གཙང་རལ་ཟམ་ཆེན་ཉེ་འཁོར་གྱི་ལམ་དུམ་ཁག་གཅིག་ཏུ་འགྲིམ་འགྲུལ་བཀག་སྡོམ་བྱ་རྒྱུའི་སྤྱི་བསྒྲགས། 

གཙང་རལ་ཟམ་ཆེན་གྱི་ཨར་སྐྲུན་དགོས་མཁོའི་དབང་གིས་ངེད་ཉིང་ལག་རུ་ཁག་གིས་2021ལོའི་ཟླ་10ཚེས་3ཉིན་ནས་བཟུང་གཙང་རལ་ཟམ་ཆེན་ཉེ་འཁོར་གྱི་ལམ་དུམ་ཁག་གཅིག་ཏུ་འགྲིམ་འགྲུལ་བཀག་སྡོམ་བྱ་རྒྱུ་ཡིན། ཞིབ་ཕྲའི་གནས་ཚུལ་སྤྱི་བསྒྲགས་སྤེལ་རྒྱུ་གཤམ་གསལ་ཏེ། 

1.བཀག་སྡོམ་གྱི་དུས་ཚོད། 2021ལོའི་ཟླ་10ཚེས་3ཉིན་ནས་2021ལོའི་ཟླ་11ཚེས་30ཉིན་བར་ཡིན། 

2.བཀག་སྡོམ་གྱི་ལམ་དུམ། སྐུ་འབུམ་ཐང་ལམ་དང་ཅང་སུའུ་ཤར་ལམ་སྦྲེལ་མཚམས་ཀྱི་ལམ་མདོ་ཁ་ནས་ཤར་དུ་བཀག་སྡོམ་བྱ་རྒྱུ་དང་། གཙང་རལ་ལྷོ་ལམ་དང་བོད་ལྗོངས་སློབ་ཆེན་དཀྱིལ་ལམ་སྦྲེལ་མཚམས་ཀྱི་ལམ་མདོ་ཁ་ནས་ལྷོ་ལ་བཀག་སྡོམ་བྱ་རྒྱུ། སྐུ་འབུམ་ཐང་ལམ་ཤིན་ཀྲི་ཧྲེང་བུ་བཅོལ་ཁང་གི་ལམ་དུམ་ནས་ནུབ་ལ་བཀག་སྡོམ་བྱ་རྒྱུ། གཙང་རལ་ལམ་དང་སྐུ་འབུམ་ཐང་ལམ་སྦྲེལ་མཚམས་ཀྱི་ལམ་མདོ་ཁ་ནས་བྱང་ལ་བཀག་སྡོམ་བྱ་རྒྱུ། 

3.བཀག་སྡོམ་གྱི་བླང་བྱ། འགྲིམ་འགྲུལ་བཀག་སྡོམ་ལམ་དུམ་ཉེ་འཁོར་གྱི་དུད་ཚང་དང་། ལས་ཁུངས། ཚོང་དུད་སོགས་རྒྱུན་གཏན་ལྟར་འགྲོ་སྐྱོད་བྱེད་ཆོག རྒྱ་ཆེའི་འགྲུལ་བཞུད་པ་ཚོས་རང་འགུལ་ངང་འགྲིམ་འགྲུལ་བཀག་སྡོམ་གྱི་བྱ་ཐབས་ལ་བརྩི་སྲུང་ཞུས་ནས། འགྲིམ་འགྲུལ་མཚོན་རྟགས་དང་བྱང་བུ་དང་། ལས་ཡུལ་གྱི་ལས་སྒྲུབ་མི་སྣ་དང་ལས་དོན་པའི་བཀོད་འདོམས་ལ་གཞིགས་ནས་འགྲོ་སྐྱོད་བྱེད་དགོས། ལམ་དུམ་དེ་དག་ལ་སྐྱོད་མཁན་ཚོས་བསམ་ཤེས་ཡོད་པ་ཞུ། 

ཆེད་དུ་སྤྱི་བསྒྲགས་འདི་སྤེལ།

ལྷ་ས་གྲོང་ཁྱེར་སྤྱི་བདེ་ཅུས་འགྲིམ་འགྲུལ་ཉེན་རྟོག་ཉིང་ལག་རུ་ཁག་གིས། 

2021ལོའི་ཟླ་10ཚེས་2ཉིན།