ཏང་གི་ལོ་རྒྱུས་སློབ་སྦྱོང་སློབ་གསོའི་བྱེད་སྒོ་སྤེལ་ཚུན། ལྷོ་ཁ་གྲོང་ཁྱེར་ནོར་སྲིད་ཁྱབ་ཁོངས་ཀྱིས“ངས་དམངས་ལ་བྱ་བ་དངོས་སྒྲུབ་པའི”ལག་ལེན་བྱེད་སྒོ་དང་ཟུང་འབྲེལ་གཏིང་ཟབ་བྱས་ཏེ། འགན་འཁྲི་གཙོ་བོ་དང་ལས་སྒོ་གཙོ་བོ་ལ་དམིགས་པ་དང་། དམངས་འཚོ་དམངས་ཕན་ལ་དམིགས་པ། སྒྲིག་སྲོལ་ལམ་ལུགས་འཛུགས་པར་དམིགས་པ་བཅས་ཕྱོགས་གསུམ་ནས་གནད་སྨིན་ནུས་ཤུགས་བཏོན་ཏེ་མང་ཚོགས་ཀྱི“འཕྲལ་མཁོ་དང་། དཀའ་ངལ། སེམས་ཁྲལ། རེ་སྒུག་བཅས”ཀྱི་བྱ་བ་ཁག་གཅིག་ཐག་གཅོད་ནུས་ལྡན་བྱས་པར། མང་ཚོགས་ཀྱི་བསྔགས་བརྗོད་གཅིག་མཇུག་གཉིས་མཐུད་ངང་ཐོབ་པ་རེད།
ལྷོ་ཁ་གྲོང་ཁྱེར་ནོར་སྲིད་ཅུས་ཏང་ཙུའུ་ཡིས“ངས་དམངས་ལ་བྱ་བ་དངོས་སྒྲུབ་པའི”ལག་ལེན་བྱེད་སྒོ་མིག་སྔའི་ནོར་སྲིད་ཀྱི་ལྟེ་བའི་ལས་དོན་དང་ཟུང་འབྲེལ་ཧུར་ཐག་བྱས་ཏེ། མ་དངུལ་སྒོར་ཁྲི་22475.49དང་འབྲེལ་བའི་ཕྱོགས་5ཡི་ཐད་ཀྱི“ངས་དམངས་ལ་བྱ་བ་དངོས་སྒྲུབ་པའི”གཙོ་གནད་རྣམ་གྲངས་21ཀྱི་གསལ་ཐོ་ལེགས་སྒྲིག་བྱས་ནས་བཟོས་པ་དང་འབྲེལ། སྔོན་རྩིས་ལག་བསྟར་གྱི་རྩིས་བཤེར་བྱས་འབྲས་བེད་སྤྱོད་དང་གླེང་མང་བའི་རྣམ་གྲངས་ཀྱི་བརྒྱུད་རིམ་ཧྲིལ་པོའི་ཕན་འབྲས་དོ་དམ་ལ་ཤུགས་སྣོན་བརྒྱབ་སྟེ། ལག་ལེན་བྱེད་སྒོ་གཏིང་ཟབ་སྤེལ་བར་མྱུར་ལ་ནུས་ལྡན་ངང་སྐུལ་འདེད་བཏང་བས། གཞི་རིམ་གྱི་འཕྲལ་མཁོ་ཆེ་བའི་ཁེ་ལས་དང་མི་དམངས་ལ་ཕན་པའི་ཁྱབ་ཁོངས་སུ་མ་དངུལ་དུས་ཐོག་དང་། གནད་སྨིན། ལས་ཕྱོད་ཆེ་བ་བཅས་ཀྱི་སྒོ་ནས་དོན་འཁྱོལ་ཐུབ་སྟེ་བྱ་བ་བཟང་པོ་ཏན་ཏིག་དང་བྱ་བ་དངོས་ཡག་པོ་སྒྲུབ་ཐུབ་ཡོད།
མིག་སྔའི་བར། ལྷོ་ཁ་གྲོང་ཁྱེར་ནོར་སྲིད་ཅུས་ཀྱིས“ངས་དམངས་ལ་བྱ་བ་དངོས་སྒྲུབ་པའི”གཙོ་གནད་རྣམ་གྲངས་ཀྱི་གསལ་ཐོ་21ནང་ནས་18ལེགས་སྒྲུབ་ཟིན་པ་དང་ལེགས་སྒྲུབ་བྱེད་ཚད་85.7%ཟིན་ཡོད་པ་རེད།
ལག་ལེན་བྱེད་སྒོ་སྤེལ་རིང་། ལྷོ་ཁ་གྲོང་ཁྱེར་གྱིས“སྲིད་གཞུང་གིས་གཏོང་མཁས་སྤྱོད་མཁས་བྱས་ནས་མང་ཚོགས་ཀྱི་འཚོ་བ་སྐྱིད་པོ་ཡོང་བ”དང་མ་དངུལ་ལ་སྤྱི་འདོམས་ཀྱིས་དོན་ཆེན་སྒྲུབ་པ་རྩ་བའི་གཞི་འཛིན་སར་བྱས་ནས། སྤྱིར་བཏང་རང་བཞིན་གྱི་གཏོང་སྒོར་གྲོན་ཆུང་དང་། “གཞུང་གྲོན་གསུམ”ཚོད་འཛིན་ནན་པོ། གྲོན་ཆུང་བྱས་པའི་མ་དངུལ་དམངས་འཚོའི་ཁྱབ་ཁོངས་སུ་བཏང་བས། “ངས་དམངས་ལ་བྱ་བ་དངོས་སྒྲུབ་པར”མ་དངུལ་གྱི་འགན་ལེན་བྱས་ཡོད།
མིག་སྔའི་བར་ལྷོ་ཁ་གྲོང་ཁྱེར་ནོར་སྲིད་ཅུས་ཀྱིས་སྒོར་ཁྲི་5000གྲོང་ཁྱེར་དེའི“ངས་དམངས་ལ་བྱ་བ་དངོས་སྒྲུབ་པའི”ཆེད་སྤྱོད་མ་དངུལ་ལ་བཀོད་སྒྲིག་བྱས་པ་དང་། སྒོར་ཁྲི་1200.5བཏང་ནས་དམིགས་བསལ་ཚོགས་སྤྱིར་འཚམས་འདྲི་བྱས་པ། སྒོར་དུང་ཕྱུར་1བཀོད་སྒྲིག་བྱས་ནས་སྣེ་གདོང་ཆུས་མང་ཚོགས་ཀྱི་ས་ཆ་བསྡུ་ལེན་དང་བཤིག་སྤོའི་གྲོན་དངུལ་ལ་སྤྲད་པ། སྒོར་ཁྲི་1670.63བཀོད་སྒྲིག་བྱས་ནས་དཀའ་ངལ་ཡོད་པའི་མང་ཚོགས་ལ་རོགས་སྐྱོབ་དང་ལྷན་སྐྱེས་སྙིང་ནད་ཕོག་པའི་བྱིས་པའི་སྨན་རིན་ལ་བཏང་བ། མ་དངུལ་སྒོར་ཁྲི་2600བརྩོན་ལེན་བྱས་ནས་གྲོང་གསེབ་དར་རྒྱས་གཏོང་བའི་དཔེ་སྟོན་ས་ཚིགས་འཛུགས་སྐྲུན་ཐད་སྤྱད་པ་བཅས་རེད།