2022ལོའི་ལྷ་ས་གྲོང་ཁྱེར་གྱི་ས་ཁམས་མཚོན་རྟགས་སྲུང་སྐྱོང་ཐོན་རྫས་ཀྱི་རེ་ཞུའི་ལས་དོན་ཏན་ཏིག་སྒྲུབ་པ་དང་ས་ཁོངས་ཀྱི་ཁྱད་ལྡན་ཐོན་རྫས་ཀྱི་སྐད་གྲགས་ཆོད་ཚད་དང་ཁྲོམ་རའི་འགྲན་རྩོད་ནུས་པ་ཆེ་རུ་གཏོང་ཆེད། ལྷ་ས་གྲོང་ཁྱེར་ཁྲོམ་ར་ལྟ་འདོམས་ཅུས་ཀྱིས་ས་གནས་ཁྱད་ལྡན་ཐོན་རྫས་ཀྱི་ཤེས་བྱའི་བདག་དབང་གི་རིན་ཐང་སྔོག་འདོན་བྱེད་ཤུགས་ཆེ་རུ་བཏང་ནས། ས་ཁམས་མཚོན་རྟགས་ཀྱི་སྲུང་སྐྱོང་ཐོན་རྫས་གསར་པ་སྐྱེད་སྲིང་ཧུར་ཐག་བྱས་པ་རེད།
ཤེས་རྟོགས་བྱུང་བར་གཞིགས་ན། ས་ཁམས་མཚོན་རྟགས་སྲུང་སྐྱོང་ཐོན་རྫས་ཀྱི་རེ་ཞུའི་ལས་དོན་དོན་འཁྱོལ་ཡག་པོ་བྱེད་ཆེད། ཉེ་ཆར་ལྷ་ས་གྲོང་ཁྱེར་ཁྲོམ་ར་ལྟ་འདོམས་ཅུས་ཀྱིས་ཁྲེང་ཀོན་ཆུས་དང་། མལ་གྲོ་གུང་དཀར་རྫོང་། འདམ་གཞུང་རྫོང་། ལྷུན་གྲུབ་རྫོང་སོགས་ཁྲོམ་ར་ལྟ་འདོམས་སྡེ་ཚན་གྱིས་ས་ཁམས་མཚོན་རྟགས་སྲུང་སྐྱོང་ཐོན་རྫས་ཀྱི་རེ་ཞུའི་ལས་དོན་སྤེལ་བའི་བརྒྱུད་རིམ་དུ་གནས་པའི་གནད་དོན་ལ་ངོ་ཐུག་གདོང་འཕྲད་དང་ཁ་པར་ནས་འབྲེལ་གཏུགས་བྱེད་པ་སོགས་ཀྱི་ཐབས་ལ་བརྟེན་ནས་རེ་རེ་བཞིན་འགྲེལ་བཤད་བརྒྱབ་པ་དང་། མཛུབ་ཁྲིད་ཡིག་ཆ་10ལྷག་ཙམ་གཅིག་རྗེས་གཉིས་མཐུད་ངང་བཏོན་པ་རེད། དེ་དང་དུས་མཚུངས་སྔོག་འདོན་གྱི་མི་མངོན་པའི་སྟོབས་ཤུགས་ལྡན་པའི་ལྷ་སའི་བྱ་དེ་དཀར་པོ་དང་། དག་པའི་རྫ་ཆས་སོགས་ས་ཁོངས་ཀྱི་ཁྱད་ལྡན་ཐོན་རྫས་ལ་ས་གནས་ས་ཐོག་ཏུ་རྟོག་ཞིབ་བྱས་པ་དང་མ་བཅོས་རྒྱུ་ཆའི་འབྲེལ་ཡོད་ལོ་རྒྱུས་ཀྱི་དཔྱད་ཡིག་དང་། ཐོན་སྐྱེད་སྒྱུ་རྩལ་གྱི་ལས་རིགས་ཚད་གཞི། ཁྲོམ་རའི་དགོས་མཁོ་སོགས་ཀྱི་གནས་ཚུལ་ཤེས་རྟོགས་བྱས་པ་མ་ཟད། ས་གནས་ས་ཐོག་ཏུ་ཡིག་ཐོག་སྙན་ཞུ་འབུལ་བའི་བརྒྱུད་རིམ་དང་རེ་ཞུའི་དཔྱད་ཡིག་གི་འབྲེལ་ཡོད་གནད་དོན་འགྲེལ་བཤད་ཀྱང་བརྒྱབ་པ་རེད།