”བཅས་ཀྱི་བྱེད་སྟངས་ལག་ལེན་གཏིང་ཟབ་བསྟར་ཏེ། ས་གནས་ཀྱི་དགེ་རྒན་1129ལ་ཆ་སྒྲིག་རོགས་སྐྱོར་དང་། ས་གནས་སློབ་གསོའི་ཤེས་ལྡན་པ་679ཁ་གཏད་རོགས་སྐྱོར་ཞིང་ཆེན་དང་གྲོང་ཁྱེར་ལ་གནས་སྦྱར་སློབ་སྦྱོང་ལ་གཏོང་བ། དགེ་རྒན་གྲགས་ཅན་730གདན་དྲངས་ནས་སྒོ་རྩར་སློབ་ཁྲིད་བཅས་བྱས་ཏེ། ཁོ་ཚོའི་མིག་རྒྱང་རིང་དུ་བཏང་བ་དང་འཇོན་ཐང་ཆེ་རུ་བཏང་བ་དང་། སློབ་ཁྲིད་བྱེད་ཐབས“སློབ་ཁྲིད་ཀྱི་སྤུས་ཚད་ལེགས་སུ་གཏོང་བ”ནས“ཤེས་བྱ་གསར་པ་སློབ་ཁྲིད་བྱེད་པའི”ཕྱོཌ་སུ་སྒྱུར་བར་འཚོལ་ཞིབ་བྱས་ཏེ་ཐོན་ཁུངས་མཉམ་སྤྱོད་དང་རྒྱང་ཁྲིད་སློབ་གསོའི་ལས་སྟེགས་18བསྐྲུན་པ་དང་། གཅིག་སྡུད་སློབ་ཁྲིད་དང་། སློབ་ཚན་ཉན་པ། དཔྱད་མོལ་བྱེད་པ་སོགས་ཀྱི་སློབ་ཁྲིད་སློབ་གསོའི་ཞིབ་འཇུག་བྱེད་སྒོ་5106གཉེར་བ། སློབ་ཁྲིད་བྱེད་ཐབས་215གསར་གཏོད་ལེགས་སྒྲིག་བྱས་ཏེ“ཅིང་བོད་འདུན་པ་ཆེན་པོའི་འཛིན་གྲྭ”སོགས་བོད་སྐྱོར་སློབ་གསོའི་སྤུས་རྟགས་57བཏོད་ཡོད།