ཉེ་ཆར། ཁང་པ་མཚམས་སྦྱོར་བྱེད་མཁན་ཁག་གཅིག་གིས་ཟླ་9ཚེས་1ཉིན་ནས་བཟུང་། ཁང་པའི་གན་ཁྲལ་བསྡུ་རྒྱུར་ཁ་གཡར་ཏེ་འཛེམ་བག་མེད་པར་འུད་སྒྲོག་གིས་ཟླ་8ཚེས་26ཉིན་ནས་བཟུང་གཏན་འཇགས་རྒྱུ་ནོར་གྱི་དོ་བདག་སྒྱུར་མཚམས་འཇོག་རྒྱུའི་སྐོར་གྱི་ཆ་འཕྲིན་རྫུན་མ་སྤྱི་ཚོགས་ཐོག་སྤེལ་གྱི་ཡོད། འབྲེལ་ཡོད་སྡེ་ཚན་ནས་བདེན་མིན་ཞིབ་དཔྱད་བྱས་པ་བརྒྱུད། “ལྷ་ས་རིམ་གསུམ་སྲིད་དོན་ཞབས་ཞུའི་ཚོམས་ཆེན་གྱི་གཏན་འཇགས་རྒྱུ་ནོར་གྱི་ལས་སྒོ་ཉེ་དུས་གཉེར་མཚམས་འཇོག་རྒྱུའི”སྐོར་གྱི་གནས་ཚུལ་གསལ་བསྒྲགས་བྱས་མེད་པས། རྒྱ་ཆེའི་གྲོང་མི་ཚོས་གཞུང་ཕྱོགས་ཀྱི་ཆ་འཕྲིན་ལ་ཡིད་ཆེད་བྱེད་དགོས་པ་ལས། དཀྲོག་གཏམ་མི་བཟོ་བ་དང་། དཀྲོག་གཏམ་མི་སྤེལ་བ། དཀྲོག་གཏམ་ལ་ཡིད་ཆེས་མི་བྱེད་པ་བཅས་བྱེད་དགོས།

དེ་དང་ཆབས་ཅིག ལས་ཀའི་དུས་ཚོད་རིང་ལྷ་ས་རིམ་གསུམ་སྲིད་དོན་ཞབས་ཞུའི་ཚོམས་ཆེན་གྱི་ལས་སྒོ་ཚང་མ་རྒྱུན་གཏན་ལྟར་གཉེར་རྒྱུ་ཡིན་པ་དང་། ཚོམས་ཆེན་གྱི་ལས་སྒོ་གཉེར་བའི་ཆ་འཕྲིན“ལྷ་ས་སྲིད་དོན་ཞབས་ཞུའི”སྐད་འཕྲིན་སྤྱི་རྟགས་དང“ལྷ་ས་སྲིད་དོན་ཞབས་ཞུའི”ཁྱུག་དབྱིངས་བརྒྱུད་སྤེལ་རྒྱུ་ཡིན་པས་རྒྱ་ཆེའི་གྲོང་མི་ཚོས་དོ་ཁུར་དང་ཤེས་རྟོགས་ཡོད་པ་ཞུ།

ལྷ་ས་རིམ་གསུམ་སྲིད་དོན་ཞབས་ཞུའི་ཚོམས་ཆེན།

2021ལོའི་ཟླ་8ཚེས་23ཉིན།