ཉེ་ཆར། བོད་རང་སྐྱོང་ལྗོངས་ཏང་ཨུད་དང་སྲིད་གཞུང་གིས《ལྗོངས་ཡོངས་སུ་དམངས་འཚོའི་བྱ་བ་དངོས་13ཡག་པོ་སྒྲུབ་དགོས་པའི་སྐོར་གྱི་བརྡ་ཐོ》བཀྲམ་ཞིང་། 《བརྡ་ཐོའི》ནང་བསྟན་དོན། ཏང་གི་ལོ་རྒྱུས་སློབ་སྦྱོང་སློབ་གསོ་དང“ཆབ་སྲིད་ཀྱི་ཚད་གཞི་དེ་བས་མཐོ་བ་དང་། ཏང་གཤིས་ཀྱི་བླང་བྱ་དེ་བས་ནན་པ། རྩ་འཛུགས་ཀྱི་སྒྲིག་ཁྲིམས་དེ་བས་དམ་པ”བཅས་ཀྱི་ཆེད་དོན་སློབ་གསོ་གཏིང་ཟབ་སྤེལ་ཆེད། 《〈ཏང་གི་ལོ་རྒྱུས་སློབ་སྦྱོང་སློབ་གསོ་སྤེལ་རྒྱུའི་སྐོར་གྱི་ལག་བསྟར་ཇུས་གཞི〉པར་འགྲེམས་བྱ་རྒྱུའི་སྐོར་གྱི་ཀྲུང་གུང་བོད་རང་སྐྱོང་ལྗོངས་ཨུ་ཡོན་ལྷན་ཁང་གི་བརྡ་ཐོའི》དགོངས་དོན་དང་རང་སྐྱོང་ལྗོངས་ཏང་ཨུད་དང་སྲིད་གཞུང་གི་བཀོད་སྒྲིག་བླང་བྱ་གཞིར་བཟུང་། གྲོན་ཆུང་བསྲི་ཚགས་ཀྱིས་རྟེན་འབྲེལ་ཆེ་མོ་གཉེར་རྒྱུ་མཐའ་འཁྱོངས་བྱས་ཏེ། གྲོན་ཆུང་བྱས་པའི་མ་དངུལ་དམངས་འཚོའི་ཁྱབ་ཁོངས་སུ་གཏོང་རྒྱུ་དང་། “དངོས་སྒྲུབ་བབ་ཆགས”ཀྱིས་བོད་ཞི་བས་བཅིངས་འགྲོལ་བཏང་ནས་ལོ་ངོ་70འཁོར་བའི་རྟེན་འབྲེལ་མཛད་སྒོའི་གྲ་སྒྲིག་ལས་དོན་ཡག་པོ་སྒྲུབ་པ་དང་ཆབས་ཅིག ལྗོངས་ཡོངས་སུ“ངས་མང་ཚོགས་ལ་བྱ་བ་དངོས་སྒྲུབ”པའི་ལག་ལེན་བྱེད་སྒོ་ཁག་13སྤེལ་ནས། ལྗོངས་ཡོངས་ཀྱི་མི་རིགས་ཁག་གི་མང་ཚོགས་ཚོས་བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གི་ཐུགས་ཁུར་དང་དྲོ་སྐྱིད་སྔར་བས་གཏིང་ཟབ་ཚོར་བར་བྱ་རྒྱུ་ཡིན་པ་སྟེ།

1、བདེ་ཐང་ཇ་མཁོ་འདོན་བྱེད་རྒྱ་ཆེ་རུ་གཏོང་བའི་ལས་དོན་ཏན་ཏིག་ངང་ཡག་པོ་བསྒྲུབས་ཏེ། རྟེན་འབྲེལ་ཆེ་མོའི་གོང་ཞིང་འབྲོག་མང་ཚོགས་ལ་ཇ་རིན་མེད་ངང་སྤྲད་ནས། མང་ཚོགས་ལ་བདེ་ཐང་གི་ཇ་འཐུང་བའི་འདུ་ཤེས་འཛུགས་པ་དང་ནད་འགོག་འདུ་ཤེས་ཟབ་ཏུ་གཏོང་རོགས་བྱ་རྒྱུ་དང་།

2、 བཟའ་བཅའི་བདེ་འཇགས་ལས་དོན་ཏན་ཏིག་ངང་ཡག་པོ་བསྒྲུབས་ཏེ། ཚད་གཞི་ནན་ཤོས་དང་། ལྟ་འདོམས་ནན་ཤོས། ཆད་གཅོད་ནན་ཤོས། འགན་འཁྲི་བདའ་འདེད་ནན་ཤོས་བཅས་མཐའ་འཁྱོངས་ཀྱིས་བཟའ་བཅའི་ཁུངས་འདེད་ལ་ཤུགས་སྣོན་བརྒྱབ་ནས། ལོ་འཁོར་ནང་བཟའ་བཅའི་ཞིབ་དཔྱད་ཚད་ལེན་མ་ལག་དང་བཟའ་བཅའི་བདེ་འཇགས་ཀྱི་རིག་ལྡན་མ་ལག་འཛུགས་རྒྱུ།

3、 ཞིང་པ་ལས་མིའི་གླ་ཆ་འགྱངས་ཆད་བྱས་རིགས་གཙང་སེལ་གྱི་ལས་དོན་ཏན་ཏིག་ངང་ཡག་པོ་བསྒྲུབས་ཏེ། ལས་གྲྭ་འཛུགས་སྐྲུན་སོགས་གཙོ་གནད་ཀྱི་ཁྱབ་ཁོངས་མངོན་གསལ་དོད་པོ་ཡོང་བ་བྱེད་པ་དང་། ལས་དོན་སྤེལ་ཤུགས་ཆེ་རུ་གཏོང་བ། གླ་ཆ་ཡང་སྙིང་ག་ཚོད་ཆད་མིན་མཐིལ་རྟོགས་བྱེད་པ། ཆེད་དོན་མ་དངུལ་བཀོད་སྒྲིག་བཅས་བྱ་རྒྱུ།

4、ཞིང་འབྲོག་མང་ཚོགས་ཀྱི་སྡོད་ཁང་གི་སྤུས་ཚད་ལེགས་སུ་གཏོང་བའི་ལས་དོན་ཏན་ཏིག་ངང་ཡག་པོ་བསྒྲུབས་ཏེ། ལྕགས་རྩིབས་སྒྲོམ་གཞིའི་ཨར་པོ་རྒྱག་སྟངས་ཁྱབ་གདལ་བཏང་ནས་ནག་ཆུ་གྲོང་ཁྱེར་འབྲི་རུ་རྫོང་གི“3·19”ས་ཡོམ་གྱི་གེགས་རྗེས་བསྐྱར་སྐྲུན་བྱ་ཡུལ་དེ་ཚོད་ལྟ་བྱེད་གནས་སུ་བྱས་ཏེ། ཁང་པ་500བསྐྲུན་ནས་དཔེ་ལྟ་ཆོག་པ་དང་ཁྱབ་གདལ་གཏོང་ཆོག་པའི་ས་བབ་མཐོ་བའི་ཚད་ལྡན་ཅན་གྱི་དམངས་སྤྱོད་ཨར་སྐྲུན་འཕེལ་རྒྱས་ཀྱི་ལམ་བུ་ཞིག་འཚོལ་ཞིབ་ཧུར་ཐག་བྱ་རྒྱུ།

5、ལྗོངས་ཡོངས་ཀྱི་ལས་རིགས་ལག་རྩལ་སློབ་གླིང་དང་སློབ་གྲྭའི་སློབ་མར་ཁ་ལོ་བའི་ལག་རྩལ་རིན་མེད་ངང་གསོ་སྦྱོང་བྱེད་པའི་ལས་དོན་ཏན་ཏིག་ངང་ཡག་པོ་བསྒྲུབས་ཏེ། སློབ་མའི་ལས་ཞུགས་ལས་གཏོད་ཀྱི་ཐབས་ལམ་རྒྱ་ཆེར་གཏོང་རྒྱུ།

6、གྲུམ་བུ་ཚིགས་ཆེན་གྱི་ནད་པ་སྐྱོབ་བཅོས་དང་རོགས་སྐྱོབ་ཀྱི་ལས་དོན་ཏན་ཏིག་ངང་ཡག་པོ་བསྒྲུབས་ཏེ། 《བོད་རང་སྐྱོང་ལྗོངས་ཀྱི་གྲུམ་བུ་ཚིགས་ཆེན་གྱི་ནད་པ་སྐྱོབ་བཅོས་དང་རོགས་སྐྱོབ་ཀྱི་བྱ་སྤྱོད་ཇུས་གཞི(2021ལོ་ནས་2022ལོ་བར)》བཟོས་ནས། ཞབས་ཞུ་དོ་དམ་དང་ཁྱིམ་སྡོད་བདེ་ཐང་སླར་གསོ་སོགས་ཀྱི་ལས་ཀའི་བྱ་ཐབས་དོན་འཁྱོལ་གྱིས་2022ལོའི་ཟླ་12པའི་ཟླ་མཇུག་ཏུ་སླེབས་སྐབས་ནད་པ་ཚང་མ་སྐྱོབ་བཅོས་ནུས་ལྡན་ཐུབ་པ་དང་། རོགས་སྐྱོབ་ཀྱི་ཆ་རྐྱེན་དང་འཚམ་པའི་ནད་པ་ཚང་མ་རོགས་སྐྱོབ་ཀྱི་ཁྱབ་ཁོངས་ནང་འཇུག་རྒྱུ།

7、གཞོན་ནུ་ལོ་ཆུང་གི་ལྷན་སྐྱེས་སྙིང་ནད་གྲལ་བཤེར་དང་སྐྱོབ་བཅོས་ལས་དོན་ཏན་ཏིག་ངང་ཡག་པོ་བསྒྲུབས་ཏེ། ལོ་0-ལོ་18བར(ལོ་18ཚུད་པ)གྱི་ཁྱིམ་ཚང་ལ་དཀའ་ངལ་ཡོད་པའི་ལྷན་སྐྱེས་སྙིང་ནད་ཕོག་མཁན་ལ་ཁག་བགོས་ནས་སྨན་རིན་མི་དགོས་པར་སྨན་བཅོས་བྱ་རྒྱུ།

8、མཐའ་མཚམས་དང་ཐག་རིང་ལུང་ཁུག་གི་དགོན་སྡེའི་དཀའ་ངལ་དང་གནད་དོན་ཐག་གཅོད་བྱ་རྒྱུ།

9、 སྒྲིག་ཚང་གྲོང་ཚོར་གྲོང་གསེབ་ཀྱི་གཞུང་ལམ་ཨ་མ་སྦྲེལ་ཐུབ་མེད་པའི་གནད་དོན་ཏན་ཏིག་ངང་ཐག་གཅོད་ཡག་པོ་བྱས་ཏེ། རྣམ་གྲངས་ཀྱི་མ་དངུལ་གྲོན་ཆུང་དང་བསྡུ་སྒྲིལ་ཏན་ཏིག་བྱས་ནས། མང་ཚོགས་ཕྱིར་སྐྱོད་པར་སྟབས་བདེ་བསྐྲུན་རྒྱུ།

10、ཐེམ་ཐོ་སྒྱུར་བའི“ཞིང་སྒྲོལ་ཀུན་སྒྲུབ”ཀྱི་ལས་དོན་ལ་སྐུལ་འདེད་ཏན་ཏིག་བཏང་ནས། ཐེམ་ཐོའི་རིགས་ཀྱི་ངོ་སྤྲོད་དང་ཐེམ་ཐོའི་ལས་སྒོ་5“ཞིང་སྒྲོལ་ཀུན་སྒྲུབ”ཐུབ་པ་བྱ་རྒྱུ།

11、ས་ཁུལ་མི་འདྲ་བའི་དབར་བཅོས་སྣུམ་ཕྱིར་འཚོང་གི་རིན་གོང་ཧེ་བག་ཆེ་དྲགས་པའི་གནད་དོན་ཐག་གཅོད་བྱ་རྒྱུར་སྐུལ་འདེད་ཏན་ཏིག་གཏོང་རྒྱུ།

12、གྲོང་ཁྱེར་གྱི་སྔོ་ལྗང་སྤྱི་གླིང་དང་སྤྱི་པའི་ལུས་རྩལ་གྱི་སྒྲིག་བཀོད་དང་། སྒོ་དབྱེའི་ཆ་རྐྱེན་དང་འཚམ་པའི་ལས་ཁུངས་དང་། ཁེ་ལས་དང་བྱ་གཞག་ཚན་པ། སློབ་གྲྭའི་ལུས་རྩལ་ཐང་བཅས་ཀྱི་སྒྲིག་བཀོད་སྤྱི་ཚོགས་ལ་རིན་མེད་དམ་ཡང་ན་རིན་གོང་དམའ་པོ་ལས་མི་ལེན་པར་སྒོ་ཕྱེ་སྟེ། མང་ཚོགས་ཀྱི་སྤྲོ་གསེང་ལུས་སྦྱོང་ལ་སྟབས་བདེ་བསྐྲུན་རྒྱུ།

13、2021ལོའི་ཟླ་7ཚེས་1ཉིན་ནས་བཟུང་། 1959ལོའི་ཟླ་3ཚེས་28ཉིན་གོང་ལས་ཀར་ཞུགས་པའི་རྒན་ཡོལ་ཞུས་པའི་ལས་བཟོར་དམིགས་བསལ་གྱི་འཚོ་བའི་ཁ་གསབ་རོགས་དངུལ་སྤྲོད་རྒྱུ་བཅས་རེད།