ཉེ་ཆར། ལྷ་ས་གྲོང་ཁྱེར་གྱི་2021ལོའི་མི་རིགས་མཐུན་སྒྲིལ་ཟླ་བའི་ཆེད་དོན་རིག་རྩལ་དགོང་ཚོགས་དུས་ཚོད་དམ་འཛིན་གྱིས་ནང་སྦྱོང་བྱེད་བཞིན་ཡོད་པ་དང་། གཟིགས་མོ་བ་ཚོར་ལྟད་མོ་ཆེ་ལ་མི་སེམས་འགུལ་བའི“མི་རིགས་མཐུན་སྒྲིལ་གྱི་གླུ་གར”འཁྲབ་སྟོན་བྱ་རྒྱུ་རེད།
འདི་ལོའི་མི་རིགས་མཐུན་སྒྲིལ་ཟླ་བའི་ཆེད་དོན་རིག་རྩལ་དགོང་ཚོགས་ཀྱིས་མི་རིགས་ཀྱི་གཞས་མ་གཏམ་ཟློས་གར་གྱི་རྣམ་པར་བརྟེན་ནས་མཐའ་སྐྱོར་ན་གཞོན་ཞིག་དང་གངས་ལྗོངས་ས་མཐོའི་བོད་རིགས་ཁྱིམ་ཚང་ཞིག་དབར་བྱུང་བའི་གཏམ་རྒྱུད་དངོས་ཁུངས་སྣེར་བྱེད་པ་དང་། སྒྱུ་རྩལ་གྱི་ཁ་སྣོན་འོས་འཚམ་བྱས་པ་བརྒྱུད། བོད་ཀྱི་མི་དམངས་ཚོས་དགའ་པོ་བྱེད་པའི་གཞས་མ་གཏམ་གྱི་སྒྱུ་རྩལ་དང་དེང་རབས་ཟློས་གར་འཁྲབ་སྟོན་གྱི་རྣམ་པར་བརྟེན་་ནས་མཚོན་པར་བྱ་རྒྱུ་རེད། ཤེས་རྟོགས་བྱུང་བར་གཞིགས་ན། ཟློས་གར་དེའི་བརྗོད་བྱའི་ཡོང་ཁུངས་ནི་ལྷུན་གྲུབ་རྫོང་དུ་བྱུང་བའི་གཏམ་རྒྱུད་ངོ་མ་ཞིག་ཡིན་པ་དང་། འཁྲབ་གཞུང་རྩོམ་མཁན་ཚོས་བཅར་འདྲི་བྱས་པ་བརྒྱུད། ལྷུན་གྲུབ་རྫོང་མཁར་རྩེ་ཤང་གི་ཨ་མ་རྒད་མོ་མཚམས་གཅོད་ཀྱི་དྲན་ཤེས་ནང་གི་བུ་མོ་ཤེས་ཡོན་ཅན་ཞིག་གི་མི་སེམས་འགུལ་བའི་གཏམ་རྒྱུད་ཟིན་བྲིས་སུ་བཀོད་པ་ཞིག་རེད།
ཤེས་རྟོགས་བྱུང་བར་གཞིགས་ན། འདི་ལོའི་མི་རིགས་མཐུན་སྒྲིལ་ཟླ་བའི་ཆེད་དོན་རིག་རྩལ་དགོང་ཚོགས་ཀྱིས་བོད་སྐད་ཀྱི་འཁྲབ་ཚིག་གཙོ་བོར་བྱེད་པ་དང་། དེ་སྔའི་གཞས་མ་གཏམ་འཁྲབ་སྟོན་དང་མི་འདྲ་བར་ཟློས་གར་གྱི་རྣམ་པ་དང་། གློག་སྒྲོན་དང་གར་སྟེགས་བཀོད་སྒྲིག་ཟུང་འབྲེལ་གྱི་རྣམ་པ་སྤྱད་ནས་གཟིགས་མོ་བ་ཚོར་ལྟད་མོ་ཆེ་ལ་མི་སེམས་འགུལ་བའི་མིག་གི་སྟོན་མོ་ཞིག་བཤམ་རྒྱུ་རེད།