རང་སྐྱོང་ལྗོངས་ཀྱི་མཐོ་སློབ་སློབ་ཐོན་སློབ་མའི་ལས་ཞུགས་ཀྱི་ཐབས་ཇུས་བཀོད་སྒྲིག་ཕྱོགས་ཡོངས་ནས་དོན་འཁྱོལ་བྱ་ཆེད། ཉེ་བའི་ལོ་ཤས་རིང་རང་ལྗོངས་ཀྱི་འབྲེལ་ཡོད་སྡེ་ཚན་གྱིས་གསར་གཏོད་ལས་གཏོད་ཁྲིད་སྟོན་དུ་བྱེད་པ་དང་། ཐོན་ལས་རིམ་སྤོར་དམིགས་ཚད་དུ་བྱེད་པ། སྲིད་ཇུས་མ་ལག་འཛུགས་སྐྱོང་བྱ་རྒྱུ་འདེགས་སྐྱོར་དུ་བྱེད་པ་བཅས་བྱས་ནས་དྲ་རྒྱའི་དུས་རབས་སུ་དམངས་ཀྱིས་གསར་གཏོད་ལས་གཏོད་བྱེད་པའི་དགོས་མཁོ་སྐོང་བའི་ལས་ཞུགས་ལས་གཏོད་ཀྱི་ཞབས་ཞུའི་ལས་སྟེགས་བཙུགས་ནས་མཐོ་སློབ་སློབ་ཐོན་སློབ་མ་སྤུས་ཚད་དེ་བས་མཐོ་བ་དང་དེ་བས་ལེགས་པའི་ཐོག་ནས་ལས་ཞུགས་ཐུབ་རྒྱུར་རོགས་རམ་བྱས་ཡོད།
འདི་ནི་ལྷ་ས་མཐོ་སློབ་སློབ་ཐོན་སློབ་མའི་ལས་ཞུགས་ལས་གཏོད་ཀྱི་གཅིག་འཐུས་རྣམ་པའི་ཞབས་ཞུ་ལྟེ་གནས་ཀྱི་ལས་དོན་མི་སྣས་མཐོ་སློབ་སློབ་ཐོན་སློབ་མར་ལས་ཞུགས་ལས་གཏོད་ཀྱི་སྲིད་ཇུས་འགྲེལ་བཤད་རྒྱག་བཞིན་པ།