འདི་ནི་ཧུའུ་པེ་ཞིང་ཆེན་བོད་སྐྲུན་བོད་སྐྱོར་ལས་དོན་པའི་མཐུན་ཚོགས་ཀྱིས་འོས་འགན་སྨན་བཅོས་བྱེད་སྒོ་སྤེལ་བཞིན་པ།

ཉེ་ཆར། ཧུའུ་པེ་ཞིང་ཆེན་བོད་སྐྲུན་བོད་སྐྱོར་ལས་དོན་པའི་མཐུན་ཚོགས་ཀྱིས“ཏང་གི་ལོ་རྒྱུས་སློབ་སྦྱོང་བྱས་ཏེ་བྱ་བ་དངོས་སྒྲུབ་པ”ཞེས་པའི་བོད་སྐྱོད་སྤྱི་ཕན་བྱེད་སྒོ་རབ་དང་རིམ་པ་ལྷོ་ཁར་སྤེལ་འགོ་ཚུགས་ཤིང་། བྱེད་སྒོ་སྤེལ་ཡུན་གཟའ་འཁོར་གཅིག་ཡིན་པ་རེད། མཐུན་ཚོགས་དེ་སྔ་རྗེས་སུ་ལྷོ་ཁ་གྲོང་ཁྱེར་ཡུལ་སྨད་ཤང་དང་། རྒྱ་ཚ་རྫོང་། སྣེ་གདོང་ཆུས་སོགས་སུ་བསྐྱོད་དེ་དམངས་ཕན་འོས་འགན་སྨན་བཅོས་དང་། “གསར་བརྗེའི་རིག་རྩལ་རྟ་དམག”གི་སྤྱི་ཕན་འཁྲབ་སྟོན། གྲུམ་བུ་ཚིགས་ཆེན་ནད་ལ་བརྟག་དཔྱད་སོགས་ཀྱི་བྱེད་སྒོ་སྤེལ་བ་རེད།