འདི་ནི་ལྷ་སའི་མཐའ་མཚམས་འཛུལ་སྒྲོལ་མཐའ་སྲུང་ཞིབ་བཤེར་ས་ཚིགས་ཀྱི་མི་དམངས་ཉེན་རྟོག་པས་མང་ཚོགས་ལ་རིམས་ནད་སྔོན་འགོག་དང་ཚོད་འཛིན་གྱི་འབྲེལ་ཡོད་བཅའ་ཁྲིམས་ཤེས་བྱ་སྒྲོག་འགྲེལ་བྱེད་བཞིན་པ།
འདི་ནི་ལྷ་ཉིང་མྱུར་བགྲོད་གཞུང་ལམ་ཞིབ་བཤེར་ས་ཚིགས་ཀྱི་ལས་དོན་མི་སྣས་ཁ་ལོ་བ་དང་འགྲུལ་པའི་བདེ་ཐང་ཨང་རྟགས་ལ་ལྟ་བཞིན་པ།
ཉིན་ཤས་བསྟུད་མར། རང་ལྗོངས་ཀྱི་འབྲེལ་ཡོད་སྡེ་ཚན་ཁག་གིས་རྒྱུན་རྣམ་ཅན་གྱི་རིམས་ནད་སྔོན་འགོག་དང་ཚོད་འཛིན་གྱི་ལས་དོན་ལ་དམ་འཛིན་ནན་པོ་དང་དམ་འཛིན་ཏན་ཏིག་བྱ་རྒྱུ་རྒྱུན་འཁྱོངས་དང་། དེ་མཚུངས་ཀྱི་ལས་ཀའི་ལམ་སྲོལ་དང་ལས་ཀའི་བརྒྱུད་རིམ་རྒྱུན་མཐུད་ངང་རྒྱུན་འཁྱོངས་དང་རྒྱུན་ཆད་མེད་པར་འཐུས་སྒོ་ཚང་དུ་བཏང་སྟེ། གཙོ་གནད་ས་ཆ་དང་འགག་རྩའི་ལྷུ་ཚིགས་ལ་དམ་པོར་དམིགས་པ་དང་ཕྱོགས་ཡོངས་ལ་ཁྱབ་པ་དང་ཁུག་གསང་སྟོང་གསུམ་མ་ལུས་པ་བྱས་ནས་ཨང་རྟགས་བཤེར་བ་དང་། ཚ་བ་ལྟ་བ། ཁ་རས་རྒྱག་པ། དུག་སེལ་བྱེད་པ་སོགས་ཀྱི་སྔོན་འགོག་དང་ཚོད་འཛིན་གྱི་བྱ་ཐབས་དོན་འཁྱོལ་ཡག་པོ་བྱས་ཏེ་རང་ལྗོངས་ཀྱི་རིམས་ནད་སྔོན་འགོག་དང་ཚོད་འཛིན་གྱི་དྲ་རྒྱ་དམ་དུ་ཏན་ཏིག་བཏང་བ་རེད།