ཚེས་22ཉིན། གསར་འགོད་པར་དམངས་སྤྱོད་མཁའ་འགྲུལ་བོད་ལྗོངས་ཁུལ་ཅུས་དང་སྤྱི་བདེ་ཅུས་འགྲིམ་འགྲུལ་ཉེན་རྟོག་ཉིང་ལག་རུ་ཁག་ནས་ཤེས་རྟོགས་བྱུང་བར་གཞིགས་ན། 2022ལོའི་ཟླ་2ཚེས་21ཉིན་གྱི་མཚན་མོའི་ཆུ་ཚོད་བཅུ་གཉིས་ནས་བཟུང་། ལྷ་ས་གོང་དཀར་གནམ་ཐང་T3གནམ་ཐང་འབབ་ཚུགས་ཁུལ་གྱི་འགྲིམ་འགྲུལ་གྱི་རིག་ནུས་པར་ལེན་མ་ལག་དངོས་སུ་སྤྱོད་འགོ་ཚུགས་འདུག་པས། རྒྱ་ཆེའི་ཁ་ལོ་བ་ཚོས་རང་འགུལ་ངང་འགྲོ་ལམ་འགྲིམ་འགྲུལ་བདེ་འཇགས་ཀྱི་བཅའ་ཁྲིམས་དང་ཁྲིམས་སྲོལ་ལ་བརྩི་སྲུང་ཞུས་ནས་འགྲོ་ལམ་གྱི་འགྲིམ་འགྲུལ་སྒྲིག་སྲོལ་བཟང་པོ་ཐུན་མོང་ཐོག་སྲུང་སྐྱོང་བྱེད་དགོས།

ཞིབ་ཕྲའི་ས་གནས། ལྷ་ས་གོང་དཀར་གནམ་ཐང་T3གནམ་ཐང་འབབ་ཚུགས་ཀྱི་བགྲོད་ལམ་ཚང་མ།

པར་ལེན་ཁྱབ་ཁོངས། འཕྲུལ་སྒུལ་འཁོར་རིགས་ཁྲིམས་འགལ་ངང་འཇོག་པ་དང་། ལམ་སྟོན་བཞིན་མི་བསྐྱོད་པ། བཀག་རྒྱའི་མཚོན་རྟགས་ལས་བརྒལ་བ། བརྡ་རྟགས་ཀྱི་གློག་སྒྲོན་བཞིན་མི་བསྐྱོད་པ། ལྡོག་ཕྱོགས་སུ་བསྐྱོད་པ། ཁ་ལོ་བས་ཉེན་ཐག་བཏགས་མེད་པ་སོགས་འགྲིམ་འགྲུལ་ཁྲིམས་འགལ་བྱེད་སྤྱོད་ཚུད་ཡོད།