ཉེ་ཆར་གསར་འགོད་པས་འབྲེལ་ཡོད་སྡེ་ཚན་ནས་ཤེས་རྟོགས་བྱས་པར་གཞིཌ་ན། སྨན་བཅོས་ཤེས་ལྡན་མི་སྣའི་ཚོགས་སྒྲིག་རྣམ་པའི་བོད་སྐྱོར་བྱས་པ་བརྒྱུད། ལྗོངས་ཡོངས་ཀྱི་མི་དམངས་སྨན་ཁང་ཀ་པ་རིམ་པ་གསུམ་པར་འཛུགས་རོགས་བྱེད་པའི་ལས་དོན་སྤེལ་ནས་རྒྱུན་ཆད་མེད་པར་སྤུས་ཚད་མཐོ་རུ་བཏང་ཞིང་། ལྷ་ས་དང་། གཞིས་རྩེ། ལྷོ་ཁ། ཉིང་ཁྲི། ཆབ་མདོ། ནག་ཆུ་བཅས་ཀྱི་གྲོང་ཁྱེར་མི་དམངས་སྨན་ཁང་6ཀ་པ་རིམ་པ་གསུམ་པའི་སྨན་ཁང་དང་། མངའ་རིས་ས་ཁུལ་མི་དམངས་སྨན་ཁང་ཁ་པ་རིམ་པ་གསུམ་པའི་སྨན་ཁང་ལ་་འགྱུར་བར་རོགས་རམ་བྱས་ཡོད།

2021ལོར་རོགས་སྐྱོར་བྱ་ཡུལ་སྨན་ཁང་གིས་སྒོ་བསྟེན་དུ་ནད་པ་ལྟ་ཚད་དང་། ནད་པ་སྨན་ཁང་དུ་སྡོད་ཚད། ནད་པར་གཤགས་བཅོས་བྱེད་ཚད་བཅས་སོ་སོར་མི་ཐེངས་ཁྲི་205.5དང་། མི་ཐེངས་ཁྲི་9 མི་ཐེངས་ཁྲི་3.18ཟིན་ཡོད། མིག་སྔར་རིམ་རྩིས་བྱས་ན། ནད་གཞི་ལྕི་བའི་ནད་པ་མི་ཐེངས་47516མྱུར་སྐྱོབ་བྱས་པ་དང་། གཤགས་བཅོས་རིམ་པ་གསུམ་པ་དང་བཞི་པ་ཐེངས་60995བྱས་པ། “ནད་གཞི་ཆེ་བ”649རང་ལྗོངས་སུ་བཅོས་པ། “ནད་གཞི་འབྲིང་བ”2503ས་ཁུལ་དང་གྲོང་ཁྱེར་དུ་སྨན་བཅོས་བྱས་ཡོད།