དགུན་དུས་མི་རྣམས་ཀྱིས་བཟའ་བཏུང་ཚ་པོ་བཟས་པ་ལས་གྲང་མོའི་རིགས་བཟའ་བ་ཧ་ཅང་ཉུང་། ཡིན་ནའང་བཟའ་བཏུང་ཚ་པོ་ཁོ་ན་བཟའ་བ་ལས་གྲང་མོ་རྩ་བ་ནས་མི་སྤྱོད་པའི་དགོས་པ་དེ་ཙམ་མེད། རང་ཉིད་ཀྱི་གཟུགས་པོའི་གནས་ཚུལ་ལ་གཞིགས་ནས་བཟའ་བཏུང་གྲང་མོའི་རིགས་འོས་འཚམ་སྤྱད་ཚེ། དེ་ཡང་ལུས་གསོའི་ཐབས་ཤེས་བཟང་པོ་ཞིག་རེད།
དགུན་དུས་ཕོ་བ་བདེ་ཐང་ཡིན་པ་རྣམས་ཀྱིས་ཟས་རིགས་གྲང་མོ་འོས་འཚམ་བཟའ་བ་དང་ཆུ་གྲང་མོ་འོས་འཚམ་བཏུངས་ན། གཟུགས་པོར་མ་གནོད་ཁར་ད་དུང་ཕན་ཐོགས་ཇི་ཙམ་ཡོད། བཟའ་བཏུང་ཚ་པོ་མང་པོ་སྤྱོད་པ་དང་། དྲོ་ཇུས་བྱེད་པ། གྱོན་གོས་ཐུག་པོ་གྱོན་པ་བཅས་ལས་གཟུགས་པོའི་དྲོད་ཚད་ཅུང་མཐོ་རུ་ཕྱིན་ནས་ཕོ་བ་དང་གློ་བའི་དྲོད་ཚད་རྒྱས་ཏེ་དབུགས་ལམ་དང་ཕོ་རྒྱུའི་ནད་ན་བའི་ཉེན་ཁ་ཡོད། དེའི་སྐབས་སུ་ལ་ཕུག་རྗེན་པ་དང་པད་རྩའི་རིགས་ཀྱི་གྲང་ཚལ་བཟས་ན་གཟུགས་པོར་ཕན་པ་ཡོད་ལ། གཟུགས་པོ་སྐེམ་དུ་འགྲོ་བར་ཡང་ཕན་པ་ངེས་ཅན་ཡོད།
དེ་མིན་དགུན་དུས་སུ་ཆུ་གྲང་མོ་འོས་འཚམ་བཏུངས་ན་ཆམ་ནད་སྔོན་འགོག་ཐུབ་པ་དང་། ལྷག་པར་དུ་ཞོགས་པ་གྲོད་པ་སྟོང་པར་ཆུ་གྲང་མོ་བཏུངས་ན་མཆིན་པར་དུག་སེལ་ཐུབ་པ་དང་མཁལ་མ་གཙང་སེལ་ཐུབ་ནས་ནད་འགོག་ནུས་པ་ཆེ་རུ་འགྲོ་བ་དང་ཁྲག་འཁོར་རྒྱུག་སོགས་ལ་ཕན་ཐོགས་ཡོད།