འདི་ནི་ཀྲུང་གོ་ལྕགས་ལམ་མྱུར་སྐྱེལ་མཚོ་བོད་ཡན་ལག་ཀུང་སིའི་ལྷ་ས་བབས་ཚུགས་ལས་གཉེར་པུའུ་ཡི་ལས་དོན་མི་སྣས་ལྷ་ས་ནས་ཉིང་ཁྲིར་བསྐུར་བའི་མྱུར་བགྲོད་ལྕགས་ལམ་གྱི་མྱུར་སྐྱེལ་དངོས་ཟོག་ཁག་དང་པོ་མེ་འཁོར་ནང་འཇུག་བཞིན་པ།

དྲ་ཐོག་ཚོང་དོན་གྱི་ཟོག་འགྲེམས་ཀྱི་འབོར་ཚད་ཆུང་བ་དང་། མྱུར་དུ་སྐྱེལ་བ། ཟུར་བསྣན་རིན་ཐང་མཐོ་བ་བཅས་ཀྱི་ཁྲོམ་རའི་དགོས་མཁོ་དང་ཧུར་ཐག་བསྟུན་པ་དང་མྱུར་བགྲོད་ལྕགས་ལམ་གྱི་འཁོར་རྒྱུག་དང་བདེ་འཇགས་སྟབས་བདེ་སོགས་ཀྱི་ལེགས་ཆ་གང་ལེགས་སྤྱོད་ཆེད། ཟླ་11ཚེས་1ནས་ཚེས་20ཉིན་བར་ཀྲུང་གོ་ལྕགས་ལམ་མྱུར་སྐྱེལ་མཚོ་བོད་ཡན་ལག་ཀུང་སིས་རང་ལྗོངས་ཀྱི་མི་རིགས་ཁག་གི་མང་ཚོགས་ལ་སྟབས་བདེའི་མྱུར་བགྲོད་མྱུར་སྐྱེལ་ཞབས་ཞུ་བྱེད་ཅིང་། དེ་ནི་རང་ལྗོངས་ཀྱིས་མྱུར་བགྲོད་ལྕགས་ལམ་གྱི་མྱུར་སྐྱེལ་ལས་སྒོ་གཉེར་ཐེངས་དང་པོ་ཡིན་པ་རེད།